رومی ایشون 5:11 - کتاب مقدس به زبان مازندرانی - گویش شرقی

¹¹ نا فِقَط این، بلکه اِما که اَمه خِداوند عیسیِ مَسیحِ طَریقِ جِم، خِدائه آشتی اَمه نَصیب بَییه، خِدائه دِله هم خِشالی کامبی.

گیله ماز

¹¹ نه فَقط این، بَلکه اَما که اَمِی خُداوند عیسی مَسیحِ طریقِ جی، خُدایِ آشتی اَمی نصیب هَبا، خُدایِ دِلِه خشحالی کانیم.

کتاب مقدس به زبان مازندرانی - گویش غربی

¹¹ نا فَقط هَین، بَلگی اَما گه اَمِه خِداوند عیسی مَسیحی طریقی جا، خِدایی آشتی اَمِه نصیب بَوِه، خِدایی دِلِه هَم خِشالی کِمّی.

رومی ایشون 5:11 Iomraidhean Croise

لوقا 1:46

مریِم وه جِواب بااوته: «مِ جان خِداوندِ پَرسِش کانده

اِنجیلِ یوحنا 1:12

ولی همهِ اوناییِ که وه ره قبول هاکاردِنه ره، این حَقِّ هِدا که خِدائه وَچون بَووِن، یعنی هر کی که وه اسمِ ایمون بیارده؛

رومی ایشون 11:15

چوون اگه وِشونِ رَد بَیِّنِ معنی، خِدائه آشتی دِنیائه هِمرائه، وِشونِ قبول بَیِّنِ مَعنی چیه، به جِز مِرده هائه جِم زِنده بَیِّن؟

رومی ایشون 2:17

ولی تِ که شه ره یهودی دوندی و شَریعتِ تکیه دارنی و اینِ وِسه که خِدا ره اِشناسِنی شه ره اِفتخار کاندی،

رومی ایشون 5:1

پَس چوون ایمونِ راهِ جِم صالح بِشمارِسه بَیمی، اَمه خِداوند عیسی مَسیحِ طریق، خِدائه هِمراه صِلحِ دارمی.

رومی ایشون 5:10

چوون اگه اون مووقه که خِدائه هِمراه دِشمِن بیمی، و وه ریکائه بَمِردِنِ طریق، خِدائه هِمراه آشتی هِدا بَیمی، چَنده ویشتر اِسا که وه هِمراه آشتیِ دِله دَرِمبی، وه زندگیِ طریق نِجات گِرمی.

رومی ایشون 5:3

نا فِقَط این، بلکه سختیهائه دِله هم خِشالی کامبی، چوون دومبی که سختیها صبر ‌به بار یارنه

رومی ایشون 8:23

و نا فِقَط خِلقت، بلکه اِما شه هم که خِدائه روحِ نوبرِ دارمی، شه دلِ دِله ناله کامبی، هَمون طی که ذوقِ هِمراه ریکائونِ مقامِ دِله فرزند خووندگیِ اِنتِظارِ کَشِمبی، یعنی شه تَن هائه آزادی ره

رومی ایشون 9:10

نا فِقَط این، بلکه ربکائه وَچون هم یه نَفِرِ جِم، یعنی اَمه جَد اِسحاقِ جِم بینه.

اوّلین نامِه قُرنتیانی سِه 10:16

مَگه اون برکتِ پیاله که اونِ وِسه شِکر کامبی، مَسیحِ خونِ دِله شَریک بَیِّن نییه؟ مَگه نونی که تیکه کامبی، مَسیحِ تَنِ دِله شَریک بَیِّن نییه؟

دوّمین نامه قرنتیانِ وَسین 8:19

و نا فِقَط این، بلکه اون بِرار کِلیساهائه طَرِفِ جِم تعیین بَییه تا این کارِ خیر که اونِ اِنجام هِدائِن و اداره هاکاردِن اَمه وظیفه ئه، اَمه هِمراه همسَفِر بَووه. اون کاری که خِداوندِ جِلالِ وِسه هَسه و اَمه خیرخواهی ره هم سِراغ دِنه.

غَلاطیان 4:9

ولی اَلان خِدا ره اِشناسِنِنی، یا بِهتَرِ بارِم، خِدا شِما ره اِشناسِنه، چی طیِ که اَت کَش دییه، این دِنیائه سِست و بی ارزشِ قانونائه سَمت بَرگِردِنِنی؟ خوانِنی اَت کَش دییه اونا ره نوکِری هاکانین؟

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

فیلیپیان 3:1

سَر آخِر ای مِ بِرارون، خِداوندِ دِله خِشال بوئین! تِمومِ اون چیایی که دَره شِمه وِسه نِویسِمبه، مِ وِسه زحمِتی نییه، بلکه شِمه امنیّتِ وِسه هَسه

فیلیپیان 3:3

چوون ختنه‌ بَییه اِما هَسیمی که خِدائه روحِ هِمراه پَرَسِش کامبی، و مَسیحْ عیسیِ دِله اِفتخار کامبی، و اَمه تکیه جِسمِ سَر نییه -

فیلیپیان 4:4

هَمش خِداوندِ دِله خِشال بوئین؛ اَی هم گامبه: خِشال بوئین.

کولُسیان 2:6

پَس هَمون‌ طی که مَسیحْ عیسیِ خِداوندِ قبول هاکاردینی، وه دِله زندگی هاکانین:

اول پِطرُس 1:8

با اینکه شِما عیسی مَسیح ره نَدینی، وه ره دوس دارنِنی؛ و هر چَن اَلان وه ره نَویندِنی، وه ره ایمون دارنِنی و خِشالی کاندینی، اون خِشالیِ هِمراه که نَوونه بااوتِن و پِر جِلالِ،