تیتوس 2:5 - کتاب مقدس به زبان مازندرانی - گویش شرقی

⁵ شه دَمِ دارِن، پاک دامن بوئِن، کدبانو و مهروون و شه شی هائه مطیع بوئِن، تا خِدائه کِلام، بَد بااوته نَووه.

گیله ماز

⁵ خودشانِه جُلوهِ بِدارَن، پاک هَبون، کدبانو و مِهربان و خودِشانِه مَرداکانِ مُطیع هَبون، تا خُدایِ کلام باره بَد باَگوته نَبو.

کتاب مقدس به زبان مازندرانی - گویش غربی

⁵ شی دَمِ دارِن، پاک ووئِن، کدبانو و مِهروون و شی مَرداکِنِنی مِطیع ووئِن، تا خِدایی کلام بَد بُتِه نَوو.

تیتوس 2:5 Iomraidhean Croise

اعمال رَسولان 9:36

یافائه شَهرِ دِله یِتا شاگِرد که وه اسم طابیتا بییه زِندِگی کارده. یونانیونِ زِوون طابیتا ره دورکاس گاتِنه که وه مَعنی شوکا هَسه. این زنا شه ره خوارِ کارِ وَقف هاکارده بییه و فقیرونِ دَسِ گته.

اعمال رَسولان 9:39

پِطرُس بِلِند بَییه وِشونِ هِمراه بُورده و وَختی اونجه بَرِسیه، وه ره بالاخانه بَوِردِنه. بیوه‌زن ها همه وه دور جَمع بَییه بینه، بِرمهِ هِمراه لِواسایی ‌ره که وَختی دورکاس زنده بییه، وِشونِ وِسه بَدوته بییه ره وه ره سِراغ دانه.

رومی ایشون 14:16

پَس نییِلین اونچیِ خَوِری که شِما خوار دوندِنی، بَد بارِن.

رومی ایشون 2:24

چوون هَمون طی که پِیغمبرونِ کِتابِ دِله بَنوِشت بَییه: «شِمه خاطِری، خِدائه اسمِ غیرِ یَهودیونِ میون کُفر گانِنه.»

اوّلین نامِه قُرنتیانی سِه 11:3

ولی خوامبه بَدونین که هر مَردِ سَر، مَسیحِ و هر زِنائه سَر، وه مَردیِ، و مَسیحِ سَر خِدائه.

اوّلین نامِه قُرنتیانی سِه 14:34

زَن ها وِنه کلیسا دِله ساکت بَمونِن. چوون وِشونِ اِجازه هِدا نَییه که گَب بَزِنِن، بلکه وِنه طِبقِ اون چی که شَریعَت گانه، اِطاعت هاکانِن.

اِفِسُسیان 5:33

خِلاصه این که، هر کِدوم از شِما هَم وِنه شه زِنا ره شه واری دوس داره، و وِنه زِنائه حِواس دَووه که شه شی ره حِرمت بییِلّه.

کولُسیان 3:18

ای زَن ها، شه شی هائه جِم اِطاعت هاکانین، هَمون طی که خِداوندِ لایقِ.

اول تیموتائوس 5:10

و خوارِ کارائه اِنجام هِدائِنِ دِله معروف بوئه، یعنی شه وَچونِ گَت هاکارده بوئه، غریب‌نواز بوئه، مقدّسینِ لینگا ره بَشُسه بوئه، دَردمَندون جِم مِراقبت هاکارده بوئه، و شه ره هر جور خوارِ کارِ وِسه وَقف هاکارده بوئه.

اول تیموتائوس 6:1

تِمومِ اونایی که نوکریِ یوغ بِن دَرِنه، وِنه شه اربابونِ کاملاً اِحترام بییِلین تا خِدائه اسم و اَمه تعلیمِ علیه بَدِ چی نارِن.

تیتوس 2:4

تا جوونترِ زَن ها ره یاد هادِن که مَرد دوس و وَچه دوس بوئِن