AMOSI 2:4 - Embimbiliya - Bíblia Sagrada em Umbundu

⁴ Ca popia Yehova ceci, hati, Mekonda liolohole vitatu via Yuda, ndaño vikuãla, oku tiula eyambulo liavo si kuatako. Momo va nyehũla ocihandeleko ca Yehova, kuenje ka va tatele olombilo viaye Lovohembi avo a va lueyisa hao olosekulu viavo via endaile lao.

AMOSI 2:4 Iomraidhean Croise

II OLOSOMA 17:19

Va Yuda lavovo ka va lavele ovihandeleko via Yehova Suku yavo, puãi va endaila vovituwa via sovola va Isareli.

II ASAPULO 25:14

Eci Amasiya a tiuka koku kundula va Edome, wa nena olosuku via va Seire. Wa vi tumbika ndolosuku viaye. Wa vi fendela loku vi timihila insensu.

II ASAPULO 30:7

Ko ka lingi ndolosekulu viene pamue ndavangandiene vana va lueyela Yehova Suku yolosekulu viavo, yu a va eca kenyoleho, ndomo ene vu ci lete.

NEHEMIYA 1:7

Kovina viosi tua ku linga lãvi. Ka tua tatele ovihandeleko lovisĩla lovihõlo vina wa eca kukuenje wove Mose.

NEHEMIYA 9:26

Puãi haimo va linga ovimbinde; va tamalãla love; va imba konyima ovihandeleko viove. Va ipaya ovaprofeto vove, vana va va vetaiya okuti va tiukila kokuove. Pokati kaco va linga ovina via lua via puiya.

ISAYA 28:15

Omo wa lingi hoti, Tua lisila la Kufa kuenje tua likuminya la Njembo, okuti eci endunde lieyambulo liya, ka li pitila kokuetu; momo uhembi owo wa linga ocikolo cetu kuenje elimbi lia linga ocipundo cetu,

ISAYA 44:20

O lialia etiko; umbinde wutima waye wo yapuisa, kuenje ka tẽla oku popela omuenyo waye ndaño oku popia hati, Peka liange liondio hẽ sia kuatele cimue cuhembi?

YEREMIYA 16:11

huti, Ca popia Yehova ceci, hati, Omo vaisiene va njanduluka loku kuama olosuku viñi kuenje va vi vumba loku vi fendela okuti va njanduluka muẽle, ka va pokuile kovihandeleko viange;

YEREMIYA 16:12

lomo ene muẽle wa lingi cĩvi vali enene, okuti eci cavaisiene ci sule,— momo, tala, vosi yene omunu, omunu, vu lingainga ndeci ovitima viene vĩvi via panga, kuenje ka vu njevelela,—

YEREMIYA 17:27

Puãi nda ko njevelela, loku kolisa eteke liesambata okuti ka wambati ocitele loku iñila volombundi vioko Yerusalãi kesambata, oco siakãlẽla ondalu volombundi via Yerusalãi kuenje yi lia olonjo viulamba via Yerusalãi kuenje ka yimi.

YEREMIYA 6:19

Angongo, yevelela; tala, omanu ava, ndi va linga cĩvi. Olio epako liovisimĩlo viavo, momo ka va tavele kolondaka viange, kuenda ovihandeleko viange va vi yanduluka.

YEREMIYA 8:2

kuenje va a nyalẽha vemẽhi liekumbi lo vemẽhi liosãi kuenda vemẽhi liovisoko viosi viokilu, vina va solele haivio va vumbile loku vi kuama, haivio va sandele kuenje va vi fendailaele. Ka a nolĩwapo, ka a kendiwa, puãi a kala ño kilu ha a lingi ombolela.

YEREMIYA 8:9

Vakualondunge va kutisua osõi, va saluka, kuenje va kuatiwa. Ondaka ya Yehova va yi yanduluka, oco hẽ, olondunge vie vi kasi vokati kavo?

YEREMIYA 9:14

puãi, oku tava kovitima viavo via tĩla, va kuama va Baale ndeci vaisiavo va va longisa,

ESEKIELE 13:22

Momo wa sumuisi lesanda utima wukuesunga una ame sia sumuisile. Wa kolisi ondingãivi okuti ka pambuka konjila yaye yĩvi hã ha kala lomuenyo.

