AMOSI 4:1 - Embimbiliya - Bíblia Sagrada em Umbundu

¹ Yeveleli ondaka eyi, ene alomange violongombe via Basiane vu kasi vomunda ya Samaria, haene vu kangisa olohukũi loku keleketa olosuke, haene vu tuma vaveyene hoti, Neni. Tu nyui.

AMOSI 4:1 Iomraidhean Croise

I OLOSOMA 16:24

Wa landa omunda ya Samaria ku Semeri lolotalendo vivali viopalata. Wa tunga komunda yaco, imbo liaco a tungako wa li luka Samaria ndonduko ya Semeri muẽleomunda.

YOVI 20:19

Omo a kangisa olosuke loku vi yanduluka kuenje wa punda onjo ka tungile,

YOVI 24:4

Va yapula olosuke vonjila. Olohukui viosi viofeka vi salama.

OLOSAMO 12:5

Omo olosuke vi pundiwa lolohukui vi litetela oco cilo ñatuka. Ndu kapa oko kua koka haiko ku livela utima wange. Oco ca popia Yehova.

OLOSAMO 140:12

Nda kũlĩha okuti Yehova oñuatisi yava va kangisua, haeye o tetuluila olohukui lesunga.

OLOSAMO 22:12

Olonui via lua via sitika. Olonui via pama via Basiane via ñuala ocingonja.

OLOSAPO 22:7

Ohuasi yi viala olosuke; ukuakulevala o linga upika wu u levalisa.

UKUNDI 4:1

Nda mõlavo akangiso osi a kasi loku lingilua vemehi liekumbi. Kuenje tala, asuelẽla ava va kangisua ya, kuenje ka va kuete u o va lemba; vakuaku va kangisa va kasi lunene waco, puãi ovo muẽle ka va kuete u o va lemba.

UKUNDI 5:8

Vofeka yimue nda o lete okuti olosuke vi kasi loku lingisiwa, pamue o lete okuti esunga locili vi kasi loku upiwamo longusu, ku ka ci komõhele; momo ombiali yinene yi kasi oku ci linga yi lavuluiwa leyi ya velapo vali; kuenje kilu liavo kuli vali yimue ya va velapo vosi.

ISAYA 28:1

Ekolowa liukasa lioloholua vie Efarimi, ngongo yalio! Lolonẽlẽho viulamba haivo viowuka vi kasi kovitue viava va kolua ovinyu, laviovo ngongo yavio!

ISAYA 5:8

Ene vu vokinyi ño-o olonjo lovapia,— ngongo yene! Vu ci linga ño-o toke ka ku li vali osi, kuenje vu tunga ulika pokati kofeka.

ISAYA 56:12

vati, Kokeli, tu kopi ovinyu, tu nyui ha tu kolua; hẽla li soka ndetali, kuenje li piãla vali enene.

ISAYA 58:6

Okulikandangiya okulia ame nda nõla, hakoko hẽ, oku yongisa ovikolo vieviho loku pandulula ovikolo viomi, kuenda oku eca ava va kasi loku kangisua loku teya olomi viosi?

YEREMIYA 50:11

Ene wa pundi pundi ocipiñalo cange, yeveleli! Ndaño wa sanjuki, ndaño wa yoleli, ndaño vu tomboaka ndonema yi kosa kosa owangu, kuenda vu fembula ndotuvalu tua pama,

YEREMIYA 50:27

Ipayi olonui viaye viosi, vi loñe ño vepondelo. Ngongo yavio, momo eteke liavio lieya, haiyo otembo yeyambulo liavio.

YEREMIYA 51:34

Nevukandesa, Soma ya Bavulono, wa ndia, kuenje wa ñeleketa. Wa ndingisa ocikuata cupolokoso, wa nyina ndekisikisi. We yukisa efe liaye evi viange vi pepa, yu wa nyinasi kofeka.

YEREMIYA 6:6

Momo ca popia Yehova Ukualohoka ceci, hati, Timbuli oviti. Tungili Yerusalãi ocingonja. Eli olio imbo lia sesamela oku yambuiwa, mue yuka lika oviñali.

