AMOSI 1:2 - Embimbiliya - Bíblia Sagrada em Umbundu

² Wa popia hati, Yehova o kumba kumba vo Siono, o yevisa ocileñi condaka yaye vo Yerusalãi. Ovisenge viovangombo vi lisiõsiõla. Onumbuko ya Karameli yuvuka.

AMOSI 1:2 Iomraidhean Croise

OLOSAMO 29:4

Ondaka ya Yehova yi kuete ongusu. Ondaka ya Yehova ya piãla kuwale.

OLOSAMO 46:6

Olofeka via kaluka, ovoviali a lisenga. Eye wa popia kuenje oluali lua yenguluka.

OLOSAPO 20:2

Ocikumbiti cosoma ca soka ndokukumbakumba kuohosi; u o wengula onyeño yaye o pesela omuenyo waye.

ISAYA 33:9

Osi yi sumua kuenje yi vonga. Levanone yi sakalaisua kuenje yuwuka. Siarone ya linga ekalasoko. Basiyane kuenda Karimele, amẽla avo a loluka.

ISAYA 35:2

mu siata olonẽlẽho, kuenje li yolela lesanju kuenda ovisungo. Ulamba wa Levanone weciwa kokualio, kuenda eposo lia Karimele leli lia Sarone. Va mõla uwale wa Yehova, kuenda ulamba wa Suku yetu.

ISAYA 42:13

Yehova o tunda ndesualali, o yuka onyeño ndu enda kovita, o vilikiya, haeye o kaluka, o lipamisila ovanyãli vaye.

YEREMIYA 12:4

Toke eteke li pi ofeka yi lila kuenda ikũla viofeka yosi vi uvuka? Omo evĩho liava va tunga vofeka yaco lia lua oco ovinyama viovusenge kuenda olonjila via puamo. Momo omanu vati, Suku ka mõli ovilinga vietu.

YEREMIYA 14:2

Yuda o lila lolombundi viayo violumũha. Omanu vaye va pekela posi loku lila. Okulila kua Yerusalãi kua yevala kupãla.

YEREMIYA 25:30

Oco ove o va pisa lolondaka evi viosi. Oco popia lavo huti, Yehova kilu o kumba kumba, haiko a tumãla kocitumãlo caye ci kola loku popia ondaka yaye. O kumbila ocunda caye. Ndeci ava va kosa ayuva va kaloka, haico eye a kalukila olonungi viosi viokilu lieve.

YEREMIYA 28:8

Ovaprofeto vosiahũlu, vana va kala lomuenyo osimbu ove lame ka tua citiwile, ovo va lomboluila olofeka via lua kuenda ovosoma anene ovitumasuku viovita levi vionjala lefengi.

YEREMIYA 50:19

Nena vali Isareli vocunda caye, kuenje o lila ko Karemeli lo ko Basiane. Utima waye u kutila kovivulu via Efarimi kuenda vo Gileada.

HOSEA 11:10

Va kuama Yehova kuenje eye o koma ndohosi. Ocili muẽle o koma, kuenje omãla vaye tunda kutakelo, veya loku luluma.

HOSEA 13:8

Ndi vondumũhĩla ndombinji ya nyẽhĩwa omãla vayo. Mapulula onete yavo. Ndi va takĩla ndohosi pamue oku va soyoala ndocinyama ca tema covusenge.

YOELI 1:19

Kokuove, oko mbilikiya, a Yehova, momo ondalu ya lia ovililo viokekalasoko, kuenda ovilienge via yoka oviti viosi viovusenge.

YOELI 2:11

Yehova o vilikiya lolukandi kolohoka viaye, momo olohoka viaye via lua cimue. Lu o linga ocipango caye wa pama ca lua. Momo eteke lia Yehova linene, kuenda li linga usumba. Helie o li tẽla?

YOELI 3:16

Yehova o vilikiya ko Siono, haiye o yevalisila ondaka yaye ko Yerusalãi, kuenje ilu longongo vi lisenga. Puãi Yehova o lingila omanu vaye ocikolo, o linga ombonge yomãla va Isareli.

AMOSI 9:3

Ndaño va lisalamisa konumbuko ya Karimeli haiko ndi va sandiliya loku vopako.

NAHUMI 1:4

O lemẽla okalunga kuenje o ka kukutisa. O takatisa olondui viosi. Basiane la Karimele vi uwuka, kuenda avala olonẽlẽho via Levanone a senguluka.

I SAMUELE 25:2

Vo Maona mua kala ulume, oviunda viaye a fuka via kala vo Karimele. Ulume waco ohuasi, wa kala lolohũlũkai vitatu violomeme kuenda ohulukãi yimosi yolohombo. Eye wa kala loku pemula olomeme viaye vo Karimele.