رومی ایشون 4:18 - کتاب مقدس به زبان مازندرانی - گویش شرقی

¹⁸ اونجه ای که هیچ امیدی دَنی بییه، اِبراهیم، امیدِ هِمراه باوِر هاکارده که خَله قومهائه پییِر بونه، هَمون طی که وه ره بااوته بَییه بییه که «تِ نَسل این طی بونه.»

گیله ماز

¹⁸ اوجِه ایی که هیچ اُمیدی دَنِبا، ابراهیم اُمیدِ هَمره باور هَکُردِه که خِیلی قومهایِ پیَر بونِه، هَمونجور که اونه باگوته هَبابا، که: «تی نَسل اینجور بونِه.»

کتاب مقدس به زبان مازندرانی - گویش غربی

¹⁸ اوجِه ای گه هیچ اِمیدی دَنیوِه، ابراهیم اِمیدی هَمرا باور هاکِردِه گه خِیلی قومایی پیر وونِه، هَمونجور گه وِرِه بُتِ بَوِه وِه، گه: «تی نَسل هَینجور وونِه.»

رومی ایشون 4:18 Iomraidhean Croise

لوقا 1:18

زَکِریا فِرشتهِ جِم بَپِرسیه: «اینِ کِجه جِم بَدونم؟ مِن پیرِمردیمه و مِ زِنا هم پیرِ.»

اعمال رَسولان 27:25

پَس ای مَردا، شِمه دِل قرص بوئه، چوون مِن ایمون دارمه، هَمون طی که خِدا مِ ره بااوته، بونه.

رومی ایشون 4:17

هَمون طی که توراتِ کِتابِ دِله بَنوِشته بَییه: «تِ ره خَله قومهائه پییِر هاکاردِمه.» و خِدائه نَظِر هم این طیِ، خِدایی که اِبراهیم وه ره ایمون بیارده، وه که مِرده ها ره زنده کانده و اون چیایی که وجود نِدارنِنه ره هستی دِنه.

رومی ایشون 4:19

اِبراهیم شه ایمونِ دِله سِس نَییه، اون مووقه که شه بَمِرده تَنِ هارِشیه، چوون حدود صد سال داشته و سارائه رَحِم هم خِشک بَئییت بییه.

رومی ایشون 5:5

و امید اَمه شرمندگیِ باعث نَوونه، چوون خِدائه مِحبَّت، روح القدوسِ طریقِ جِم که اِما ره هِدا بَییه، اَمه دلهائه دِله دَشِندی بَییه.

رومی ایشون 8:24

چوون این امیدِ هِمراه نِجات بَییتیمی. اِسا امیدی که بَدی بونه، دییه امید نییه. چوون که چی طی یه نَفِر تونده یه چی که وینده ره امید دَونده؟

نامِه مَسیحینی عبرانی نِژادی سِه 6:19

این امید، اَمه جانِ وِسه یِتا لنگرِ واریِ که قرص و مِطمئِنِ، امیدی گه خیمه پردهِ اون طرف شونه، اون درونی جایگاه، به قُدسُ الاقداس.