رومی ایشون 3:25 - کتاب مقدس به زبان مازندرانی - گویش شرقی

²⁵ خِدا، عیسی مَسیحِ، گِناهونِ کَفّاره‌ِ واری مَعرِفی هاکارده. اون کَفّاره ای که وه خونِ هِمراه و ایمونِ راهِ جِم به دَس اِنه. این خِدائه عِدالَتِ سِراغ هِدائِنِ وِسه بییه، چوون وه شه صبرِ اِلهیِ هِمراه، اون گِناهونی که قبلاً اِتفاق دَکِته بییه ره نَدید بَییته.

گیله ماز

²⁵ خُدا، عیسی مسیح رِه گُناهانِ کَفّاره یه مِثان معرِفی هَکُردِه. اون کَفّاره ای که اونه خونِ هَمره و ایمانِ راهِ جی بِدس هَنِه. این خُدایِ عدالتِ نَشان هَدَئنِ وَسین با، چون اون خودِشِه الهی صبرِ همره، اون گُناهانی که پیشتر اِتفاق دَکِته با رِه، نَدید بِیتِه.

کتاب مقدس به زبان مازندرانی - گویش غربی

²⁵ خِدا، عیسی مسیحِ هِتی گِناهِنی کَفّاره ای تَرا مَرِّفی هاکِردِه. هون کَفّاره ای گه وی خونی هَمرا و ایمونی راهی جا بِدس اِنِه. هَین خِدایی عدالتی هَم هادائنی سِه وِه، چون وی شی صبرِ الهی ای هَمرا، هون گِناهنی گه پِشتر اِتِّفاق دَکِت وِه رِه، نَدید بَیتِه.

رومی ایشون 3:25 Iomraidhean Croise

اِنجیلِ یوحنا 6:47

حَییقَتاً، شِما ره گامبه، هر کی ایمون داره، اَبدی زندگی ره دارنه.

اعمال رَسولان 14:16

قَبلاً خِدا تِمومِ قوم ها ره شه حال وِل هاکارده که هر کِدوم شه راهِ پِی بورِن،

اعمال رَسولان 15:18

این چیا ره از قدیم مَعلوم هاکارده.“

اعمال رَسولان 17:30

قَدیم، خِدا این طی نادونیِ جِم چِش پوشی کارده. ولی اَلان تِمومِ مَردِمِ، اِسا هر جا که دَرِنه ره دستور دِنه که توبه هاکانِن.

اعمال رَسولان 2:23

این عیسی طِبق خِدائه اِراده و نَخشه، شِمه تَسلیم بَییه و شِما کافِرونِ دَس وه ره صلیب بَکِشینی و بَکوشتینی.

اعمال رَسولان 3:18

ولی خِدا این راهِ جِم اونچی که تِمومِ پِیغَمبِرونِ زِوونِ جِم پیشگویی هاکارده بییه که: وه مَسیح، زجر کَشِنه ره، اِنجام هِدا.

اعمال رَسولان 4:28

تا اونچی که تِ دَس و اِراده قبلتر معین هاکارده بییه ره به جا بیارِن.

رومی ایشون 2:4

یا اینکه خِدائه مِهروونی و تِحَمّل و وه گَتِ صبوری ره کِچیک اِشمارِنی و ندوندی که خِدائه مهروونی اینِ وِسه ئه که تِ ره تووبهِ سَمت وَرنه؟

رومی ایشون 3:26

این کار اینِ وِسه بییه تا شه عِدالَتِ این زمونهِ دِله سِراغ هاده تا شه عادل بوئه و تِمومِ کِسایی هم که عیسی ره ایمون دارنِنه، صالح بِشمارِسه بَووِن.

رومی ایشون 5:1

پَس چوون ایمونِ راهِ جِم صالح بِشمارِسه بَیمی، اَمه خِداوند عیسی مَسیحِ طریق، خِدائه هِمراه صِلحِ دارمی.

رومی ایشون 5:11

نا فِقَط این، بلکه اِما که اَمه خِداوند عیسیِ مَسیحِ طَریقِ جِم، خِدائه آشتی اَمه نَصیب بَییه، خِدائه دِله هم خِشالی کامبی.

رومی ایشون 5:18

پَس همون‌طی که یِتا گِناه تِمومِ آدِمونِ محکومیتِ باعث بَییه، یِتا عملِ صالح هم صالح بِشمارِسه بَیِّن و تِمومِ آدِمونِ زندگیِ باعث بونه.

رومی ایشون 5:9

پَس از اونجه که الان وه خونِ طَریق صالح بِشمارِسه بَیمی، چَنده ویشتر وه طَریقِ جِم خِدائه غَضِبِ جِم نِجات گِرمی.

اوّلین نامِه قُرنتیانی سِه 5:7

شه ره کهنه خمیرمایهِ جِم پاک هاکانین تا تازه خمیر بوئین، هَمون طی که واقعاً هم فَطیرِنی. چوون مَسیح، اَمه پِسَخِ وره، قِروونی بَییه.

