AMOSI 8:3 - Embimbiliya - Bíblia Sagrada em Umbundu

³ Eteke liaco ovisungo vionembele vi pongoloka oku litetela. Ovivimbi vi lova. Vinasiwa ekukutu kolonẽle viosi. Oco ca popia Ñala Yehova.

AMOSI 8:3 Iomraidhean Croise

OLOSAMO 39:9

Nda linga ndocitende, si asama omela, momo ove wa ci linga.

ISAYA 37:36

Oco ungelo wa Yehova wa katuka, wa nyõla ocita lakũi ecelãlã kolohũlukãi kolohũlũkãi vitãlo komanu vocilombo ca va Asuria. Eci omanu va pasuka omẽle ociteketeke tala, va sanga okuti vosi ava va linga ovivimbi.

YEREMIYA 22:18

Oco, ca popia Yehova oku tukula Yehoyakimi, omõla a Yosiya Soma ya Yuda, ceci, hati, Ka vo lisila loku popia vati, A kota, we! pamue, a manjetu we! Ka vo sinumuĩla vati, A Ñala we, pamue, uwale waye we!

ASIÕSUILO 2:10

Akulu vomõla a Siono ukãi va tumãla posi loku ũha. Va litaila oneketela kovitue viavo loku wala ovikẽlei. Afeko va Yerusalãi va petamisila ovitue viavo posi.

YOELI 1:11

Alongunja, nyumãli. A vakuaviumbo, liteteli. Lisiõsũili otiliku losevata, momo elombolo liovapia lia nyõlẽha.

YOELI 1:13

Avitunda, wali ovikelei loku lisiõsiõla. Leñi, leñi, ene vu vumba vumba kutala. A vakuakuvumba Suku yange, iñilivonembele. Wali ovikelẽi. Lalimo uteke wosi. Momo ocilumba cosema kuenda ocilum cokunyua via imũhĩla vonjo ya Suku yene.

YOELI 1:5

Pasuki, aloholua, lili. Ene vosi vu nyuanyua ovinyu, lisiõsiõli, momo ovinyu viokaliye via pua vovimẽla viene.

OVISILA 10:3

Oco Mose wa popia la Arone hati, Ca popia Yehova ceci, hati, Kuava va kasi ocipepi lame, ndi lilekisa okuti ñola. Muisua ulamba kovaso omanu vosi. Arone woha ño ne.

AMOSI 4:10

Nda tuma pokati kene efengi lia soka leli lio ve Egito. Nda ponda akuenje vene losipata. Nda ambata otuvalu tuene. Kuenje elemba liovocilombo cene nda li yevalisa vanyũlu ene. Haimo ka wa tiukili kokuange. Oco ca popia Yehova.

AMOSI 5:16

Oco, ca popia Yehova, Soma yovailu, eye Ñala, ceci, hati, Mu kala oku lila valila osi. Volokololo viosi va litetela, vati, Avoyo we! Avoyo we! Va kovonga olongunja okuti vi lila, la vakualonambi okuti va litetela.

AMOSI 5:23

Onjuela yovisungo viene yi kale kupãla lame. Si yevelela kokusika kuovisikilo viene.

AMOSI 6:4

Ava va pekaila ño povola a posuisua lolombinga vionjamba, haivo vosayala ño loku tandavala, va lialia otumeme tuovocunda lolonale viovocimanga,

AMOSI 6:5

haivo va imbaimba ovisungo viesanda osimbu ohalupa yi sika, kuenje va lisovuila ovisikilo nda Daviti,

AMOSI 6:8

Yehova Suku wa lisinga lokukola kuaye. Yehova Suku yovailu wa popia hati, Nda suvuka oku lituna kua Yakoba. Nyehũla olombonge viaye kuenje ngeca imbo liaye la cosi ci kasimo.

AMOSI 8:10

Mongoluisa olofesta viene ha vi lingi vioku lila, lovisungo viene ha vi lingi vioku litetela. Ndu walisi ovikẽlẽi. Nena avangu kovitue viene viosi. Ci linga ndoku lilila omõla ulume wongunga, kuenje efulilo liaco ndeteke liohali yalua.

NAHUMI 3:3

Va endela kotuvalu,— haku yayako! Osipata,— haku ninako! Onjelia,— haku ndelengako! Lava va fa,— va tendiwa nga! Ovivimbi,— halondunda! —Vi sulila he? Va lipundokamo vovivimbi!

SOFONIYA 1:7

Uhĩli kovaso a Yehova Suku, momo eteke lia Yehova li li ocipepi. Yehova wa yala ofesta yovilumba; wa laleka ale akombe vaco.