رومی ایشون 3:20 - کتاب مقدس به زبان مازندرانی - گویش شرقی

²⁰ چوون هیچ آدِمی دَنییه که شَریعتِ اَعمالِ به جا بیاردنِ هِمراه، خِدائه نَظِر صالح بَووه، بلکه شَریعَت، گِناهِ اِما ره سِراغ دِنه.

گیله ماز

²⁰ چون هیچ آدَمی دَنییِه که شَریعَتِ اعمالِ بِجا بیاردَنِ هَمرَه، خُدایِ نظر صالِح بِشمارِسِّه هَبو، بلکه شریعت، گُناه رِه اَمَرِه شِناساندِنِه.

کتاب مقدس به زبان مازندرانی - گویش غربی

²⁰ چون هیچ آدَمی دَنیِه گه شَریعَتی اعمالی بِجا بیاردَنی هَمرا، خِدایی نظر صالِح بَوو، بَلگی شریعت، گِناه رِه اَمارِه هَم دِنِه.

رومی ایشون 3:20 Iomraidhean Croise

اعمال رَسولان 13:39

اِسا هر کی عیسی ره ایمون بیاره، وه تِوَسُط صالح بِشمارِسه بونه، هر اونچیِ دِله که نَتونِسینی موسیِ شَریعَت تِوَسُط صالح بِشمارِسه بَوّین.

رومی ایشون 2:13

چوون اونایی که شَریعَتِ اِشنُنِنه خِدائه نَظِر صالح نینه، بلکه اونایی صالح بِشمارِسه بونِنه که شَریعَتِ به جا یارنِنه.

رومی ایشون 3:28

چوون اِما اینِ اعتقاد دارمی که آدِمی ایمونِ راهِ جِم و بدون اینکه شَریعتِ اَعمالِ به جا بیاره، صالح بِشمارِسه بونه.

رومی ایشون 4:13

چوون شَریعتِ راهِ جِم نَییه که اِبراهیم و وه نَسلِ، وَعده هِدا بَییه که این دِنیائه وارث بونِنه، بلکه اون صالحیِ راهِ جِم بییه که ایمونِ سَر، پابرجائه.

رومی ایشون 4:15

چوون شَریعَت خِدائه غَضِبِ یارنه؛ ولی اونجه که شَریعَت دَنییه، شَریعتِ بِشکِسِن هم دَنییه.

رومی ایشون 5:13

چوون راس راسی قبل از اون که شَریعَت هِدا بَووه، گِناه دِنیائه دِله دَییه، ولی اونجه ای که شَریعَت دَنی بوئه، گِناه به حِساب نِننه.

رومی ایشون 5:20

اِسا، شَریعَت بییَمو تا گِناه زیاد بَووه؛ ولی اونجه که گِناه زیاد بَییه، فِیض بی حدّ و حِساب زیاد بَییه.

رومی ایشون 7:11

چوون گِناه شَریعتِ حِکمِ طَریقِ جِم، یِتا فِرصت پی دا هاکارده، مِ ره گول بَزو و اونِ طریق، مِ ره بَکوشته.

رومی ایشون 9:32

چه؟ چوون نا ایمونِ راهِ جِم، بلکه اَعمالِ هِمراه اونِ دِمبال دَینه. بلکه اون سنگی که وِشونِ دَکِتِن باعث بَییه، وِشونِ بِنه بَزو.

اوّلین نامِه قُرنتیانی سِه 15:56

مَرگِ نیش گِناهِ و گِناهِ قِوَّت، شَریعتِ.

غَلاطیان 2:16

اِما دومبی که هیچ کی شَریعتِ اَعمالِ هِمراه، صالح بِشمارِسه نَبونه بلکه عیسی مَسیحِ ایمونِ طریق صالح بِشمارِسه بونه. پَس اِما هم مَسیحْ عیسی ره ایمون بیاردیمی تا مَسیحِ ایمونِ هِمراه صالح بِشمارِسه بَوویم و نا شَریعتِ اَعمالِ هِمراه، چوون هیچ آدِمی شَریعتِ اَعمالِ هِمراه صالح بِشمارِسه نَوونه.

غَلاطیان 2:19

چوون مِن شَریعتِ طریق، نسبت به شَریعَت بَمِردِمه تا نسبت به خِدا زندگی هاکانِم.

غَلاطیان 5:4

شِما مَسیحِ جِم سیوا بَینی، شِمایی که شَریعتِ طَریقِ جِم خوانِنی صالح بِشمارِسه بَووین، شِما فیضِ جِم دور بَینی.

نامِه مَسیحینی عبرانی نِژادی سِه 7:19

چوون شَریعَت هیچی ره کامل نَکارده. ولی از اون طَرف، یِتا بهترِ امیدِ اِما ره بِشناسِندیه که اونِ طریق، خِدا ره نزیک بومبی.