ASIÕSUILO 1:14 - Embimbiliya - Bíblia Sagrada em Umbundu

¹⁴ Olohole viange via ñuta ndomi; eka liaye lia vi pandeka; via litañula ha vi ñueka posingo; wa njupa ongusu yange. Yehova wa ngeca povaka a vana okuti si tẽla oku tamalãla lavo.

ASIÕSUILO 1:14 Iomraidhean Croise

OLOSAPO 5:22

Olohõle viondingaĩvi viu kuata, kuenje yi fila vovikolo viakandu aye.

ISAYA 14:25

okuti u Asuria vofeka yange ndu tepamo, ndu kosela lolomãi kolomunda viange. Okanga yaye yi va tunda kuenda ocitele caye ci tunda povitãi viavo.

ISAYA 47:6

Nda temẽle lomanu vange, nda liñisa ocipiñalo cange; nda va eca peka liove kuenje kua va lingile ohenda; ndaño ava va kuka wa va fukĩlĩsa lomi yove.

YEREMIYA 25:9

oco numila apata osi oko Norte, kuenje mañinya ukuenje wange Nevukandesa, Soma ya Bavulono. Ndi va nenela oku yakisa ofeka yilo lolonungi viayo, kuenda olofeka viosi vi lisungue layo. Ndi vi nyõla pe. Ndi vi lingisa vakualuhimo lu yokokisa. Ndi vi yolisa epembe loku vi kutisa osõi ka yi pui. Oco ca popia Yehova.

YEREMIYA 27:12

Olondaka evi haivio nda popia la Sedekiya, Soma ya Yuda, siti, Imbi olosingo viene vomi ya Soma ya Bavulono, u vumbi kuenda vumbivo omanu vaye, oco vu kala lomuenyo.

YEREMIYA 27:8

Puãi nda pa li ofeka yimue pamue usoma umue ko tava oku vumba Nevukandesa, Soma ya Bavulono, kuenda ko tava oku imba osingo komi ya Soma ya Bavulono, ofeka yaco ndi yi yambula losipata kuenda onjala lefengi toke nda va nyõla pe leka liaye. Oco ca popia Yehova.

YEREMIYA 28:13

Kuende, ka sapuile Hananiya huti, Ca popia Yehova, ceci, hati, Ove wa teya omi yuti, puãi miñainyapo omi yutale.

YEREMIYA 28:14

Momo, ca popia Yehova Ukualohoka, Suku ya Isareli, ceci, hati, Nda imba omi yutale kosingo yolofeka evi viosi, okuti vi vumba Nevukandesa, Soma ya Bavulono. Viu vumba omo ndo wiha ndaño ovinyama viovusenge.

YEREMIYA 32:3

Momo Sedekiya, Soma ya Yuda, wo yika omo wo pula hati, Nye o popela ocitumasuku huti, Ca popia Yehova ceci, hati, Ngeca imbo lilo peka lia Soma ya Bavulono, o li kuata?

YEREMIYA 32:5

Eye o tuala Sedekiya ko Bavulono, haiko a kala toke ndu wivaluka. Ndaño vu yaka la va Kaldea ka vu yuli? Oco ca popia Yehova.

YEREMIYA 37:17

oco Soma Sedekiya wo tumila kuenje vo nena konjo yaye uyombeki. Soma wo pula pula hati, Ku li ondaka ya Yehova? Yeremiya wa kumbulula hati, Ku li. Wa vokinyako hati, Ove weciwa peka lia Sorpa ya Bavulono.

ESEKIELE 11:9

Ndu wupi vokati kalio. Ndu telekali povaka a vakualofeka, kuenje ndu tetuluili.

ESEKIELE 21:31

Hu sukumuila onyeño yange. Hu siakalela elungulungu lioku tema kuange. Hu eca peka liolongangala vina vi tẽla oku nyõla.

ESEKIELE 23:28

Omo ca popia Ñala Yehova ceci, hati, Tala, hu eca peka liava wa suvuka, peka liava utima wove wa litepa lavo.

ESEKIELE 25:4

oco ndu weci komanu vakuotundilo okuti vo viali. Va tunga pokati kene ovilombo viavo ndaño olonjo viavo. Va lia epako liene. Va nyua asenjele ene.

ESEKIELE 25:7

oco ndo wõluili eka liange okuti ndu weci ku vakualofeka. Ndu tepi pokati komanu. Ndu malipo pokati kolofeka. Ndu nyõli. Oco vu limbuka okuti ame ndi Yehova.

HOSEA 5:14

Efarimi ndu lingila ndohosi, lepata lia Yuda ndeyove liohosi. Ame, ame muẽle, soyola kuenje nundako. Ngambata, lu o popela ka ku kala.

MIKA 2:3

Oco, ca popia Yehova ceci, hati, Tala! nda angiliyila epata eli eci cĩvi, lolomi ka vi tundi kolosingo viene. Ka wendi vali loku ngangavala, momo oloneke viaco vi kala cĩvi.

ESINUMUĨLO 28:48

oco o vumbila ovanyãli vove, ava Yehova, Suku yove, a ku tumisa. O va vumba lonjala, lenyona, lepẽle, lusuke wovina viosi. Yehova o ku kapa okanga yutale kosingo, toke wa ku nyõla.