تیتوس 3:13 - کتاب مقدس به زبان مازندرانی - گویش شرقی

¹³ تا اونجه که توندی، وکیل زیناس و آپولُسِ اون سَفِرِ دِله که دارنِنه کُمِک هاکان، تِ حِواس دَووه، کمِ کسری نِدارِن

گیله ماز

¹³ تا اوجِه که تانی، وکیلِ زیناس و آپولُسِ اون سفر دِلِه که دَرِن کُمک هَکُن، تی حواس دَبو کَمِ و کَسری نِداشته بون.

کتاب مقدس به زبان مازندرانی - گویش غربی

¹³ تا اوجِه گه بَتِنّی، وکیل زیناس و آپولُسِ هون سفری دِلِه گه دارِنِه کِمک هاکِن، تی حواس دَوو کَم و کَسری نارِن.

تیتوس 3:13 Iomraidhean Croise

اِنجیلِ مَتّی 22:35

یِتا اَز وِشون که وَکیل بییه، این نیَّتِ هِمراه که عیسی ره آزمود هاکانه وه جِم سِئال هاکارده:

لوقا 10:25

یِتا روز، توراتِ عُلِمائه جِم یه نَفِر بِلِند بَییه تا این سِئالِ هِمراه عیسی ره آزمود هاکانه، بااوته: «ای اِسّا، چی هاکانِم تا اَبدی زندگی ره به دَس بیارِم؟»

لوقا 11:45

یتا از توراتِ مَلّمون عیسیِ جِواب بااوته: «اِسّا، تِ این گَبهائه هِمراه اِما ره هم توهین کاندی.»

لوقا 11:52

وای بر شِما ای توراتِ مَلِّمون! چوون شِما حَییقَتِ مَردِمِ جِم قایم کاندینی نا شه اونِ قبول دارنِنی و نا اییِلنِنی دییَرونی که خوانِنه، اونِ ایمون بیارِن.»

لوقا 14:3

عیسی، توراتِ مَلِّمون و فریسیون جِم بَپِرسیه: «شنبه روزِ دِله شِفا هِدائِن جایزه یا نا؟»

لوقا 7:30

ولی عُلِمائه فِرقه فریسی و توراتِ مَلِّمون یحییِ جِم تَعمید نَییته بینه و این طی خِدائه اِراده ره شه وسه رَد هاکاردِنه.

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 18:24

اون روزا، یِتا یَهودی، که وه اسم آپولُس واِسکندریهِ جِم بییه، اَفِسُس بییَمو. وه سُخنرانی هاکاردِنِ دِله اِسّا بییه و مِقَدَّسِ نوِشته هائه ره خَله دونِسه؛

اعمال رَسولان 19:1

ولی مووقه ای که آپولُس قُرِنتُسِ شَهرِ دِله دَییه، پُولس بعد از اینکه اون مَنطقهِ خِشکی راهِ جِم بُگذِشته، اَفِسُسِ شَهر بَرِسیه. اونجه چَن تا شاگرد پی دا هاکارده

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

اعمال رَسولان 28:10

وِشون اِما ره خَله اِحترام بییِشتِنه و وَختی خواسیمی اونجه جِم بوریم، هر چی لازم داشتیمی ره کشتیِ دِله اَمه وِسه بییِشتِنه.

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

اوّلین نامِه قُرنتیانی سِه 16:11

پَس کِسی وه ره کِچیک نِشماره. وه ره ‌سِلامتیِ هِمراه سَفِرِ وِسه راهی هاکانین تا مِ پَلی بَردَگِرده؛ چوون مِن و بِرارون وه منتظِریمی.

اوّلین نامِه قُرنتیانی سِه 16:12

اِسا اَمه بِرار آپولُسِ خَوِری، خَله وه جِم بَخواسِمه که بَقیه بِرارونِ هِمراه شِمه پَلی بِیّه، ولی اَصلاً راضی نَییه که اَلان بِیّه. ولی هر وَخت فرصت هاکانه، اِنه.