ESEKIELE 20:13

Puãi, epata lia Isareli lia sinila vekalasoko. Ka va pokuile kovihandeleko viange. Va imbapo ovisila viange, ovisila vina omunu a mõla lavio omuenyo poku vi linga. Va sepuisa calua asambata ange. Oco nda simile siti, Ndi va sukumuĩla onyeño yange vekalasoko loku va nyõla.

ESEKIELE 20:16

omo va imbapo ovisila viange, ka va pokuile kovihandeleko viange, va sepuisa asambata ange. Ovitima viavo via livela oviteka viavo.

ESEKIELE 20:18

Kuenje nda popia lomãla vavo vekalasoko siti, Ko ka endaeli vovisila via vaisiene, ndaño oku lava oviholo viavo, ndaño oku livĩhĩsa loviteka viavo.

ESEKIELE 20:24

omo ka va lingile oviholo viange. Puãi va likala ovisila viange, va sepuisa asambata ange. Va imba ovaso avo koviteka via vaisiavo.

ESEKIELE 20:30

Oco, popia lepata lia Isareli huti, Ca popia Ñala Yehova ceci, hati, Wu livĩhĩsi hẽ ndocituwa colosekulu viene oku linyõla lovombondo avo?

ESEKIELE 22:28

Kuenje ovaprofeto vayo va ci sieketa locikela, va mõla ovinjoinjoi viesanda, va imba owanji wuhembi vati, Oco ca popia Ñala Yehova, osimbu Yehova ka ci popele.

ESEKIELE 22:8

Wa pembula ovina viange vi kola. Asambata ange wa tomba.

HOSEA 12:2

Yehova o kuete ondaka la Yuda, kuenje o yambula Yakoba ndeci ca soka lolonjila viaye. U fetuluinyila ovilinga viaye.

HOSEA 12:3

Vimo wa kuatele kocisendemãi ca huvaye, kuenda eci a linga ulume wa tamãlãla la Suku.

HOSEA 6:11

Lovevo, a Yuda, kua ku tukuiwila elombolo. Eci njongola oku tumbulula esumũlũho liomanu vange,

AMOSI 1:3

Ca popia Yehova ceci, hati, Mekonda liolohole vitatu via Damasko, ndaño vikuãla, oku tiula eyambulo lialio si kuatako. Omo va sãsõla Gikada lovipi viutale.

AMOSI 3:2

Ene lika ndo kũlĩhi kapata osi o kilu lieve, oco ndu yambuili olohole viene viosi.

MIKA 6:12

Olohuasi viove vie yuka oku punda; lolonungi viove vi popia ño uhembi. Alimi ovovimẽla viavo a kasi lelimbi.

HAVAKUKI 2:18

Eci omesele ya mala oku songa ociteka, pamue oku tunga ociñumañuma coku itila haico ca linga ndu o longisa uhembi, ovina viaco he, vi silivila nye? Momo, eci omesele yi tunga oviteka ka vi popi, ca lomboloka okuti, ya kolela ovina a tunga lovaka aye.

VA ROMA 1:25

Momo elomboluilo liocili liomo Suku a kasi va li pongolola uhembi, kuenje va fendela loku vumba ocilulikilo, okuti u wa ci lulika hayeko, una okuti o sivayiwa oloneke ka vi pui. Amene.

I VA TESALONIKE 4:8

Oco, wosi o pembula elungulo eli ka pembuile omunu te Suku u wo wihi Espiritu liaye li kola.

I PETULU 1:18

Vu ci cokuti wa yovuiwi kovisila viesanda, vina wa piñali kolosekulu viene. Puãi ka wa yovuiwili lovina vi nyõleha ndeci opalata pamue ulu,

LIOLONGANJI 10:6

Va Isareli va linga vali eci cĩvi kovaso a Yehova. Va vumba vo Baale, lAsitarote, lolosuku via Suria, lolosuku via Sidono, lolosuku via Moavi, lolosuku via va Amoni, lolosuku via va Filisiti. Va yanduluka Yehova, ka vo vumbile.