AMOSI 7:2 - Embimbiliya - Bíblia Sagrada em Umbundu

² Eci via kala oku mala oku lia ovikũla viofeka oco nda linga siti, A Ñala Yehova, nda likutilila kokuove. Ecela. Yakoba o talama ndati? Siti, otito calua.

AMOSI 7:2 Iomraidhean Croise

OLOSAMO 12:1

A Yehova, kuatisa, omo ka kuli vali ukuesunga. Vakuacili va takata pokati komãla vomanu.

ETUNDILO 10:15

Momo via vumba osi yosi, ofeka yosi ya tekãva. Via lia ovikũla viosi viovofeka, lapako osi oviti a supa kociwe. Ka kua siale cimue ci talala kofeka ye Egito, ndaño uti ndaño ocikũla covepia.

ETUNDILO 34:9

Wa linga hati, Kaliye, a Ñala, nda ñasi ciwa love, enda letu, ndaño omanu ava va huka. Tu ecele ongole yetu lekandu lietu. Tu tambule ndocipiñalo cove.

ISAYA 37:4

Mbi Yehova Suku yove wa yeva olondaka via Ravesiake una cime caye, Soma ya Asuria, a tuma oku fuanguila Suku yomuenyo, kuenda vali mbi Yehova Suku yove o yambuila olondaka viaco a yeva; oco likutililila ocisupe ca sialapo.

ISAYA 51:19

Ovina evi vivali via ku sanga, elie o ku lembeleka? Koku pindiwa loku nyõlẽha, kuenda onjala losipata, helie o ku lemba?

YEREMIYA 14:7

A Yehova, lingila onduko yove cimue ndaño olohole vietu via tu wengukila. Momo alukonyo etu a lua. Tua ku lingila ekandu.

YEREMIYA 42:2

Va popia laye vati, Tueya kokuove lepingilo lietu. Etu tucisupe ca sialapo tua pinga okuti o tu likutilila ku Yehova, Suku yove. Momo tua kaile va lua puãi tua siala vatito, ndeci ove o tu lete.

ESEKIELE 11:13

Eci nda kala loku imba owanji oco Pelatiya omõla a Nenaya wa fa. Oco nda wila posi, nda lituvikapo. Nda liyula londaka yalua siti, A Ñala Yehova, o mãlũsula pe ocisupe ca Isareli?

ESEKIELE 9:8

Osimbu va kala loku kundula ame nda siala lika wange, nda wila posi, nda lituvikapo, kuenje nda vilikiya siti, A Ñala Yehova, o nyõla ocisupe cosi ca Isareli poku sukumuila Yerusalãi onyeño yove?

DANIELE 9:19

A Ñala, yeva! A Ñala, ecela! A Ñala, yevelela, linga! Ku ka taluke, mekonda lionduko yove muẽle, a Suku yange, mekonda limbo liove kuenda mekonda liomanu va tukuiwa londuko yove.

YOELI 2:17

Ovitunda via Yehova, vina vi vumba vumba, vi lilile pokati kocindumba lutala, viti, A Yehova, supisapo omanu vove. Ku ka muise epembe ocipiñalo cove okuti vakualofeka va ci fuanguila. Vakualofeka va popela nye vati, Suku yavo o kasi pi?

AMOSI 4:9

Ndo yambuli locikakulo lohume. Nda nyõla ovapia ene loviumbo viene viayuva. Nda nyõlãvo oviti viakuyu. Loviti violiveira via liwa lolohuma. Haimo ka wa tiukili kokuange. Oco ca popia Yehova.

AMOSI 7:5

Oco nda linga siti, A Yehova Suku, nda likutilila kokuove. Liwekako. Yakoba hẽ, o talama ndati? Siti, otito calua.

SAKARIYA 4:10

Momo wosi wa pembula eteke liovina vitito o yolela, kuenje o mõla opulumu peka lia Seruvavele. Epanduvali liaco o-o ovaso a Yehova, ana a ñuala ñuala koluali luosi.

ESITULUILO 9:4

Kokuavio kua sapuiwa okuti ka vi ka nyõle owangu wokilu lieve, pamue cimue ci talala, pamue oviti, te omanu avandeti ka va kuete ondimbukiso ya Suku kovipõlo viavo.