تیتوس 1:4 - کتاب مقدس به زبان مازندرانی - گویش شرقی

⁴ تیتوس وِسه، که طبقِ ایمونی که اِما همهِ نَصیب بَییه، مِ حَییقی وچه ئه: فِیض و صِلح و سِلامتی خِدائه پییِرِ و اَمه نِجات​دهنده مَسیحِ عیسیِ طَرِف جِم تِ وِسه بِیّه.

گیله ماز

⁴ تیتوسِ وَسین، که طبقِ ایمانی که اَما همه یه نصیب هَبا، می حقیقی وَچِئه: فیض و صُلح و سلامتی خُدای پیَر و اَمیی نِجات دهنده مَسیح عیسی یِه طرفِ جی تِرِه بیه.

کتاب مقدس به زبان مازندرانی - گویش غربی

⁴ تیتوسی سِه، گه طبقِ ایمونی گه اَما هَمه ای نصیب بَوِه، می حَیقی وَچِئه: فیض و صِلح و سلامتی خِدای پیر و اَمِه نِجات​دهنده مَسیح عیسایی طرفی جا تیسِه بیِه.

تیتوس 1:4 Iomraidhean Croise

لوقا 2:11

اَمروز داوودِ زادگاهِ دِله، یِتا نِجات دَهنده شِمه وسه دِنیا بییَمو. وه خِداوندْ مَسیحِ موعودِ.

اِنجیلِ یوحنا 4:42

وِشون اون زِنا ره گاتِنه: «دییه فِقَط تِ گَبِ خاطِری نییه که وه ره ایمون یارمی، چوون شه اِما وه گَبِ بِشنُسیمی و دومبی که این مَردی حَییقَتاً دِنیائه نِجات‌دَهِنده ئه.»

رومی ایشون 1:12

یعنی تا اِما هَمدییهِ ایمونِ هِمراه دِلگرم بَوویم، هم مِن و هم شِما.

رومی ایشون 1:7

همهِ اونایی وِسه که رومِ شَهرِ دِله دَرِنه، که خِدا وِشونِ دوس دارنه و دَعوِت بَینه تا خِدائه مِقدَّسِ قوم بوئِن: فِیض و صِلح و سِلامتی اَمه پییِر، خِدا و خِداوندْ عیسیِ مَسیحِ طَرِفِ جِم، شِمه وِسه بِیّه.

دوّمین نامه قرنتیانِ وَسین 12:18

مِن تیتوسِ جِم خواهش هاکاردِمه شِمه پَلی بِیّه و اَمه بِرارِ هم وه هِمراه بَفرِسیمه. مگه تیتوس شِمه جِم منفِعتی بَوِرده؟ مگه اِما یِتا روحِ دِله عَمِل نَکامبی؟ مگه یِتا راهِ هَمدییهِ هِمراه نَشیمی؟

دوّمین نامه قرنتیانِ وَسین 2:13

ولی اَی آروم و قِرار نِداشتِمه چوون شه بِرار تیتوسِ پی دا نَکاردِمه. پَس اونجهِ مَردِمِ هِمراه خِداحافظی هاکاردِمه، مقدونیهِ مَنطقه بوردِمه.

دوّمین نامه قرنتیانِ وَسین 4:13

مزمورِ کتابِ دِله بَییَموئه که «ایمون بیاردِمه، پَس گَب بَزومه.» همین ایمونِ روحِ هِمراه، اِما هم ایمون دارمی و گَب زَمبی.

دوّمین نامه قرنتیانِ وَسین 7:6

ولی اون خِدایی که بِشکِسه دِل ها ره تَسِلّی دِنه، اِما ره تیتوس بییَموئِنِ هِمراه تسلّی هِدا.

دوّمین نامه قرنتیانِ وَسین 8:16

ولی خِدا ره شِکر کامبه که اون غیرتی که مِن شِمه وِسه دارمه تیتوسِ دلِ دِله هم دَره.

دوّمین نامه قرنتیانِ وَسین 8:23

تیتوسِ خَوِری وِنه بارِم که شِمه اون خِدمِت هاکاردِنِ دِله مِ شَریک و همکارِ؛ اَمه برارونِ خَوِری هم وِنه بارِم که وِشون کلیساهائه بَفرِسیه و مَسیح جِلال‌ِنه.

دوّمین نامه قرنتیانِ وَسین 8:6

اینِ وِسه، تیتوسِ جِم بَخواسیمی هَمون‌ طی که قبلتر، شه، اَوِّلین قدمها ره بَییته بییه، اَلان هم شِمه میون اون کارِ خِیرِ کاملاً تِموم هاکانه.

غَلاطیان 2:3

ولی حَتّی تیتوس که مِ هِمراه دَییه، با اینکه یونانی بییه، وه ره مَجبور نَکاردِنه که خَتنه بَووه.

غَلاطیان 3:26

چوون مَسیحْ عیسیِ دِله، شِما همه، ایمونِ خاطِری، خِدائه ریکائونِنی.

