رومی ایشون 7:7 - کتاب مقدس به زبان مازندرانی - گویش شرقی

⁷ پَس چی باریم؟ مگه شَریعَت گِناهِ؟ اَصلاً! با این حال اگه شَریعَت دَنی بییه، نَدونِسیمی گِناه چیه. چوون اگه شَریعَت نااوته بییه «طِمَع نَکِن»، نَدونِسیمی طِمع هاکاردِن چیه.

گیله ماز

⁷ پَس چه باگوییم؟ مَگِه شریعَت گُناهِ؟ اَصلاً! با این حال اگه شریعَت دَنِبا، نِدانِسّیم گُناه چیِه. چون اَگه شریعَت نَگوتِه با «طَمع نَکُن»، نِدانِسّیم طَمع هَکُردَن چیِه.

کتاب مقدس به زبان مازندرانی - گویش غربی

⁷ پَس چی بُئیم؟ مَگِه شریعَت گِناهِ؟ اَصلاً! با هَین حال اگه شریعَت دَنیوِه، نَئونِسمی گِناه چیِه. چون اگه شریعَت نُت وِه «طَمع نَکِن»، نَئونِسمی طَمع هاکِردَن چیِه.

رومی ایشون 7:7 Iomraidhean Croise

اِنجیلِ مَتّی 5:28

ولی مِن شِما ره گامبه اَگه کِسی یِتا زِنا ره شَهوِتِ سَر هارِشه شه دِلِ دِله وه هِمراه زِنا هاکارده.

لوقا 12:15

عیسی مَردِمِ بااوته: «هوشیار بوئین و حرص و طِمَع جِم دُوری هاکانین، چوون آدِمیِ زندگی به این رَبط نِدارنه که وه دارایی چَنده زیاده.»

لوقا 20:16

صاحاب باغ اِنه و باغبونون کُشِنه و اَنگورِ باغِ کسائه دییه دَس دِنه.» وِشون وَختی اینِ بِشنُسِنه، بااوتِنه: «نا این طی نَوونه!»

اعمال رَسولان 20:33

مِن هیچ کَسِ نِقره و طِلا و یا لِواسِ چِش نِداشتِمه.

رومی ایشون 13:9

چوون این اَحکام «زنا نَکِن»، «قَتل نَکِن»، «دِزّی نَکِن»، «طِمع نَکِن»، و هر حِکمِ دییه ای که بوئه، همه این کِلامِ دِله خِلاصه بونه که «شه هَمساده ره شه واری دوس دار.»

رومی ایشون 3:20

چوون هیچ آدِمی دَنییه که شَریعتِ اَعمالِ به جا بیاردنِ هِمراه، خِدائه نَظِر صالح بَووه، بلکه شَریعَت، گِناهِ اِما ره سِراغ دِنه.

رومی ایشون 3:5

ولی اگه اَمه ناراستی، خِدائه راستی ره دیار کانده، چی وِنه باریم؟ مگه خِدا، اون مووقه که اَمه وِسه غَضِب کانده، ظالِمِ؟ مِن آدِمِ واری دَره گَب زَمبه.

رومی ایشون 4:1

پَس اونچیِ خَوِری که اِبراهیم به دَس بیارده چی بونه بااوتِن، وه که جسماً، اَمه جَد بِشمارِسه بونه؟

رومی ایشون 4:15

چوون شَریعَت خِدائه غَضِبِ یارنه؛ ولی اونجه که شَریعَت دَنییه، شَریعتِ بِشکِسِن هم دَنییه.

رومی ایشون 5:20

اِسا، شَریعَت بییَمو تا گِناه زیاد بَووه؛ ولی اونجه که گِناه زیاد بَییه، فِیض بی حدّ و حِساب زیاد بَییه.

رومی ایشون 6:15

پَس چی باریم؟ چوون شَریعتِ بِن دَنیمی، بلکه فیضِ بِن دَرِمبی، گِناه هاکانیم؟ اَصلاً!

رومی ایشون 7:11

چوون گِناه شَریعتِ حِکمِ طَریقِ جِم، یِتا فِرصت پی دا هاکارده، مِ ره گول بَزو و اونِ طریق، مِ ره بَکوشته.

رومی ایشون 7:13

پَس مگه اونچی خوار بییه، مِ وِسه مَرگِ باعث بَییه؟ اَصلاً! بلکه گِناه اونچیِ طَریق که خوار بییه، مِ دِله مَرگِ به وجود بیارده تا این طی دیار بَووه که گِناه، گِناهِ و شَریعتِ حِکمِ طَریقِ جِم، دیار بَووه که گِناهِ پلیدی چَنده بی حدّ و حِسابِ.

رومی ایشون 7:5

چوون اون مووقه ای که اِما جِسمِ دِله زندگی کاردیمی، اَمه هِوا و هَوس که گنِاه‌ِ جِم پِر بییه و شَریعتِ طریق بیدار بَییه بییه، اَمه اعضاءِ دِله کار کارده تا مَرگِ وِسه ثَمِر بیاریم.

رومی ایشون 7:8

ولی گِناه، شَریعتِ حِکمِ طَریقِ جِم، یِتا فرصت پی دا هاکارده تا مِ دِله هر جور طِمَعِ به وجود بیاره. چوون سیوا از شَریعَت، گِناه بَمِردهِ.

اوّلین نامِه قُرنتیانی سِه 15:56

مَرگِ نیش گِناهِ و گِناهِ قِوَّت، شَریعتِ.

اِفِسُسیان 5:3

ولی شِمه میون، بی عفتی یا هرجور ناپاکی یا هِوا و هَوسِ جِم حَتَّی نَوِسه گَبی میون بِیّه، چوون اینا مِقدّسینِ لایق نییه.

کولُسیان 3:5

پَس، اون چی که شِمه وجود دِله زِمینیِ ره، بَکوشین، یعنی بی عفتی، ناپاکی، هِوا و هوِس، بَدِ خواسه ها و طِمع که هَمون بِت‌پرستیه.

اوّل تِسالونیکیان 4:5

نا شهوت و هِوا وهوسِ دِله، اون غیرِیهودیون واری که خِدا ره نِشناسِنِنه.

نامِه مَسیحینی عبرانی نِژادی سِه 7:19

چوون شَریعَت هیچی ره کامل نَکارده. ولی از اون طَرف، یِتا بهترِ امیدِ اِما ره بِشناسِندیه که اونِ طریق، خِدا ره نزیک بومبی.