رومی ایشون 9:30 - کتاب مقدس به زبان مازندرانی - گویش شرقی

³⁰ پَس چی باریم؟ غیرِ یهودیونی که صالحیِ دِمبال دَنی بینه، اونِ به‌دَس بیاردِنه، یعنی اون صالحی ره که ایمونِ راهِ جِم به دَس اِنه؛

گیله ماز

³⁰ پَس چی باگوییم؟ غیرِ یهودیان که صالِحی یه دُمّال دَنِه بان، اونِهِ بِدَس بیاردِن، یَعنی اون صالحی ایی که ایمان راهِ جی بِدَس هَنه؛

کتاب مقدس به زبان مازندرانی - گویش غربی

³⁰ پَس چی بُئیم؟ غیرِیهودینی گه صالِحی ای دِمال دَنیوِنِه، اونِه بِدَس بیاردنِه، یَعنی هون صالحی رِه گه ایمونی راهی جا بِدَس اِنِه؛

رومی ایشون 9:30 Iomraidhean Croise

رومی ایشون 10:10

چوون دلِ همراهِ که آدِم ایمون یارنه و صالح بِشمارِسه بونه، و زِوونِ هِمراهِ که اِعتراف کانده و نِجات گِرنه.

رومی ایشون 10:20

بعد، اِشعیائه پیغمبِر، جِرأتِ هِمراه گانه: «کِسایی که مِ دِمبال نَگِردِسه بینه، مِ ره پی دا هاکاردِنه و شه ره اونایی ره سِراغ هِدامه که مِ ره نِخواسِنه.»

رومی ایشون 10:6

ولی اون صالحی که ایمونِ سَر بَنائه گانه: «شه دلِ دِله نار ”کیِ که آسمونِ بالا شونه؟“ - تا مَسیح ره جِر بیاره -

رومی ایشون 3:5

ولی اگه اَمه ناراستی، خِدائه راستی ره دیار کانده، چی وِنه باریم؟ مگه خِدا، اون مووقه که اَمه وِسه غَضِب کانده، ظالِمِ؟ مِن آدِمِ واری دَره گَب زَمبه.

رومی ایشون 4:11

اِبراهیم ختنهِ نشونه ره بَییته تا وه صالحیِ وِسه مهری بوئه که قبل از خَتنه بَیّن و ایمونِ طریق وه نَصیب بَییه بییه. این طی وه تِمومِ اونایی که بدون خَتنه ایمون یارنِنهِ پییِرِ، تا وِشون هم صالح بِشمارِسه بَووِن.

رومی ایشون 4:13

چوون شَریعتِ راهِ جِم نَییه که اِبراهیم و وه نَسلِ، وَعده هِدا بَییه که این دِنیائه وارث بونِنه، بلکه اون صالحیِ راهِ جِم بییه که ایمونِ سَر، پابرجائه.

رومی ایشون 4:22

اینِ خاطِری وه ایمون «وه وِسه صالحی بِشمارِسه بَییه.»

رومی ایشون 4:9

مگه این خِشا به حال ها، فِقَط ختنه‌بَییه هائه وِسه هَسه یا ختنه‌نَییه هائه وِسه هم هَسه؟ چوون بااوتیمی که ابراهیمِ ایمون، وه وِسه صالحی بِشمارِسه بَییه.

رومی ایشون 5:1

پَس چوون ایمونِ راهِ جِم صالح بِشمارِسه بَیمی، اَمه خِداوند عیسی مَسیحِ طریق، خِدائه هِمراه صِلحِ دارمی.

رومی ایشون 9:14

پَس چی باریم؟ باریم خِدا بی‌انصافِ! اَصلاً

رومی ایشون 9:31

ولی اِسرائیلِ قوم که اون شَریعتِ دِمبال دَینه که وِشونِ به صالحی رَسِندی بییه، اونِ به‌دَس نیاردِنه.

غَلاطیان 2:16

اِما دومبی که هیچ کی شَریعتِ اَعمالِ هِمراه، صالح بِشمارِسه نَبونه بلکه عیسی مَسیحِ ایمونِ طریق صالح بِشمارِسه بونه. پَس اِما هم مَسیحْ عیسی ره ایمون بیاردیمی تا مَسیحِ ایمونِ هِمراه صالح بِشمارِسه بَوویم و نا شَریعتِ اَعمالِ هِمراه، چوون هیچ آدِمی شَریعتِ اَعمالِ هِمراه صالح بِشمارِسه نَوونه.

غَلاطیان 3:24

پَس تا مووقه ای که مَسیح بِیّه، شَریعت اَمه سرپرس بَییه و ایمونِ هِمراه صالح بِشمارِسه بَیمی.

غَلاطیان 3:8

و مِقدَّسِ نوشته ها، قبلتر بَدیئه که خِدا غیر یَهودیونِ ایمونِ خاطری صالح اِشمارِنه، اینِ وِسه، اون خَوِرِ خِشِ ابراهیمِ اِعلام هاکارده و بااوته «تِموم قومها تِ طَریقِ جِم بَرکَت گِرنِنه.»

غَلاطیان 5:5

چوون اِما خِدائه روحِ طَریقِ جِم ایمونِ هِمراه، اون صالحیِ چِش به راهِمی که اَمه امیدِ.

اِفِسُسیان 2:12

و شه یاد بیارین که اون مووقه مَسیحِ جِم سیوا بینی و اِسرائیلِ قومِ جِم حِساب نییَمونی و نسبت به وعدهِ عهدها، غریب بینی، و نا‌امید و بی‌خِدا این دِنیائه دِله زندگی کاردینی.

فیلیپیان 3:9

و وه دِله پی دا بَووِم، نا مِ صالحیِ هِمراه، که شَریعتِ جِم اِنه، بلکه اون صالحیِ هِمراه که مَسیحِ ایمونِ راهِ جِم به‌دَس اِنه، اون صالحی که خِدائه جِم هَسه و طبقِ ایمونِ.

اول تیموتائوس 6:11

ولی تِ که مَردِ خِدایی، این چیائه جِم فِرار هاکان، و صالحی، دینداری، ایمون، مِحَبَّت، پایداریی و ملایمتِ دِمبال دَواش.

نامِه مَسیحینی عبرانی نِژادی سِه 11:7

ایمونِ هِمراه بییه که نوح اون مووقه که اون چیائه خَوِری که هَمتی هیچ کَس نَدی بییه، خِدائه طَرِفِ جِم هِشدار بَییته، خِداترسیِ هِمراه، شه خانِوادهِ نِجاتِ وِسه یِتا کَشتی بِساته. و این طی دِنیا ره مَحکوم هاکارده و اون صالحیِ وارث بَییه که ایمونِ راهِ جِم به دَس اِنه.

اول پِطرُس 4:3

چوون که قدیم ندیما، هَمون اِندا شه عمرِ اون کارائه سَر بییِشتینی که خِدانشناسون کاردِنه. و شه زندگی ره بی عفتی و هِوا و هوس و مَستی و هرزگی و عیشِ نوش و شرم آورِ بِت‌پرسیِ هِمراه سَر هاکاردینی.