ASIÕSUILO 1:17 - Embimbiliya - Bíblia Sagrada em Umbundu

¹⁷ Siono olõla ovaka aye, puãi ondembeleki ka ku li. Yehova wa tukuila ava va lisungue la Yakoba oku linga ovanyãli vaye. Va tenda Yerusalãi ndocina ci koka onyanya.

ASIÕSUILO 1:17 Iomraidhean Croise

I OLOSOMA 8:22

Oco Salomone wa talama vilu kovaso yutala wa Yehova, kovaso ohongele yosi ya Isareli, yu wõluila ovoko aye kilu,

I OLOSOMA 8:38

kuenje nda omunu umue pamue omanu vove vosi va Isareli va likutilila ohutililo yimue loku lomba elombelo limue, omunu omunu loku kulĩha ohali yutima waye muẽle, loku oluila ovoko aye konjo yilo;

II OLOSOMA 25:1

Kunyamo wecea wuviali waye, kosãi yekui, keteke liekui liosãi, Nevukandesa Soma ya Bavulono wa katukila Yerusalãi, eye kumue lolohoka viaye viosi. Wa yi tungila ocilombo, kuenda va yi ñualisa olondunda.

UKUNDI 4:1

Nda mõlavo akangiso osi a kasi loku lingilua vemehi liekumbi. Kuenje tala, asuelẽla ava va kangisua ya, kuenje ka va kuete u o va lemba; vakuaku va kangisa va kasi lunene waco, puãi ovo muẽle ka va kuete u o va lemba.

ISAYA 1:15

Eci vu tulika ovoko ene ndu sitikili ovaso ange, leci vu likutilila olohutililo via lua siu yevi, momo ovaka ene a kusuka ngẽ osonde.

ISAYA 54:11

Okuangongo, wa pungiwa lehunguhungu yu kua lembelue, tala, nunga ovawe ove avala, seveta ociseveto cove la safira.

YEREMIYA 12:9

Ocipiñalo cange nga ca ndingila ndongonga yi mañana? Olongonga vikuavo hẽ via yi pupila? Kuendi, ongololi ovinyama viosi viovusenge, vi neni kokulia.

YEREMIYA 15:5

A Yerusalãi, helie o ku kuatela ohenda? Helie o ku lilila? Helie o yapuka oku ku pasula?

YEREMIYA 16:6

Ava vanene lava vatito va fila vofeka yilo. Ka va kendiwa, lomue o va lila. Lomue o va litandela pamue oku va lipemuĩla esenya.

YEREMIYA 34:22

Tala! Njimba oluiya luaco kuenje ndi vi nena vali kimbo lilo. Vi yaka lalio, vi li kuata, kuenje vi li yoka londalu. Ndingisa ovaimbo oko Yuda alunda. Lomue o tungamo vali. Oco ca popia Yehova.

YEREMIYA 4:31

Momo nda yeva okuliyula ndoku kukãi o kasi lolongembia vioku cita uveli waye, okuo oku liyula kuomõla a Siono ukãi. O sakoka, alõla ovaka aye hati, A mãi we! Omuenyo wange wa taka povaka olomondi.

YEREMIYA 6:3

Ovangombo loviunda viavo vo katukila, vo ñualĩsa olombalaka viavo. Va lisila oviunda viavo, u konepa yaye, u konepa yaye.

YEREMIYA 8:18

Upongo wange wa pitahãla oku sakuiwa. Utima u vela vokati kange.

ASIÕSUILO 1:16

Ovina viaco ndi vi lilila; ovaso ange a sukumũla asuẽlẽla, momo ondembeleki yi kasi ocipãla lame, u o halĩsa keko. Omãla vange va linga olosiwe, momo unyãli wa yula.

ASIÕSUILO 1:19

Nda kovongele vakuacisola cange, puãi va ñemba. Ovitunda viange lakulu vange va nyõlehẽla vimbo osimbu va sanda okulia ha va tati omuẽnyo.

ASIÕSUILO 1:2

Kuteke li lila lila locinguva ca lua; kocipala ku lokaila asuẽlẽla. Pokati kava vo sola ondembeleki ka pa li. Akamba vaye vo ñualelapo; vo lingila ovanyãli.

ASIÕSUILO 1:21

Njevelele ndomo ñenya ñenya, lu o ndembeleka ka ku li. Ovanyãli vange vosi va yeva ongongo yange yu va sanjuka omo ove wa ci linga. Eteke wa tukula liye, oco va kale ndame!

ASIÕSUILO 1:8

Yerusalãi wa lueya cĩvi, oco wa vihĩla. Vosi vana vo sumbile vo sepula omo va mõla epõlõla liaye. Ocili, eye muẽle o leña leña, loku pukuka.

ASIÕSUILO 1:9

Eliño liaye lia vihĩsa olonanga viaye, puãi ka sokoluile enyõlẽho liya, oco okukupuka kuaye ku linga usumba, londembeleki ka kuete. A Yehova, tala ndomo nda mõla ongongo, momo unyãli wa yula!

ASIÕSUILO 4:15

Omanu va kaluka vati, Tundi! Wa liñi! Kuendi! Kuendi! Ko ka tu lambi! Omanu vakualofeka viosi vati, Ka va tungi vali letu.

ESEKIELE 36:17

A Mõlõmunu, eci epata lia Isareli lia tungile vofeka yavo muẽle va yi vĩhĩsa lovituwa viavo lovilinga viavo. Okukala kuavo kovaso ange kua sokele ndokuvĩha kukãi o kasi kocituwa.

HOSEA 8:8

Isareli wa liwa. Pokati kolofeka va linga ale ndocikuata ka ci silivila.