رومی ایشون 2:20 - کتاب مقدس به زبان مازندرانی - گویش شرقی

²⁰ تِ که نادونونِ مِربی و وَچونِ مَلّمی، تِ که شَریعَت که معرفت و حَییقَتِ ره دارنی-

گیله ماز

²⁰ تو که نادانانِ مربی و، وچه شانِ مُعلِمی، توکه شریعتِ دِلهِ معرفت و حَقیقَت رِه داری.

کتاب مقدس به زبان مازندرانی - گویش غربی

²⁰ تو گه نادونِنی مِربی و وچیلِه ای مَلِّمی، تو گه شریعت، گه معرفت و حَیقتِ رِه دارنی-

رومی ایشون 2:20 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

رومی ایشون 2:19

و اگه مِطمئنی که کورونِ راهنِما و اونایی که تاریکی دِله دَرِنه ئه وِسه نوری،

رومی ایشون 3:31

پَس مگه اِما این ایمونِ هِمراه، شَریعتِ از بین وَرمی؟ البته که نا! بلکه برعکس اِما شَریعتِ برقرار کامبی.

رومی ایشون 6:17

ولی خِدا ره شِکر، شِما که یه وَختی گِناهِ نوکِرون بینی، اِسا تِمومِ شه دلِ هِمراه، اون تَعلیمِ جِم اِطاعت کاندینی که خِدا شِما ره هِدا.

اوّلین نامِه قُرنتیانی سِه 3:1

اِی بِرارون ولی مِن، نَتونِسِمه کِسایی واری که خِدائه روح، وِشونِ دِله دَره گَب بَزِنِم، بلکه کِسایی واری که هِوا و هوِسِ دِله دَرِنه گَب زَمبه، یعنی کِسایی واری که مَسیحِ دِله، کِچیکِ وَچه نه.

دوم تیموتائوس 1:13

اون ایمون و مِحبّتی هِمراه که مَسیحْ عیسیِ دِله دَره، و اونچی که مِ جِم بِشنُسی ره یِتا دِرِسِ نمونهِ واری دِ دَسی بَچِسب.

دوم تیموتائوس 3:5

ظاهراً دیندارِنه، ولی اونِ قِوَّتِ انکار کاندِنه. این طی آدِمائه جِم دوری هاکانین.

تیتوس 1:16

وِشون اِدِعا کاندِنه خِدا ره اِشناسِنِنه، ولی شه کارائه هِمراه وه ره اِنکار کاندِنه. وِشون مَنفور و نافرمانِنه، و هر خوارِ کارِ وِسه ناجورِنه.

نامِه مَسیحینی عبرانی نِژادی سِه 5:13

چوون هر کی شیرخوارِ، صالحیِ کِلامِ دِله بی تجربه ئه، چوون وچه ئه.

یعقوبِ نامه 3:1

مِ بِرارون، نَکِنه شِمه جِم خَیلیا خِدائه کِلامِ مَلِّم بَیِّنِ دِمبال دَووِن، چوون دوندِنی که اِما مَلِّمونِ وِسه، داوِری سخت‌تِر بونه.

اول پِطرُس 2:2

و چِلیکِ وَچونِ واری، روحانیِ پاکِ شیرِ ذوقِ دارین تا ‌ اونِ طریق نِجاتِ دِله رشد هاکانین،