ASIÕSUILO 1:3 - Embimbiliya - Bíblia Sagrada em Umbundu

³ Yuda wa tualiwa kofeka yamãle, ha sipatiwa kuenda oku vumbisua. Wa tunga pokati kolofeka. Utima puãi ka wa sangele omangu. Ava vo lupuisile vo kuata pokati kokusipatiwa kuaye.

ASIÕSUILO 1:3 Iomraidhean Croise

II OLOSOMA 25:11

Ocisupe comanu va sialele vimbo lava va tililile ku Soma ya Bavulono, kumue locisupe cowiñi, vosi Nevusaradana kesongo kasualali velombe wa va tuala kumandekua.

II OLOSOMA 25:21

Soma ya Bavulono wa va ponda, wa va ipaila ko Rivila vofeka ya Hamati. Oco va Yuda vopiwa vofeka yavo, yu va tualiwa kumandekua.

II OLOSOMA 25:4

Oco va tuiya epangu vimbo, kuenje alume vosi vakuavita va tilamo uteke, va enda lonjila yombundi yopokati kovimano vivali, haiyo yi lisungue locumbo ca Soma, osimbu va Kaldea Va ñuala imbo ocingonja. Oco va enda lonjila yo kAraba.

II OLOSOMA 25:5

Puãi olohoka via va Kaldea via landula Soma, yu vio sanga vatapi a Yeriko, kuenje olohoka viaye viosi vio sandoka.

YEREMIYA 13:19

Ovaimbo oko Sul a ñualĩwa ocingonja kuenje ka ku li u o situlula. Yuda yosi ya tualiwa kumandekua; yosi muẽle ya tualiwa kumandekua.

YEREMIYA 16:16

Yehova wa popia hati, Tala, numisa anyanga a lua olõsi kuenje a va pipa; noke numisa anyanga a lua kuenje a va yeva kolomunda viosi, kuenda kovivulu viosi, lokaleva osi ovawe.

YEREMIYA 24:9

Ndi va lingisa vakualuhimo lu yokokisa ovosoma osi okilu lieve, okuti va pembuiwa, va sepuiwa, va linga ongombe yomãla kuenje va siñaliwa volofeka viosi omu ndi va sanduila.

YEREMIYA 39:9

Oco ocisupe comanu ca siala vimbo kuenda ava va yapukila kokuaye lomanu vakuavo va siala, kesongo linene Nevusaradana wa va tuala ko Bavulono olomandekua.

YEREMIYA 52:15

Kuenje Nevusaradana, kesongo liavakuakulava, wa ambata olohuate omanu va siala vimbo lava va lieca ku Soma ya Bavulono, kuenda olomesele via siala.

YEREMIYA 52:8

Puãi olohoka via va Kaldea via landula Soma Sedekiya yu vio kuatela ketapi lioko Yeriko. Olohoka via Sedekiya puãi vio sandoka ale.

ASIÕSUILO 2:9

Olombundi viaco via nyolẽha. Wa teya olomimbiliko viaco loku vi nyõla. Soma yavo lomãla vaye va sandokaila kolofeka viñi viñi. Ocihandeleko ca imũha. Ovaprofeto ka va mõli vali ovinjoinjoi via Yehova.

ASIÕSUILO 4:15

Omanu va kaluka vati, Tundi! Wa liñi! Kuendi! Kuendi! Ko ka tu lambi! Omanu vakualofeka viosi vati, Ka va tungi vali letu.

ASIÕSUILO 5:5

Omi yeyi posingo, tua sipatiwa. Tua kava; ka va tava okuti tu puyuka.

ESEKIELE 5:12

Onepa yimue yove yatatu yi fa lefengi, kuenje yi liwa lelambu vokati kove. Onepa yikuavo yatatu yi fa losipata kolonele viove. Lonepa yikuavo yatatu ndi yi sanduila kolofela viosi, kuenje somuila osipata konyima yavo.

ESINUMUĨLO 28:48

oco o vumbila ovanyãli vove, ava Yehova, Suku yove, a ku tumisa. O va vumba lonjala, lenyona, lepẽle, lusuke wovina viosi. Yehova o ku kapa okanga yutale kosingo, toke wa ku nyõla.