تیتوس 1:13 - کتاب مقدس به زبان مازندرانی - گویش شرقی

¹³ این شهادت راسِ. پَس وِشونِ بَدجور سَراکو هاکان تا ایمونِ دِله دِرِس بوئِن.

گیله ماز

¹³ این شهادت راسِ. پَس اوشانه بدجور سرامکو هَکُن تا ایمان دِلِه دُرس هَبون.

کتاب مقدس به زبان مازندرانی - گویش غربی

¹³ هَین شهادت راسِ. پَس وِشونِه بدجور سراکو هاکِن تا ایمونی دِلِه دِرِس ووئِن.

تیتوس 1:13 Iomraidhean Croise

دوّمین نامه قرنتیانِ وَسین 13:10

همینِ وِسه، مِن این چیا ره وَختی شِمه پَلی دَنیمه شِمه وِسه نِویسِمبه تا وَختی شِمه پَلی بییَمومه، مجبور نَبوئِم شه اِقتدارِ جِم تِندیِ هِمراه رِفتار هاکانِم، اون اِقتداری که خِداوند نا خِراب هاکاردِنِ وِسه، بلکه بنا هاکاردِنِ وِسه مِ ره هِدا.

اول تیموتائوس 1:10

زِناکارون و لواط گرونِ وِسه؛ اونایی که برده خرید و فروش کاندِنه، دِراغ زَنون، اونایی که دِراغی قَسِم خوارنِنه، و هر چی که دِرِسِ تعلیمِ علیه هَسه،

اول تیموتائوس 4:6

اگه این چیا ره بِرارونِ یاد هادی، مَسیحْ عیسیِ نوکِر بونی، که ایمونِ کِلامِ دِله و خوارِ تَعلیم که اونِ دِمبال دَری تَربیت بونی.

اول تیموتائوس 5:20

اونایی که گِناهِ دِله پافِشاری کاندِنه ره، همهِ پَلی سَراکو هاکان تا بَقیه بَتِرسِن.

دوم تیموتائوس 4:2

خِدائه کِلامِ اِعلام هاکان و وَخت و بی وَخت آماده باش و خَله صبر و کاملِ تعلیمِ هِمراه، اِصلاح و سَراکو و تَشویق هاکان.

تیتوس 2:15

این چیا ره اِعلام هاکان و تِمومِ اقتدارِ هِمراه تَشویق و سَراکو هاکان، و نییِل هیچ کس تِ ره کِچیک بِشماره .

تیتوس 2:2

پیرِ مَردیا هوشیار بوئن، باوقار بوئِن، شه دَمِ دارِن، و ایمون و مِحَبَّت و پایداریِ دِله، دِرِس رِفتار هاکانِن.