رومی ایشون 9:1 - کتاب مقدس به زبان مازندرانی - گویش شرقی

¹ مِن مَسیح دِله راس گامبه، دِراغ نَزِمبه، و مِ وِجدان روحُ القدوسِ طَریقِ جِم مِ وِسه گِواهی دِنه

گیله ماز

¹ مَن مَسیح دِلهِ راس گونَم، دُرو نَزَنَم، و می وُجدان روح القدُس طَریقِ جی می وَسین گواهی دَنه

کتاب مقدس به زبان مازندرانی - گویش غربی

¹ مِن مَسیحی دِلِه راس گِمِه، دِرو نَزِمِّه، و می وِجدان روح القدُسی طریقی جا میسِه گِواهی دِنِه

رومی ایشون 9:1 Iomraidhean Croise

رومی ایشون 1:9

چوون خِدایی که وه ره تِمومِ شه دِل و جانِ هِمراه وه ریکائه انجیلِ کارِ دِله دَره خِدمِت کامبه، مِ وِسه گِواهی دِنه که چی طی یه سِره شه دِعاهائه دِله شِما ره یاد یارمبه

رومی ایشون 2:15

وِشون نِشون دِنِنه که شَریعتِ اعمال وِشونِ دلِ سَر بَنوِشت بَییه، جوری که وِشونِ وجدان اینِ گِواهی دِنه چوون وِشونِ فِکرا یا وِشونِ مَحکوم کانده یا حَتَّی تبرئه کانده.

رومی ایشون 8:16

و شه خِدائه روح، اَمه روحِ هِمراه شِهادت دِنه که اِما خِدائه وَچونِمی.

رومی ایشون 9:2

که شه دلِ دِله، یِتا گَتِ غم دارمه و هَمِش غُصّه دارمه.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

دوّمین نامه قرنتیانِ وَسین 1:23

خِدا ره گِواه گِرمه که فِقَط اینِ وِسه که شِما ره نارِحَت نَکِنِم، قُرِنتُسِ شَهر بَرنَگِردِسِمه.

دوّمین نامه قرنتیانِ وَسین 11:10

اون مَسیحِ حَییقَتِ که مِ دِله دَره ره قَسِم، که هیچ کس اَخائیه مَنطقهِ دِله مِ این افتخارِ مِ جِم نَینه.

دوّمین نامه قرنتیانِ وَسین 11:31

خِداوند عیسیِ پییِر، خِدا که وه ره تا اَبد شِکر گامبه، دونده که دِراغ نَزِمبه.

دوّمین نامه قرنتیانِ وَسین 12:19

مگه تا اینجه این فِکرِ دِله دَئینی که تَقِلّا کامبی شِمه روب رو شه جِم دفاع هاکانیم؟ اِما خِدائه پَلی کِسایی واری گَب زَمبی که مَسیح دِله دَرِ‌نه، و هر اونچی کامبی، ای عزیزون، شِمه ایمونِ تقویتِ وِسه هَسه.

غَلاطیان 1:20

خِدائه حِضور، شِما ره اِطمینان دِمبه که اونچی نِویسِمبه دِراغ نییه.

فیلیپیان 1:8

چوون خِدا مِ گِواهِ که چی طی، اون احساساتِ هِمراه که مَسیحْ عیسیِ جِم سرچشمه گِرنه، شِما هَمهِ مشتاقِمه.

اوّل تِسالونیکیان 2:5

چوون اِما هیچ وَخت چاپلوسیِ هِمراه گَب نَزومی، هَمون طی که دوندِنی، خِدا سَر شاهدِ- اَمه گَب طِمَعِ بهونه وِسه نَییه.

اول تیموتائوس 1:5

اَمه منظور این دستورِ جِم مِحبَّتِ، مِحبَّتی که پاکِ دِل، خوارِ وجدان و خالِصِ ایمونِ جِم اِنه.

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

اول تیموتائوس 5:21

خِدا و مَسیحْ عیسی و اِنتخاب بَییه فرشته هائه حِضور، تِ جِم خواهش کامبه که این قانونا ره بدونِ هیچ غرضی، رعایت هاکانی و هیچ کاری ره طَرِفداریِ سَر نَکِنی.