دوّمین نامه قرنتیانِ وَسین 5:21

خِدا کسیِ که گِناه ره نِشناسی بییه ره اَمه وِسه گِناه هاکارده، تا اِما وه دِله، خِدائه صالحی ره بَوینیم.

اِفِسُسیان 1:7

اِما مَسیحِ دِله، وه خونِ طریق، آزادی دارمی، که این هَمون خَطاهائه بَخشِشِ، که اونِ، شه بی حدّ و حِسابِ فیضِ اِندا،

اِفِسُسیان 2:13

ولی اِسا مَسیحْ عیسیِ دِله، شِما که یه وَختی دور بینی، مَسیحِ خونِ طَریق نزیک بَینی.

اول تیموتائوس 1:15

این گَب قابل اِعتماد و هر طَرِفِ جِم قابلِ قبولِ، که مَسیحْ عیسی این دِنیائه دِله بییَمو تا گناهکارونِ نِجات هاده، که وِشونِ دِله ئه گَتتِرین مِنِمه.

نامِه مَسیحینی عبرانی نِژادی سِه 10:4

چوون محالِ گوها و بِزهائه خون، گِناهونِ پاک هاکانه.

نامِه مَسیحینی عبرانی نِژادی سِه 11:14

چوون اونایی که این طی گَب زندِنه، هم دوندِنه که شه وِسه یِتا وطنِ دِمبال دَرِنه.

نامِه مَسیحینی عبرانی نِژادی سِه 11:17

ایمونِ هِمراه بییه که اِبراهیم اون مووقه که آزمود بَییه، اِسحاقِ پیشکَش هاکارده؛ و وه که وعده‌ها ره بَییته بییه قبول هاکارده که شه یِتا ریکا ره قِروونی هاکانه،

نامِه مَسیحینی عبرانی نِژادی سِه 11:7

ایمونِ هِمراه بییه که نوح اون مووقه که اون چیائه خَوِری که هَمتی هیچ کَس نَدی بییه، خِدائه طَرِفِ جِم هِشدار بَییته، خِداترسیِ هِمراه، شه خانِوادهِ نِجاتِ وِسه یِتا کَشتی بِساته. و این طی دِنیا ره مَحکوم هاکارده و اون صالحیِ وارث بَییه که ایمونِ راهِ جِم به دَس اِنه.

نامِه مَسیحینی عبرانی نِژادی سِه 9:28

پَس مَسیح هم اَت کَش قِروونی بَییه تا خَیلیائه گِناهونِ از بین بَوِره، دِوّمین کَشِ وِسه اِنه، ولی نا گِناهونِ از بین بَوِردِنِ وِسه، بلکه اونائه نِجاتِ وِسه که شوقِ هِمراه وه چِش به راهِنه.

نامِه مَسیحینی عبرانی نِژادی سِه 9:5

صَندِقِ سَر که اونِ رحمتِ تخت گاتِنه، ’جِلالِ‘ کَروبیونِ فرشته، سایه دِم بِدا بینه. اَلان نَتومبی این چیائه جِم ریز به ریز گَب بَزِنیم.

اوّل یوحنا 1:10

اگه باریم گِناه نَکاردیمی، اِما وه ره دِراغ زَن کامبی و وه کِلام اَمه دِله دَنییه.

اوّل یوحنا 2:2

عیسی اَمه گِناهونِ کَفّارِئه، و نا فِقَط اَمه گِناهون، بلکه تِمومِ عالِمِ گِناهون.

اوّل یوحنا 4:10

مِحَبَّت همینِ، نا اون که اِما خِدا ره مِحَبَّت هاکاردیمی، بلکه وه اِما ره مِحَبَّت هاکاردو شه ریکا ره بَفرِسیه تا اَمه گِناهونِ کَفّاره بوئه.

یوحنایِ مکاشفه 1:5

و عیسی مسیحِ طَرِفِ جِم، اون وِفادارِ شاهد، اَوِّلین کِسی که مِرده هائه جِم زنده بَیّه و پادشاهونِ حاکم، زمینِ سَر. وه که اِما ره دوس دارنه و شه خونِ هِمراه، اِما ره اَمه گِناهونِ جِم آزاد هاکارده،

یوحنایِ مکاشفه 13:8

و تِمومِ اونایی که زِمینِ سَر دَرِنه و اون وحشی جانورِ پَرَسِش کاندِنه - یعنی هر کس که وه اسم، وَرهِ حیاتِ دفتر دِله بَنوشته نَییه، هَمون وَره که قبل از این که دِنیا خَلق بَووه، قِروونی بَییه بییه.

یوحنایِ مکاشفه 20:15

و هر کس که وه اسم حیاتِ دفترِ دِله بَنوِشته نَئی بییه، تَشِ دریاچهِ دِله دِم هِدا بَییه.

یوحنایِ مکاشفه 5:9

و وِشون یِتا جدید سرود بَخوندِسِنه که گاته: «تِ لیاقت دارنی که طومارِ بَیری و وه مُهرها ره بِشکِنی، چوون که قِروونی بَئی و شه خونِ هِمراه مَردِمِ هر طایفه و زِوون و قوم و ملَّت، خِدائه وِسه بَخری ای؛