YEREMIYA 7:6

nda ka vu talisa ohali ovingendeleyi vi kasi vofeka yene, pamue olosiwe, pamue ovimbumba,— nda ka vu peselisila vocitumãlo cilo osonde yava velipua, kuenda nda ka vu kuama olosuku viñi viu nyõli—

ESEKIELE 18:12

o kangisa olohukuĩ lolosuke, ivaiva, kondolola vali onjeke, o petuila ovaso aye koviteka, o linga umbondo,

ESEKIELE 22:12

Vokati kove mũli ava va tambola ovitukiko ha va pesela osonde. O kapa kapa osindike lombandeke. O talaisa vakuẽle ohali locipululu cove, puãi ame wa njivala. Oco ca popia Ñala Yehova.

ESEKIELE 22:27

Olosoma viayo vokati kayo vi kasi ndolombinji vi suyulula eci ca kuatiwa. Vi pesela osonde loku nyõla omanu ha va limuĩsa ukuasi hawesungako.

ESEKIELE 22:29

Omanu vofeka va talisa vakuavo ohali. Va enda loku punda. Va linga cĩvi kolohũkui lokolosuke, Va talisa ohali ukombe.

ESEKIELE 22:7

Vokati kove omunu o pembula isiaye la inaye. Vokati kove akombe va talisua ohali. Vokati kove va linga cĩvi losiwe locimbumba.

ESEKIELE 34:16

Ya nyẽlẽla ndi yi vanjiliya. Ya panjuka ndi yi kondolola. Ya teka ndi yitika. Ya hongua ndi yi kolisa. Ya neta leyi ya pama ndi vi tata, ndi vi lisa ciwa.

ESEKIELE 39:18

Vu lia ositu ya vakuonene loku nyua osonde yolosoma vio kilu lieve, leyi yolomanga lotumeme, leyi yolonupi lotunui tuolongombe, viosi via netisilua vo Basiane.

YOELI 3:3

Va imbila omanu vange ocela. Va eca okokuenje ha va tambula ocipuepue. Va landisa okofeko lovinyu ha va nyui.

AMOSI 3:1

Amanu va Isareli, yeveleli kondaka eyi Yehova a wasi layo, Ene, apata liosi ndo wupi vofeka ye Egito, ondaka yange kokuene yeyi,

AMOSI 3:3

Vavali hẽ, va endela pamosi nda ka va likapele utima umosi?

AMOSI 5:11

Oco, omo vu kosa ohukui kuenje vu u fetisa osevo yinene yotiliku, oco wa litungili olonjo viovawe a songiwa. Puãi ka vu kalamo. Wa kũli oviumbo viwa viayuva puãi ka vu nyui ovinyu viaco.

AMOSI 6:1

Ava va kasi ño vo Siono, lohele lakamue, haivo va lipanda, vati, Tua koka omo tu kasi komunda ya Samaria, ngongo yavo! Va lisimĩla vati, Hetuko hẽ tua kemãla vofeka ya velapo? Epata lia Isareli hẽ ka liya kokuetu?

AMOSI 6:6

haivo va nyuila ovinyu polombasiya kuenje va liwaveka lulela wa velapo, puãi okunyõlẽha kua Yosefe ka va ku sumuĩla,— ngongo yavo!

MALAKIYA 3:5

Kuenje ndu wamẽli siu tetuluili lesunga. Ndinga ombangi yombili yoku pisa vakuakutãhã, lavakahonga, lava va lisila lesanda, kuenda ava va punda ofeto yolondingupange viavo, lava va punda kocimbumba losiwe, lava va linga cĩvi ukombe, kuenda ava ka va ñuetele usumba. Oco ca popia Yehova Ukualohoka.

ATENDELO 21:33

Oco va ñualãko, va enda lonjila yenda ko Basiane. Oge, Soma ya Basiane, wa va katukila, eye lasualali vaye vosi. Va yakela vo Edirei.

ESINUMUĨLO 24:14

Ka ci tava oku kangisa ondingupange ohukui haeye osuke, ci kale umue ukuẽle, ci kale umue pokati kovingendeleyi vi kasi vimbo liove vofeka yove.

ESINUMUĨLO 28:33

Ovaima ovapia ove lupange wove wosi vi liwa lomanu kua kũlĩhĩle. Ohali lika o tala loku keleketiwa ño-o oloneke viosi.