تیتوس 1:10 - کتاب مقدس به زبان مازندرانی - گویش شرقی

¹⁰ چوون یاغیون، مِفتِ گَب زَندِنه و حُقّه بازون زیادِنه، بخصوص کِسایی که خَتنه​بَیِّنِ وِسه اِصرار دارنِنه،

گیله ماز

¹⁰ چون یاغیِان، مُفتِ گَب زَن و حُقِّه بازان زیادِن، بخصوص ختنِه هَبوسِّه شانه دِلِه،

کتاب مقدس به زبان مازندرانی - گویش غربی

¹⁰ چون یاغیِن، مِفتِ گَب زَنِن و حِقِّه بازِن زیادِنِه، بخصوص اونانیگه خَتنِه بَووئنی سِه اِصرار دارِنِه.

تیتوس 1:10 Iomraidhean Croise

اِنجیلِ مَتّی 23:14

وای به حال شِما اِی توراتِ مَلِّمون وعُلِمائه فَریسیِ دِرو! شِما از طَرِفی بیوِه زَن هائه مالِ غارِت کاندینی و از طَرِفی دییه ظاهر سازیِ وِسه شه دِعا ره دِرازتر کاندینی. اینِ وِسه شِمه مِکافات خَله سَخت تِرِ.

اعمال رَسولان 11:2

پَس وَختی پِطرُس اورشَلیمِ شَهر بَردَگِردِسه، اون گروهی که خَتنه بَیِّنِ طَرِفدار بینه، ایراد بَییتِنه و بااوتِنه:

اعمال رَسولان 15:1

ولی چَن نَفِر یَهودیهِ مَنطقهِ جِم اَنطاکیه بییَمونه، وِشون بِرارون تَعلیم دانه که: «اگه طِبق موسیِ شَریعَت خَتنِه نَووین، نَتوندِنی نِجات بَیرین.»

اعمال رَسولان 15:24

از اونجه که بِشنُسیمی که کِسایی اَمه میونِ جِم، بی این که اَمه جِم دَستوری دارِن، بییَمونه و شِما ره شه گَب هائه هِمراه نارِحَت هاکاردِنه و باعث بَینه شِمه فِکر پریشون بَووه.

اعمال رَسولان 20:29

دومبه بعد از مِ بوردِن، دَرِّندهِ ورگ ها شِمه میون اِنِنه که گلّه ره رَحم نَکاندِنه.

غَلاطیان 2:4

این، نگرونی اون دِراغی برارونِ خاطِری بییه، که بِن بِنکی اَمه جَمع دِله بیَمونه، تا اون آزادی ای که مَسیحْ عیسیِ دِله دارمی ره جاسوسی هاکانِن و ِاِما ره بَردگیِ وِسه بَیرِن.

غَلاطیان 3:1

ای نادونِ غَلاطیون، کی شِما ره جادو هاکارده؟ عیسی مَسیحِ بَمِردِن اَنده آشکار شِما ره بااوته بَییه که اِنگاری وه شِمه چِشِ پَلی، مَصلوب بَییه.

اِفِسُسیان 4:14

پَس دییه کچیکِ وَچونِ واری نَبومبی که موج هائه هِمراه هر طَرِف پرتاب بَوویم و جورواجورِ تعالیم و آدِمونِ دوز و کَلِکِ وا، اون نخشه‌هایی دِله که گمراهیِ وِسه کَشِنِنه، اِما ره این‌ طَرِفِ و اون طَرِف بَوِره.

اول تیموتائوس 1:4

و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

اول تیموتائوس 1:6

بعضیا این چیائه جِم رو بَردِگاردِنینه، بیخودی گَب هائه دِمبال، شه راهِ گم هاکاردِنه.

اول تیموتائوس 1:9

و دومبی که شَریعَت صالح آدِمونِ وِسه نییه، بلکه اونایی وِسه که قانون اِشکِنِنه و نافرمانِنه، بی دینون و گناهکارون وِسه؛ اونایی وِسه که مِقدّس نینه، اونایی وِسه که کفر گانِنه، اونایی وِسه که شه پییِر مارِ کُشِنِنه؛ آدِمکُشائه وِسه،

دوم تیموتائوس 3:13

ولی شَرورِ آدِمون و شیّادون بدیِ دِله بَدتِر بونِنه؛ گول زَندِنه و گول خوارنِنه.

دوم تیموتائوس 4:4

و وِشون شه دیمِ حَییقَتِ گوش هِدائِنِ جِم دَگاردِنینه و داستان هائه سَمت گمراه بونِنه.

تیتوس 1:6

نَوِسه کلیسائه مشایخِ زندگیِ دِله هَیچی دَووه که اونِ وِسه سَرکوفت بَخُرِن، یِتا زِنائه مَردی بوئِن، و با ایمونِ وچونی دارِن که نَووه وِشونِ به هرزگی و نا اِطاعتی متهم هاکارد.

یعقوبِ نامه 1:26

اگه کِسی گمون هاکانه که دیندارِ و شه زِوونِ دَمِ نَیره ولی شه دِلِ گول بَزِنه، وه دین ارزشی نِدارنه.

اوّل یوحنا 2:18

وَچون، این آخِرین ساعتِ و هَمون طی که بِشنُسینی ’ضِدّمسیح‘ اِنه، اَلان هم خَله از ضدِّ مَسیحون بییَمونه، اینجه جِم فَهمِمبی که آخِرین ساعتِ.

اوّل یوحنا 2:4

هر کی که گانه ”وه ره اِشناسِنه“، ولی وه اَحکامِ به جا نیارنه، دِراغ زَنِ و حَییقت وه دِله دَنیه.

اوّل یوحنا 4:1

ای عزیزون، هر روحی ره باوِر نَکِنین، بلکه روح ها ره آزمود هاکانین که خِدا جِم هَسِنه یا نا. چوون دِنیائه دِله خَله دِراغی پِیغَمبِرون دَرِنه.

یوحنایِ مکاشفه 2:14

«ولی مِن اَت کم شکایت تِ جِم دارمه: اونجه بعضیا ره دارنی که بَلعامِ تعلیمِ بَچِسبِسِنه؛ همونی که بالاقِ یاد هِدا که اِسرائیلِ قومِ جِلو سنگی بوئه که دَکِتِنِ باعث بونه، تا اون غِذایی که بِتها ره پیشکَش بونه ره بَخُرِن و بی عفتی هاکانِن.

یوحنایِ مکاشفه 2:6

ولی یِتا خواری دارنی که نیکولاییانِ دار و دَسه ئه کارائه جِم بیزاری، که مِنِم بیزارِمه.