AMOSI 3:2 - Embimbiliya - Bíblia Sagrada em Umbundu

² Ene lika ndo kũlĩhi kapata osi o kilu lieve, oco ndu yambuili olohole viene viosi.

AMOSI 3:2 Iomraidhean Croise

EFETIKILO 10:32

Alo o-o apata omãla va Noha lovitumbulukila viavo, lolofeka viavo. Oco olofeka viokilu lieve via tunda kokuavo kovaso yetande.

EFETIKILO 18:19

Hacoko, si uhi, momo ndo nola ale okuti o handeleka omãla vaye la vakuepata liaye vo kuãi, ha va endela vonjila ya Yehova poku linga esunga locili, ndokuti Yehova o lemulũla ku Avirahama eci a lisila laye.

OLOSAMO 147:19

O sapuila Yakoba ondaka yaye. O lombolola ku Isareli ovisila viaye lovihõlo viaye.

ETUNDILO 32:34

Ove puãi kuende, ka songuile omanu oku nda ku tukuila. Ungelo wange o ku pitila kovaso. Haimo lumue eteke ndi va nyũla ndi va fetuluinya ekandu liavo.

ISAYA 63:19

Tua linga ndava kua la va viala, Pamue ndava ka va la tukuiwa londuko yove.

YEREMIYA 1:15

Momo Yehova hati, Tala, mañinya apata osi ovosoma oko Norte kuenje eya. Osoma losoma yi tumbika ocalo cayo polombundi viosi viapandavelo a Yerusalãi kuenda kovaso yovimbaka viaco viosi via ñualapo, kuenda kovaso yovaimbo osi a Yuda.

YEREMIYA 10:25

Sukumũila onyeño yove kolofeka ka via ku kũlĩhũe, kuenda komanu ka va tukola onduko yove. Momo va lia Yakoba, vo lia muẽle pe, vo sulisa. Va nyõla ocitumãlo caye cosi.

YEREMIYA 13:21

Ove o popia ndati eci ava wa longisa ove muẽle oku linga akamba vove va kapiwa nda va cime cove? Siti, olongembia vi ku kuata ndevi viukãi o kasi loku cita?

YEREMIYA 14:10

Ca popia Yehova oku tukula omanu vaye, ceci, hati, Va sola oku tungayala kuenje ka va lemẽlẽle olomãi viavo, oco Yehova ka va tava. Kaliye ivaluka evĩho liavo kuenje o va yambuila akandu avo.

YEREMIYA 9:25

Yehova hati, Oloneke viya okuti njambula vakuevamba vosi va kasi luyamba vutima:

ESEKIELE 5:9

Kuenje, mekonda liumbondo wove wosi, ndinga love eci sia la linga, leci ca soka laco si ci lingi vali.

ESEKIELE 9:6

Ipayi akongo, lakuenje lafeko, kuenda otumãla lakãi toke vu va kundula. Puãi omunu wosi o kasi londimbukiso ka vu ko lambi. Fetikili konjo yange yi kola. Kuenje va fetika lakulu va kala kovaso yonjo.

DANIELE 9:12

Wa linga ndeci a ci popele letu lolonganji vietu via tu viala, kuenje wa tu muisa ohali yimue yinene, okuti kilu lieve liosi lakumue kua lingiwa ndeci ca lingiwa la Yerusalãi.

HOSEA 2:13

Ndu fetuluinyila oloneke violofesta vioku timãhãila Baale insensu, cina a liposuisa lovimbilingu lolomota viaye kuenje wa landula vambaisi yaye, ame puãi wa njivala. Oco ca popia Yehova.

HOSEA 5:3

Efarimi ndo kũlĩha. Isareli ka wundile okuti siu mõli, momo, a Efarimi, cilo wa limba kukahonga, kuenda Isareli wa livĩhĩsa.

HOSEA 8:13

Va sole oku lumba, va lumba lumba ositu kuenje va yi lia, Yehova puãi ka ci sanjukila. Cilo ivaluka olohole viavo, kuenje o va yambuila akandu avo. Va tiukila ke Egito.

HOSEA 9:9

Va livihĩsa ca piãla ndeci koloneke via Givea. Eye ivaluka ũvi wavo, o va yambuila akandu avo.

AMOSI 2:4

Ca popia Yehova ceci, hati, Mekonda liolohole vitatu via Yuda, ndaño vikuãla, oku tiula eyambulo liavo si kuatako. Momo va nyehũla ocihandeleko ca Yehova, kuenje ka va tatele olombilo viaye Lovohembi avo a va lueyisa hao olosekulu viavo via endaile lao.

AMOSI 3:3

Vavali hẽ, va endela pamosi nda ka va likapele utima umosi?

AMOSI 6:1

Ava va kasi ño vo Siono, lohele lakamue, haivo va lipanda, vati, Tua koka omo tu kasi komunda ya Samaria, ngongo yavo! Va lisimĩla vati, Hetuko hẽ tua kemãla vofeka ya velapo? Epata lia Isareli hẽ ka liya kokuetu?

MIKA 2:3

Oco, ca popia Yehova ceci, hati, Tala! nda angiliyila epata eli eci cĩvi, lolomi ka vi tundi kolosingo viene. Ka wendi vali loku ngangavala, momo oloneke viaco vi kala cĩvi.

NAHUMI 3:4

Cosi eci ciyilila upuepue walua wocipuepue ca posoka, haico ci kuete atutu evĩho oku tamba. Ci pakula olofeka lupuepue waco, kuenda omanu latutu aco.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

VA ROMA 2:9

Omunu wosi o linga ekandu o sanga ohali longongo, tete u Yudea, noke u Helasi.

I VA KORINDO 8:3

Umue puãi, nda o sole Suku, eye wa kũlĩhiwa laye.

ESINUMUĨLO 10:15

Haimo lumue eye Yehova wa tekela kolosekulu viene loku va sola, yu pokati kapata osi wa nolapo ombuto yavo yi va kuãi, okuti ene muẽle, ndeci ci kasi etaili lilo.

ESINUMUĨLO 26:18

Leye Yehova, etaili wa linga ndeci a likuminya love omo, oku ku tukula, wa popia hati, Ovo omanu vange muẽle. Wa ku iha ocikundi coku lava ovihandeleko viaye viosi.

ESINUMUĨLO 32:9

Momo onepa ya Yehova oyo omanu vaye va Yakoba. Va Isareli ovo va linga ocipiñalo caye ca noliwa.

ESINUMUĨLO 4:32

Puli handi koloneke via pita tunde keteke Yehova a sovola omunu kilu lieve eci ene ka wa citiwili handi. Puli nda hẽ kua la pita, pamue kua la yevala, ocikomo ndeci. Ci pulivo kovailu tunde kocivanja eci toke kocivanja cikuavo.

ESINUMUĨLO 7:6

Momo ene vupata li kola ku Yehova, Suku yene. Pokati kapata osi a kasi kilu lieve, Yehova, Suku yene, wo nolipo ene okuti vu linga epata liaye muẽle.

I PETULU 4:17

Momo otembo yeya yokuti ekanga li fetika, kuenje li fetikila pokati komanu va Suku. Kuenje nda li fetika letu, efulilo liava ka va tavele kondaka yiwa ya Suku li kala ndati?