AMOSI 1:6 - Embimbiliya - Bíblia Sagrada em Umbundu

⁶ Ca popia Yehova ceci, hati, Mekonda liolohole vitatu via Gasa, ndaño vikuãla, oku tiula eyambulo lialio si kuatako. Momo va tuala ofeka yosi kumandekua kuenje va va eca ku Edome.

AMOSI 1:6 Iomraidhean Croise

II ASAPULO 28:18

Va Filisiti lavovo va tuiyila ovaimbo ovatapi la a o kombuelo ya Yuda, kuenje va kuata Bete Siemese la Ayalone la Gederoti la Soko kumue lovikanjo viaco, la Timina kumue lovikanjo viaco, la Gimiso kumue lovikanjo viaco. Kuenje va tungamo.

YEREMIYA 47:1

Ondaka ya Yehova yeya ku Yeremiya, kuenje ya imbila va Filisiti owanji osimbu Fareo ka kuatele handi Gasa.

ESEKIELE 35:5

Omo wa soleka vutima ukuse ka u pui, kuenje wa telekala omãla va Isareli kosipata votembo yohali yavo, haimo votembo yeyambulo liavo lia sulako,

YOELI 3:4

A Turo, a Sidono, avaimbo osi a va Filisiti, Nye vu yongola kokuange? Vu kasi loku fetuluinyila cimue ale? Nda oco vu kasi loku ndinga limbuki okuti efetuluinyo liaco ndu li fetuluinyi lonjanga.

YOELI 3:6

Wa landisi va Yuda la va Yerusalãi ku va Helasi ho va sanduila kupãla lofeka yavo.

AMOSI 1:11

Ca popia Yehova ceci, hati, Mekonda liolohole vitatu via Edome, ndaño vikuãla, oku tiula eyambulo lialio si kuatako. Momo wa lupuisa manjaye losipata, kuenje wa imbapo ohenda yosi. Lonyeño yaye ya nyanyõha olonjanja viosi. Lokutema kuaye kua endaele ño-o hũ,

AMOSI 1:3

Ca popia Yehova ceci, hati, Mekonda liolohole vitatu via Damasko, ndaño vikuãla, oku tiula eyambulo lialio si kuatako. Omo va sãsõla Gikada lovipi viutale.

AMOSI 1:7

Oco ndi tuma ondalu kocimbaka ca Gasa kuenje yi yoka olombonge vialio.

AMOSI 1:9

Ca popia Yehova ceci, hati, Mekonda liolohole vitatu via Turo, ndaño vikuãla, oku tiula eyambulo lialio si kuatako. Momo va eca ofeka yosi ke Edome. Ka va ivalukile vali ocisila cumanji.

OVADIYA 1:11

Eteke wa vanja ño locekelela osimbu vakualofeka va punda ovikuata viaye, kuenda vakuafeka yiñi va iñila volombundi viaye oku imbila Yerusalãi ocela,— eteke liaco ove wa kala nda umue pokati kavo.

SAKARIYA 9:5

Asikelone li ci mõla kuenje li kuata usumba. Gasa laliovo li tala ohali. Haico Ekerone momo elavoko lialio lilinga liaño. Osoma ya Gasa yi nyõlẽha. Asikelone li linga elunda.

OVILINGA 8:26

Filipu puãi, ungelo wa Ñala wa popia laye hati, Katuka, kuende ko Sul, wila velila li tunda ko Yerusalãi li enda ko Gasa hailio li pita vekalasoko.

I SAMUELE 6:17

Ovipumbu viulu, vina va Filisiti va lumbila Suku ya va Isareli ocilumba celembe lioku lueya, vievi, cimosi ca Asidode, cimosi ca Gasa, cimosi ca Asekeloni, cimosi ca Gati, cimosi ca Ekirone.