رومی ایشون 9:4 - کتاب مقدس به زبان مازندرانی - گویش شرقی

⁴ وِشون اسرائیلینه و فرزند خووندگی، جِلال، عهدها و شَریعَت وِشونِ هِدا بَییه، پَرَسِش و وعده‌ها، تِمومِ اینا وِشونِ شِنه؛

گیله ماز

⁴ اوشان اسرائیلِ قومِن، فرزند خواندگی، جلال، عهدها، شریعَتِ اوشانِه هَدَه هَبا، پرسِّش، وَ وعده‌ها، همه اوشانه شیه؛

کتاب مقدس به زبان مازندرانی - گویش غربی

⁴ وِشون اسرائیلینِه، فرزند خوندگی، جلال، عهدها، شریعَت وِشونِه هادا بَوِه، پَرَسِش و وعده‌ها، دِشتِه هَینِن وِشونیِه؛

رومی ایشون 9:4 Iomraidhean Croise

اِنجیلِ مَتّی 21:33

«یِتا دییه مَثِلِ گوش هادین: یِتا مِلک دار، اَنگورِ باغی بِساته و وه دورِوَرِ چَپَر بَکِشیِه و یِتا حوض، اَنگورِ لِه هاکاردَنه وِسه و یِتا نِپار، دیدِبونیِ وِسه بِساته، بعد باغِ، چَن تا باغِبونِ اِجارِه هِدا و شه مسافرت بورده.

اِنجیلِ یوحنا 1:17

چوون شَریعَت، موسیِ طَریقِ جِم هِدا بَییه، فِیض و حَییقت، عیسی مسیحِ طَریقِ جِم بییَمو.

اِنجیلِ یوحنا 1:47

وَختی عیسی بَدیئه نَتَنائیل وه سَمت اِنه، وه خَوِری بااوته: «هارِشین، این مَردی اسرائیلیِ واقعیِ که وه دِله هیچ فَریبی دَنییه!»

اعمال رَسولان 2:39

چوون این وَعده شِما و شِمه وَچونِ وِسه و تِمومِ اونایی وِسه هَسه که دور راه دَرِنه، یعنی هر کی خِداوندْ، اَمه خِدا وه ره شه پَلی دعوت هاکارده.»

رومی ایشون 3:2

خَله، هر نَظِرِ جِم. اَوِّل اون که خِدائه کِلام، یَهودیونِ امانت بِسپارِسه بَییه.

رومی ایشون 8:15

چوون که شِما نوکریِ روحِ نَییتِنی تا اَی هم بَتِرسین، بلکه شِما ریکائونِ مقامِ دِله فرزندخوندگیِ روحِ بَییتِنی که اونِ طَریقِ جِم داد زَمبی: «بابا، مِ پییِر.»

رومی ایشون 9:6

ولی منظور این نییه که خِدائه کِلام اِنجام نَووه، چوون تِمومِ اونایی که اِسرائیلِ قومِ جِم هَسِنه، راس راسی اسرائیلی نینه؛

دوّمین نامه قرنتیانِ وَسین 11:22

اونا عبرانی‌نه؟ مِنِم هَسِمه! اونا اسرائیلی‌ِنه؟ مِنِم هَسِمه! اونا ابراهیمِ وچونِنه؟ مِنِم هَسِمه!

غَلاطیان 3:16

اِسا، اِبراهیم و وه نَسلِ وَعده ها هِدا بَییه. نارنه «و نسلها ره،» جوری که انگاری خَیلیائه خَوِری بوئه، بلکه گانه «تِ نَسلِ» که منظور مَسیحِ.

اِفِسُسیان 2:12

و شه یاد بیارین که اون مووقه مَسیحِ جِم سیوا بینی و اِسرائیلِ قومِ جِم حِساب نییَمونی و نسبت به وعدهِ عهدها، غریب بینی، و نا‌امید و بی‌خِدا این دِنیائه دِله زندگی کاردینی.

نامِه مَسیحینی عبرانی نِژادی سِه 9:1

اِسا حَتَّی اَوِّلین عَهد، عبادت هاکاردِنِ وِسه قَوانینی داشته و زِمینِ سَر هم یِتا مِقدَّسِ جا داشته.

نامِه مَسیحینی عبرانی نِژادی سِه 9:10

بلکه اینا فِقَط خِراکی ها و نوشیدنی ها و جورواجورِ غِسل ها و قانونایی نه که تَنِ ربط دارنِنه و فِقَط تا مووقه ای اعتبار دارنِنه که خِدا تازه ترتیب هاده.

نامِه مَسیحینی عبرانی نِژادی سِه 9:3

دِوّمین پردهِ پِشت، قِسمتی دَییه که وه اسم «قُدس الاقداس» بییه؛

نامِه مَسیحینی عبرانی نِژادی سِه 9:5

صَندِقِ سَر که اونِ رحمتِ تخت گاتِنه، ’جِلالِ‘ کَروبیونِ فرشته، سایه دِم بِدا بینه. اَلان نَتومبی این چیائه جِم ریز به ریز گَب بَزِنیم.

نامِه مَسیحینی عبرانی نِژادی سِه 9:6

بعد از اون که این چیا این طی آماده بونِسه، کاهِنون هَمِش اَوِّلین قسمتِ دِله شینه تا شه وظایفِ اِنجام هادِن.