ASIÕSUILO 1:10 - Embimbiliya - Bíblia Sagrada em Umbundu

¹⁰ Unyãli wolõla ovaka aye ha kuati ovina viaye viosi via posoka. Ocili, wa mõla vakualofeka va iñila vonjo yaye yi kola, vana ove wa handeleka okuti ka va ka iñile pokati komanu vove.

ASIÕSUILO 1:10 Iomraidhean Croise

II ASAPULO 36:18

Kuenje ovikuata viosi vionjo ya Suku, evi vinene levi vitito, lovokuasi onjo ya Yehova, lovokuasi a Soma la a olombuale viaye, cosi wa enda laco ko Bavulono.

NEHEMIYA 13:1

Eteke liaco va tangela omanu velivulu lia Mose yu va sanga okuti mua sonehiwa okuti va Amoni la va Moavi lalimue eteke va tẽla oku iñila vekongelo lia Suku,

ISAYA 63:18

Omanu vove va kola va kaile ño naito vocitumãlo cove, ovanyãli vetu va ci kosa.

YEREMIYA 15:13

Ovikuata viove lipako viove ndi tava okuti vi kuatiwa, ka vi kuata ondando, vi linga ofeto yolohole viovofeka yove yosi.

YEREMIYA 20:5

Wa linga vali hati, Ukuasi wosi wimbo lilo, kuenda ufũlo walio wosi, kuenda ovikuata viaco via tĩla, lovipako viosi violosoma via Yuda, ndi vi eca povaka ovanyali vavo haivo va vi punda, kuenje va vi tambula loku vi tuala ko Bavulono.

YEREMIYA 27:19

Momo Yehova Ukualohoka wa tukula olongunji kuenda okalunga lovotala kuenda ovikuata vikuavo via siala vimbo lilo,

YEREMIYA 27:21

Yehova Ukualohoka, Suku ya Isareli, wa tukula muẽle ovikuata viaco via siala vonjo ya Yehova kuenda vonjo ya Soma ya Yuda lovo Yerusalãi, hati,

YEREMIYA 50:28

Yeveleli! Va kasi loku tila ale. Va kasi loku puluka kofeka ya Bavulono ha va sapuila vo Siono ndeci Yehova Suku yetu a fetuluinyila onembele yaye.

YEREMIYA 51:51

Lingi hoti, Tua kutiwa osõi, momo tua mõla esepu. Osõi ya tuvika ovipala vietu, momo vakualofeka va iñila vovitumãlo vi kola vionjo ya Yehova.

YEREMIYA 52:13

Wa yoka londalu onjo ya Yehova lelombe lia Soma kuenda olonjo viosi via Yerusalãi. Wa yoka muẽle olonjo viosi vinene.

ASIÕSUILO 1:7

Keteke liolohali viayo lupongo wayo Yerusalãi wa ivaluka ovina viaye via posoka, vina a kala lavio tunde nunde. Eci omanu vaye va kuatiwa lovanyãli, kuenje oñuatisi ka kua kaile, oco ovanyãli vaye vo yola epembe; eci a kupuka vo fuãnguila.

ESEKIELE 44:7

ndeci oku tava vakualofeka, haivo oviyamba vietimba lutima, oku iñila vonembele yange yi kola loku yi vĩhĩsa poku mbumbila okulia kuange, alenda losonde. Wa nyõli ocisila cange lavĩho ene osi.

ESEKIELE 7:22

Ocipala cange ci va pukula. Va vĩhisa ociwundilo cange. Mu iñila ovinyõi oku ci sama,

ESEKIELE 9:7

Wa popia lavo hati, Vĩhĩsi onjo. Yukisi ovitali lava va pondiwa. Kuendi. Oco va enda, va nyõla vimbo.

MARKO 13:14

Puãi nda vu mola ocinyuañi cevĩho ci tãi oku ka ca sesamelele,— u o tanga a ci limbuke,— oco ava va kasi vo Yudea va tilile kolomunda,

ESINUMUĨLO 23:3

U Amoni pamue u Moavi ka ka iñile vohongele ya Yehova, ndaño toke kocitumbulukila cekuĩ lomue kombuto yavo iñila kohongele ya Yehova, otembo ka yi pui.

ESINUMUĨLO 23:4

Momo eci wa tundi ke Egito, ka va tundile lombolo lovava oku vu lama vonjila, kuenda vali omo va fetela Baliame, omõla a Beore, u Petore ko Mesopotamia, okuti o ku siñala.