AMOSI 7:4 - Embimbiliya - Bíblia Sagrada em Umbundu

⁴ Ocinjoinjoi Yehova Suku a muisa ceci, Yehova Suku wa kala loku vilikiya ondalu ha yi yambula omanu. Ya takatisa alondo. Ya kalavo loku lia ongongo.

AMOSI 7:4 Iomraidhean Croise

AMOSI 7:1

Ocinjoinjoi Yehova Suku a muisa ceci, Wa kala loku sovola olohuma. Ca kala kotembo yefetikilo liokutunda kua sulako kuovikũla. Okutunda kuaco kua sulako kuovikũla kua lomboloka okutunda kuna kuiya pana okuti Soma wa kelula ale.

ESITULUILO 4:1

Kovaso yovina evi nda vanja vali kuenje tala, kilu ku kasi epito liupulule. Londaka yina yatete, yina nda yeva loku popia lame, huti ño ondaka yolumbeta, oyo ya popia lame, yiti, Londela kulo, kuenje hu lekisa eci ci lingiwa kovaso yovina evi.

VA HEVERU 1:7

Oku tukula ovangelo wa popia hati, Ovangelo vaye wa va lingisa olofela, loloñuatisi viaye wa vi lingisa ilienge viondalu.

NAHUMI 1:6

Onyeño yaye helie o yi tẽla? Helie o tẽla okufeluka kuonyeño yaye? Onyeño yaye yi peseka ndondalu, lovawe a toliwa laye.

MIKA 1:4

Kuenje olomunda vi yengulukila vemẽhi liaye, vi pita vakungu ndesela konẽle yondalu, pamue ndovava a pesekela keñueñue.

AMOSI 7:7

Ocinjoinjoi Yehova a muisa ceci, Yehova wa talama ocipepi locimbaka cimue. Peka liaye pa kala opulumu.

AMOSI 5:6

Sandiliyi Yehova kuenje vu kala lomuenyo, sanga iya, o yoka onjo ya Yosefe londalu, lu o yima vo Betele ka mu kala.

AMOSI 4:11

Nda kundula amue ovaimbo ene ndeci Suku a kundula Sodoma la Gomora. Kuenje ene wa soki locitonga ca popelua vondalu. Haimo ka wa tiukili kokuange. Oco ca popia Yehova.

AMOSI 1:7

Oco ndi tuma ondalu kocimbaka ca Gasa kuenje yi yoka olombonge vialio.

AMOSI 1:4

Oco ndi tuma ondalu konjo ya Hasahele, kuenje yi yoka olombonge via Benhadadi.

YOELI 2:30

Kilu kuenda posi ndekisa olondimbukiso viosonde londalu lolongunji viowisi.

YEREMIYA 21:12

Ca popia Yehova ceci, hati, Apata lia Daviti, omẽle komẽle tetulula lesunga. Popela u wa pundiwa peka liondiandia, sanga onyeño yange yi tunda ndondalu kuenje yi taima okuti lomue o yi ima, momo ovilinga viene vĩvi.

YEREMIYA 4:4

Alume va Yuda haene vulonungi viovo Yerusalãi, lisevisili ku Yehova. Upi uyamba wovovitima viene, sanga onyeño yange yi katuka ndondalu, kuenje yi taima okuti lomue o tẽla oku yima omo evĩho liovilinga viene lia lua.

ISAYA 27:4

Onyeño si kuete. Nda nda kaile lolosongo kuenda olosanyanya vioku yaka lavio nda nda va katukila loku va yokela kumuamue.

ESINUMUĨLO 32:22

Momo ondalu ya wenguka lonyeño yange, kuenje yi taima toke kosi yonjembo. Yi nyõla oluali lovaima aluo. Yi timiha oviseveto violomunda.

ATENDELO 16:35

Kuenje ondalu ya tunda ku Yehova, ya lia ovita vivali lakui atãlo kovalume vaco va lumba insensu.

OVISILA 10:2

Kuenje ondalu ya tunda ku Yehova, yu ya va lia, kuenje va fila kovaso a Yehova.

YOELI 1:19

Kokuove, oko mbilikiya, a Yehova, momo ondalu ya lia ovililo viokekalasoko, kuenda ovilienge via yoka oviti viosi viovusenge.

AMOSI 2:5

Oco ndi tuma ondalu vo Yuda kuenje yi yoka olombonge via Yerusalãi.

ESEKIELE 21:3

Popia lofeka ya Isareli huti, Ca popia Yehova ceci, hati, Tala, ame namalala love. Mola osipata yange vocilalo cayo kuenje nyõla vokati kove lukuesunga londingãivi.