رومی ایشون 9:22 - کتاب مقدس به زبان مازندرانی - گویش شرقی

²² چی بونه بااوتِن اگه خِدا با اینکه خوانه شه غِیظِ سِراغ هاده و شه قِدِّ بِشناسِنه، ظرفایی ره که اونائه سَر غِیظ هاکارده و هِلاکتِ وِسه آماده بَینه ره خَله صبر هِمراه تِحَمُّل هاکانه،

گیله ماز

²² چی بایسّی باگوتَن اَگِه خُدا با اینکه خَنِه خودِشِه غِیظ نِشان هَدِه و خودِشِه قدرَتِ بِشناسانِه، ظَرفهایی که اوشانِ سَر غیظ هَکُردِه و هلاکتِ وَسین آمادِه هَبان رِه خیلی صبرِ هَمرهَ تَحمل هَکونِه،

کتاب مقدس به زبان مازندرانی - گویش غربی

²² چی وِنِه بُتَن اگه خِدا با هَینگه خواینِه شی غیظِ هَم هادِه و شی قِدِّ بِشناسانِه، ظَرفایی گه اونِنی سَر غیظ هاکِردِه و هلاکتی سِه آمادِه بَوِنِه رِه خِیلی صبری هَمرا تَحمل هاکِنِه،

رومی ایشون 9:22 Iomraidhean Croise

رومی ایشون 1:18

چوون خِدائه غَضِب آسمونِ جِم، هر جور بی خِدایی و آدِمونِ ناراستیِ سَر اِنه، که شه ناراستیِ هِمراه حَییقتِ از بین وَرنِنه.

رومی ایشون 9:17

چوون توراتِ دِله خِدا فِرعونِ گانه: «مِن این هدفِ وِسه تِ ره قِدرت بَرِسِندیمه، تا شه قِدرتِ تِ دِله سِراغ هادِم و تا مِ اسم تِمومِ زِمینِ دِله اِعلام بَووه.»

رومی ایشون 9:20

ولی ای آدِم، تِ کی ای، که خِدائه هِمراه دِهون به دِهون بونی؟ «مگه مخلوق تونده شه خالقِ باره چه مِ ره این طی بِساتی؟»

رومی ایشون 9:21

مگه یِتا پیلکا ساز اختیار نِدارنه که یِتا میس گِلِ جِم، یِتا ظَرف، مهمِ کارهائه وِسه و یِتا دییه ظَرف، اون کارهایی که مهم نییهِ وِسه، بَسازه؟

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.

اوّل تِسالونیکیان 5:9

چوون خِدا اِما ره غَضِبِ وِسه تعیین نَکارده، بلکه اَمه خِداوند عیسی مَسیحِ طریق، نِجات به دَس بیاردِنِ وِسه تعیین هاکارده،

دوم تیموتائوس 2:20

یِتا گَتِ سِره دِله، فِقَط طِلا و نِقره ظرفا دَنیه، بلکه چویی و گلی هم دَره؛ بعضی از اونا مهمِ کارائه وِسه به کار اِنِنه و بعضیا هم دَمِ دَسیِ وِسه.

اول پِطرُس 2:8

و هم، اِشعیائه کتابِ دِله بَنوِشته بَییه: «یِتا سَنگ که دَکِتِنِ باعث بَووه، و یِتا صخره‌ که دَکِتِن باعث بَووه.» وِشون کَفِنِنه چوون خِدائه کِلامِ جِم اِطاعت نَکاندِنه، هَمون طی که این کارِ وِسه تعیین بَینه.

اول پِطرُس 3:20

چوون اون اِرواح که قدیم نَدیما نااِطاعتی هاکارده بینه، اون مووقه که خِدا نوحِ روزگارِ دِله، که دَییه کَشتی بِساته بونِسه، صبرِ هِمراه اِنتِظار کَشیه. اون کَشتیِ دِله فِقَط چَن تا آدِم، یعنی هشت نَفِر دَینه که اوهِ طَریقِ جِم نِجات بَییتِنه.

پطرسی دِوّمین نامِه 2:3

و شه طِمَعِ راهِ دِله، دِراغی گَب هائه هِمراه، شِما ره غارِت کاندِنه. وِشونِ محکومیت که قبلتر تعیین بَییه بییه، بیکار نَنیشته و وِشونِ نابودی نَخواته!

پطرسی دِوّمین نامِه 2:9

پَس خِداوند دونده چی طی صالحِ آدِمونِ آزمودهائه جِم نِجات هاده و گِناهکارونِ داوِریِ روزِ مکافات وِسه داره،

پطرسی دِوّمین نامِه 3:15

و اَمه خداوندِ صبرِ، نِجات بَدونین، هَمون‌ طی که اَمه عزیزِ بِرار پولُس هم طِبق اون حکمتی که وه ره هِدا بَییه، شِمه وِسه بَنوِشته.

یهودائه نامه 1:4

چوون مَردِمی که وِشونِ مَحکومیت از قدیم تعیین بَییه، یواشِکی شِمه میون نفوذ هاکاردِنه. اینا بی دینونی هَسِنه که اَمه خِدائه فیضِ، به عیاشی تبدیل کاندِنه و عیسی مَسیح تنها اَرباب و اَمه خِداوندِ اِنکار کاندِنه.