رومی ایشون 4:2 - کتاب مقدس به زبان مازندرانی - گویش شرقی

² چوون اگه اِبراهیم شه اَعمالِ هِمراه صالح بِشمارِسه بونِسه، یه چی اِفتخارِ وِسه داشته؛ ولی نا خِدائه پَلی.

گیله ماز

² چون اَگه ابراهیم خودِشِه اعمالِ هَمرَه صالِح بِشمارِسِّه بونه با، یِچی فَخر هَکوردَنِ وَسین داشتِه؛ وَلی نه خُدایِ پیش.

کتاب مقدس به زبان مازندرانی - گویش غربی

² چون اگه ابراهیم شی اعمالی هَمرا صالِح بِشمارِس وونِسِه، یَچی افتخاری سِه داشتِه؛ ولی نا خِدایی پِش

رومی ایشون 4:2 Iomraidhean Croise

رومی ایشون 15:17

پَس مِن مَسیحْ عیسیِ دِله، این خدمِتی که خِدائه وِسه دَره کامبه ره دلیلی دارمه که اِفتخار هاکانِم.

اوّلین نامِه قُرنتیانی سِه 1:29

تا هیچ آدِمی خِدائه روب رو فَخر نَکِنه.

اوّلین نامِه قُرنتیانی سِه 1:31

تا هَمون طی که اِرمیائه پِیغَمبِر کِتابِ دِله بَییَمو: «هر‌ کی که فَخر کانده، خِداوندِ فَخر هاکانه.»

اوّلین نامِه قُرنتیانی سِه 4:7

چوون کی تِ ره یه جور دییه وینده؟ چی دارنی که تِ ره هِدا نَئی بوئه؟ پَس اگه تِ ره هِدا بَییه، چه یه جور فَخر کاندی که اِنگاری این طی نییه؟

اوّلین نامِه قُرنتیانی سِه 9:16

چوون اگه مِن دَره اِنجیلِ موعظه کامبه این حَقِّ مِ ره نِدا که اِفتخار هاکانِم، چوون مِ وظیفه ئه که این خِدمِتِ اِنجام هادِم؛ وای بر مِن اگه این اِنجیلِ موعظه نَکِنِم!

دوّمین نامه قرنتیانِ وَسین 11:12

و شه این کارِ ادامه دِمبه تا اونایی که اِدعا کاندِنه که خوانِنه اون طی که اِما خِدمِت کامبی خِدمِت هاکانِن و اینِ اِفتخار کاندِنه ره هیچ هاکانِم. اونایی جِم که تقِلّا کاندِنه تا شه ره اونچیِ دِله که اونِ اِفتخار کاندِنه اَمه هِمراه برابر هاکانِن.

دوّمین نامه قرنتیانِ وَسین 11:30

اگه وِنه اِفتخار هاکانِم، اون چیایی ره اِفتخار کامبه که مِ ضعفِ سِراغ دِنه.

دوّمین نامه قرنتیانِ وَسین 5:12

اِما نِخوامبی اَت کَش دییه شه خَوِری تَعریف هاکانیم، بلکه خوامبی یِتا دلیل بیاریم که اِما ره اِفتخار هاکانین، تا بَتونین کساییِ جِوابِ که ظاهرِ اِفتخار کاندِنه ره هادین، نا اونچی که دِلِ دِله دَره ره.

غَلاطیان 3:22

ولی مِقدَّسِ نوشته ها اِعلام هاکارده که همه گِناهِ دِله اسیرِنه، تا اون وَعده که عیسی مَسیحِ ایمونِ راهِ جِم هَسه، کِسایی که ایمون بیاردِنه ره هِدا بَووه.

اِفِسُسیان 2:9

و این کارائه نتیجه نییه، تا هیچ‌کس شه ره اِفتخار نَکِنه.

فیلیپیان 3:9

و وه دِله پی دا بَووِم، نا مِ صالحیِ هِمراه، که شَریعتِ جِم اِنه، بلکه اون صالحیِ هِمراه که مَسیحِ ایمونِ راهِ جِم به‌دَس اِنه، اون صالحی که خِدائه جِم هَسه و طبقِ ایمونِ.