AMOSI 1:7 - Embimbiliya - Bíblia Sagrada em Umbundu

⁷ Oco ndi tuma ondalu kocimbaka ca Gasa kuenje yi yoka olombonge vialio.

AMOSI 1:7 Iomraidhean Croise

II OLOSOMA 18:8

Wa yula va Filisiti toke ko Gasa lolongave vialio, ci kale ocikanjo caño colondavululi, ci kale imbo lia pamisua lovimbaka.

II ASAPULO 26:6

Wa tundila oku yaka la va Filisiti. Wa lundula ocimbaka ca Gati, locimbaka ca Yavine, locimbaka ca Asidode. Wa tunga ovaimbo vofeka ya Asidode kuenda pokati ka va Filisiti.

YEREMIYA 47:1

Ondaka ya Yehova yeya ku Yeremiya, kuenje ya imbila va Filisiti owanji osimbu Fareo ka kuatele handi Gasa.

YEREMIYA 47:5

Evangu lieya ko Gasa. Asikelone lia nyõlẽha. Acisupe ca va Anaka, otembo yipi o liweka oku litandatanda?

ESEKIELE 30:8

Oco va limbuka okuti ame ndi Yehova, eci nimĩha Egito kuenje oloñuatisi viayo viosi vi kunduka.

ESEKIELE 39:6

Numa ondalu ko Magoge kuenda kokuava va tunga loku huima kolonẽle viokalunga. Kuenje va limbuka okuti ame ndi Yehova.

AMOSI 1:4

Oco ndi tuma ondalu konjo ya Hasahele, kuenje yi yoka olombonge via Benhadadi.

AMOSI 1:6

Ca popia Yehova ceci, hati, Mekonda liolohole vitatu via Gasa, ndaño vikuãla, oku tiula eyambulo lialio si kuatako. Momo va tuala ofeka yosi kumandekua kuenje va va eca ku Edome.

AMOSI 1:8

Ñundula olonungi via Asidode. Ñundulavo u o kuete epangati liuviali wa Asikelone. Mongoluila eka liange ke Ekerone. Lava va supa ku va Filisiti va nyõlẽha. Oco ca popia Ñala Yehova.

SOFONIYA 2:4

Momo Gasa li linga elunda; Asikelone li yuka ovingululu. Omanu va Asidode va hangiwa ekumbi pongunji. Ekerone li tukuĩwa.

VA ROMA 12:19

Akuetu wa soliwi, ko ka lifetuluinyi. Efetuluinyo li kale konyeño ya Suku, momo ca sonehiwa citi, Efetuluinyo, liange. Ame fetuluinya. Oco ca popia Ñala.

ESINUMUĨLO 32:35

Cange oku fetuluinya ndaño oku eca onima. Naiyilili ale eteke olomãi viavo vi sielũha. Momo eteke liokukunduiwa kuavo li kasi ocipepi. Okunyõlẽha kuavo kuiya lonjanga.