غَلاطیان 3:28

دییه نا یَهودی مَعنی دارنه نا یونانی، نا نوکِر نا آزاد، نا مَردی نا زِنا، چوون شِما همه مَسیحْ عیسی دِله یِتا هَسینی.

اِفِسُسیان 1:2

فِیض و صِلح و سِلامتی، اَمه پییِر، خِدا و خِداوندْ عیسی مَسیحِ طَرِفِ جِم، شِمه وِسه بِیّه.

کولُسیان 1:2

مَسیحِ دِلهِ مِقدّسین و وِفادارِ بِرارون که کولُسیِ شَهرِ دِله دَرِنه: فِیض و صِلح و سِلامتی، اَمه پییِر خِدائه طَرِفِ جِم، شِمه وِسه بِیّه.

اول تیموتائوس 1:12

اَمه خِداوند مَسیحْ عیسی ره شِکر کامبه که مِ ره قِوَّت هِدا چوون مِ ره وِفادار دونِسه و مِ ره شه خِدمِتِ وِسه تعیین هاکارده.

دوم تیموتائوس 1:1

پولُسِ طَرِفِ جِم، که خِدائه خواسِ هِمراه و طِبق اون زندگیِ وَعده که مَسیحْ عیسیِ دِله ئه، مَسیحْ عیسی رَسولِ،

دوم تیموتائوس 1:2

مِ عزیزِ ریکا، تیموتائوسِ وِسه: فِیض و رَحمِت و صِلح و سِلامتی خِدائه پییِر و اَمه خِداوند مَسیحْ عیسیِ طَرِفِ جِم تِ وِسه بِیّه.

دوم تیموتائوس 4:10

چوون دیماس این دِنیائه دوس داشتنِ خاطِری مِ ره وِل هاکارده و تِسالونیکیِ شَهر بورده. کْریسکیس غَلاطیهِ مَنطقه بورده و تیتوس هم دَره دَلماتیهِ مَنطقه شونه.

تیتوس 1:3

و خوار مووقه، اون وَعده دیار بَییه، اون کلامِ دِله که اونِ اِعلام اَمه نِجات​دهنده خِدائه حِکمِ هِمراه مِ ره بِسپارِسه بَییه،

تیتوس 2:13

و شه اون مِوارکِ امیدِ چِش به راه بوئیم، یعنی اَمه عَظیمِ خِدا و اَمه نجات‌دهنده عیسی مَسیحِ جِلالِ دیار بَیِّن،

پطرسی دِوّمین نامِه 1:1

شَمعونِ پِطرُسِ طَرِف جِم، عیسی مَسیحِ نوکِر و رَسول، کِسایی که خِدائه عِدالَتِ طریق و اَمه نجات‌دهنده عیسی مَسیح، ایمونی اَمه ایمونِ واری، وِشونِ نَصیب بَییه:

پطرسی دِوّمین نامِه 1:11

و این طی، شِما ره کاملاً اِجازه دِنِنه که خِداوند و اَمه نجات‌دهنده عیسی مَسیحِ اَبدی پادشاهیِ دِله بورین.

پطرسی دِوّمین نامِه 2:20

چوون اگه اونایی که بعد از اینکه خِداوند و اَمه نجات‌دهنده عیسیِ مَسیحِ بِشناسینه، دِنیائه فِسادِ جِم دَس بَکِشینه، اگه اَت کَش دییه اون چیائه دِله گرفتار بَووِن و شِکَست بَخُرِن، وِشونِ آخِر عاقبت اَوِّلِ جِم هم بَدتِر بونه.

پطرسی دِوّمین نامِه 3:18

بلکه اَمه خِداوند و نجات‌دهنده، عیسی مَسیحِ فِیض و بِشناسییِنِ دِله رشد هاکانین، که وه ره از اَلان تا اَبد جِلال بوئه! آمین.

پطرسی دِوّمین نامِه 3:2

تا اون کِلامی که مِقدَّسِ پِیغَمبِرون، جلوتر بااوتِنه و خِداوند و اَمه نجات‌دهندهِ حِکمِ، که رَسولونِ طریق شِما ره هِدا ره شه یاد بیارین.

اوّل یوحنا 5:14

این هَمون اطمینانیِ که وه پَلی دارمی، اگه اِما طِبق وه اِراده یه چی بِخوائیم، وه اِما ره اِشنُنه.

یهودائه نامه 1:3

ای عَزیزون، با اینکه خَله ذوق داشتِمه تا اون نِجاتِ خَوِری که اِما همه اونِ دِله سَهم دارمی شِمه وِسه بَنویسِم، ولی لازم بَدیمه این چَن خط بَنوِشتِنِ هِمراه، شِمه جِم بِخوائم که اون ایمونی دِله که اَت کَش همیشه وِسه مِقدَّسینِ بِسپارِسه بَییه، تَقِلّا هاکانین.