رومی ایشون 3:26 - کتاب مقدس به زبان مازندرانی - گویش شرقی

²⁶ این کار اینِ وِسه بییه تا شه عِدالَتِ این زمونهِ دِله سِراغ هاده تا شه عادل بوئه و تِمومِ کِسایی هم که عیسی ره ایمون دارنِنه، صالح بِشمارِسه بَووِن.

گیله ماز

²⁶ این کار اینه وَسین با تا خودِشِه عِدالَتِ این زَمانِه یه دِلِه نِشان هَدِه تا خودش عادل هَبو و تمام اوشانی هم که عیسی رِه ایمان دارِن، صالِح بِشمارِسِّه هَبون.

کتاب مقدس به زبان مازندرانی - گویش غربی

²⁶ هَین کار هَینِسه وِه تا شی عِدالَتِ هَین زَمونِه ای دِلِه هَم هادِه تا شِه عادل ووئه و دِشتِه اونانی هَم گه عیسی رِه ایمون دارِنِه، صالِح بِشمارِس بَوون.

رومی ایشون 3:26 Iomraidhean Croise

لوقا 1:80

و اون وَچه گَت بونِسه و روحِ دِله، قَوی بونِسه، و تا روزی که خواسه اِسرائیلِ قومِ ظاهر بَووه، صَحرائه دِله به‌سَر وَرده.

رومی ایشون 3:25

خِدا، عیسی مَسیحِ، گِناهونِ کَفّاره‌ِ واری مَعرِفی هاکارده. اون کَفّاره ای که وه خونِ هِمراه و ایمونِ راهِ جِم به دَس اِنه. این خِدائه عِدالَتِ سِراغ هِدائِنِ وِسه بییه، چوون وه شه صبرِ اِلهیِ هِمراه، اون گِناهونی که قبلاً اِتفاق دَکِته بییه ره نَدید بَییته.

رومی ایشون 3:27

پَس دییه چه اِفتخار کامبی؟ دییه هیچ اِفتخاری دَنییه! رو چه حِسابی؟ طبقِ اَعمالِ شَریعَت؟ البته که نا، بلکه طبقِ ایمونِ شَریعَت.

رومی ایشون 3:30

چوون فِقَط یِتا خِدا دَره و این خِدا ختنه‌بَییه ها ره طبقِ ایمون و خَتنه نَییه ها ره هم طِبق هَمون ایمون صالح اِشمارِنه.

رومی ایشون 4:5

ولی اونی که کار نَکانده، بلکه اون خِدایی ره تِوَکُّل کانده که بی خِدایونِ هم صالح اِشمارِنه، وه ایمون وه وِسه صالحی بِشمارِسه بونه.

رومی ایشون 8:33

کیِ که خِدائه انتخاب بَییه ها ره تِهمت بَزِنه؟ خِدائه که وِشونِ صالح اِشمارِنه!

یوحنایِ مکاشفه 15:3

و وِشون خِدائه خادِم، موسیِ سرود و وَرهِ سرودِ خوندِسِنه و گاتِنه: «تِ کارا گَت و عجیبِ، ای خداوند خِدائه قادرِ مطلق. تِ راه ها چَنده عدل و حقِّ، ای مِلّت هائه پادشاه.