ASIÕSUILO 1:20 - Embimbiliya - Bíblia Sagrada em Umbundu

²⁰ Tala, a Yehova, momo nda yambuka; utima wange wa tokotelua, wa liketika vokati kange, omo nda huka ca lua. Vimbo osipata yi kesa kesa. Vonjo mu li okufa.

ASIÕSUILO 1:20 Iomraidhean Croise

YOVI 30:27

Oco utima wange wa sakalala, ko puyuka. Oloneke viohali vi njiyilila.

YOVI 33:27

Noke eye imba ocisungo kovaso omanu hati, Nda linga ekandu. Nda pengisa eci cesunga, kuenje sia ci fetuluinyiwile.

OLOSAMO 22:14

Nda peseka ndovava. Akepa ange osi a fuomoha. Utima wange wa linga ndesela, wa yenguluka vokati kange.

OLOSAMO 38:8

Nda hongua, nda sasoha enene. Ndi liyula momo utima wa tokotelua.

OLOSAPO 28:13

U o limbika akandu aye ka tela oku sumũluha, puãi u o litavela kuenje o tindukako eye o sanga ohenda.

ISAYA 16:11

Oco utima wange u lisiõsuĩla Moavi ndohalupa; vonũlo yange mu lisiõsuĩla Kiriharesi.

ISAYA 38:14

Ndukuakulila ndomiapia pamue ndepanda. Ndi leña leña ndopomba. Ovaso ange a vuvala loku vanja vanja kilu. A Yehova, ñasi lohali, ñolise.

YEREMIYA 14:18

Nda mita vusenge tala, mõla ava va fa losipata! Nda nyiñila vimbo, tala, va vela onjala! Momo uprofeto kuenda ocitunda, vosi yavo, va talavaya ño vofeka; ka va kuete ukũlihiso.

YEREMIYA 14:20

A Yehova, tua kũlĩha olohole vietu, kuenda evĩho lia vaisietu, momo tua ku lingila ekandu.

YEREMIYA 2:35

wa linga huti, Ame nde lipua. Ka ku pumbi okuti onyeño yaye ya nunda.— Omo wa linga huti, Sia lingile ekandu, oco hu sombisa.

YEREMIYA 3:13

Cimosi lika, litavela olohole viove ndomo wa lueyela Yehova Suku yove, kuenje wa tungayaila lingualulu vamẽhi oviti viosi via pulika, kuenje kua tavele kondaka yange. Oco ca popia Yehova.

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

YEREMIYA 4:19

A mãi we, a tate we! Utima wange wa tokotelua, wa teka, utima u sula vokati kange, si tela oku ũha. Momo nda yeva ondaka yolumbeta kuenda onjuela yovita.

YEREMIYA 48:36

Oco utima wange u lila Moavi ndokusika kuolumbendo; oco utima wange u lila alume va Kiri-heresi ndokusika kuolumbendo; oco ovipako viosi va limuisa via peseka.

ASIÕSUILO 1:11

Omanu vaye vosi va tula tula ovimuẽnyo poku sanda okulia. Va eca ovina viavo via velapo oku tĩla ha va sangi okulia, oco va tate omuẽnyo. Tala, a Yehova, vanja ndomo nda pembuiwa.

ASIÕSUILO 1:18

Eci Yehova a linga cesunga, momo nda hukila ovihandeleko viaye. Amanu vosi, yeveleli. Vanji ohali yange! Afeko vange lakuenje vange va tualiwa kumandekua.

ASIÕSUILO 1:8

Yerusalãi wa lueya cĩvi, oco wa vihĩla. Vosi vana vo sumbile vo sepula omo va mõla epõlõla liaye. Ocili, eye muẽle o leña leña, loku pukuka.

ASIÕSUILO 1:9

Eliño liaye lia vihĩsa olonanga viaye, puãi ka sokoluile enyõlẽho liya, oco okukupuka kuaye ku linga usumba, londembeleki ka kuete. A Yehova, tala ndomo nda mõla ongongo, momo unyãli wa yula!

ASIÕSUILO 2:11

Ovaso ange a yengeta lasuẽlẽla. Utima wange wa tokotelua. Esumuo lia lua; utima wa sulila, momo omanu vange va nyõlẽha, kuenda omãla loloñaña vi ambukila volokololo vimbo.

ASIÕSUILO 5:16

Ekolowa lia kupuka kutue wetu. Ngongo yetu we! momo tua linga cĩvi,

ESEKIELE 7:15

Posamua osipata. Vokati efengi lelambu. U o kasi vusenge o fa losipata, lu o kasi vimbo elambu lefengi viu nyõla.

DANIELE 9:5

Tua linga ekandu kuenda tua linga olohole. Tuakuevĩho, kuenje tua sina loku pambuka kovihandeleko viove lokoviholo viove.

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

HAVAKUKI 3:16

Nda ci yeva kuenje etimba liange lia luluma. Omẽla wange wa titimĩla ondaka. Okuvola kua wila vakepa ange. Oku enda ndi luluma. Nayilĩli lutima wa tula eteke liohali liya kuava va tu katukila.

ESINUMUĨLO 32:25

Posamua osipata yi kundula. Vokati eci ci yokokisa oco ci lua. Vi nyõla vosi, locipombokuenje kuenda ufeko, loñaña yokavele kuenda osekulu yowele.