رومی ایشون 2:17 - کتاب مقدس به زبان مازندرانی - گویش شرقی

¹⁷ ولی تِ که شه ره یهودی دوندی و شَریعتِ تکیه دارنی و اینِ وِسه که خِدا ره اِشناسِنی شه ره اِفتخار کاندی،

گیله ماز

¹⁷ ولی توکه تِرِه یَهودی دانی و شریعَتِ تَکیِه هَدَیی و اینه وَسین که خُدا رِه اِشناسِنی تِرِه فَخر کانی،

کتاب مقدس به زبان مازندرانی - گویش غربی

¹⁷ ولی تو گه شِرِه یَهودی دِنّی و شریعَتِ تَکیِه دارنی و هینِسِه گه خِدارِه اِشناسِنی شِرِه افتخار کِنّی،

رومی ایشون 2:17 Iomraidhean Croise

اِنجیلِ مَتّی 3:9

این فِکرِ دِله دَنی بووئین كه یِتا پییِر ابراهیمِ واری دارنِنی. بَدونین كه خِدا تونده این سَنگائه جِم ابراهیمِ وِسه وَچِه خَلق هاکانه.

لوقا 10:28

عیسی وه ره بااوته: «دِرِس جِواب هِدایی. اینِ به‌جا بیار که زِندِگی ره دارنی.»

اِنجیلِ یوحنا 5:39

شِما مِقدَّسِ بَنوِشته ها ره دِقّتِ هِمراه خوندِنِنی، چوون خیال کاندینی اونِ طَریقِ جِم اَبدی زندگی دارنِنی و اِسا اون که اینا هم مِ خَوِری شِهادت دِنِنه.

اِنجیلِ یوحنا 5:45

خیال نَکِنین مِنِمه که پییِرِ پَلی شِما ره مِتّهم کامبه؛ شِمه مِتّهم کُنِنده موسیِ پِیغَمبِرِ، هَمونی که وه ره امید دَوِسینی.

اِنجیلِ یوحنا 7:19

مگه موسیِ پیغمبِر، شَریعتِ شِما ره نِدا؟ ولی هَمتی هَم شِمه جِم هیچ‌ کِدوم، اونِ عَمِل نَکانده. چه مِ بَکوشتِنِ دِمبال دَرِنی؟»

اِنجیلِ یوحنا 8:33

وِشون جِواب هِدانه: «اِما ابراهیمِ پِیغَمبِرِ وچونِمی و هیچ وَخت هیچ کسِ نوکِر نَبیمی. پَس چی طیِ که گانی آزاد بومبی؟»

اِنجیلِ یوحنا 8:41

ولی شِما شه پییِرِ کارا ره اِنجام دِنِنی.» وِشون وه ره بااوتِنه: «اِما حرومزاده نیمی! یِتا پییِر دارمی که اون خدائه.»

رومی ایشون 2:23

تِ که شَریعَت داشتِنِ وِسه اِفتخار کاندی، شَریعتِ بِشکِسِنه هِمراه، خِدا ره بی حِرمت کاندی؟

رومی ایشون 3:27

پَس دییه چه اِفتخار کامبی؟ دییه هیچ اِفتخاری دَنییه! رو چه حِسابی؟ طبقِ اَعمالِ شَریعَت؟ البته که نا، بلکه طبقِ ایمونِ شَریعَت.

رومی ایشون 9:32

چه؟ چوون نا ایمونِ راهِ جِم، بلکه اَعمالِ هِمراه اونِ دِمبال دَینه. بلکه اون سنگی که وِشونِ دَکِتِن باعث بَییه، وِشونِ بِنه بَزو.

دوّمین نامه قرنتیانِ وَسین 11:22

اونا عبرانی‌نه؟ مِنِم هَسِمه! اونا اسرائیلی‌ِنه؟ مِنِم هَسِمه! اونا ابراهیمِ وچونِنه؟ مِنِم هَسِمه!

غَلاطیان 2:15

اِما یَهودی‌زادومی و «گِناهکارِ غیریَهودی» نیمی

اِفِسُسیان 2:11

پَس شه یاد بیارین که یه وَختی شِما غیریهودیونِ ’خَتنه نَییه‘ گاتِنی و شه ره’خَتنه بَییه‘ دونِسِنی- اِسا اون که، وِشونِ خَتنه، یِتا جسمانی کارِ که آدِمِ دَس اِنجام بَییه -

یوحنایِ مکاشفه 2:9

تِ عِذاب ها و فقر جِم خَوِر دارِمه، ولی تِ دولتمندی! و اون آدِمائه تِهمتهائه جِم خَوِر دارمه که گانِنه یهودینه و نینه، بلکه شیطانِ عبادتگاهِنه.

یوحنایِ مکاشفه 3:1

«و ساردِسِ کلیسائه فِرشتهِ وِسه بَنویس: «اون که خِدائه هفتا روح و هفتا ستاره ره دارنه، این طی گانه: تِ اَعمالِ جِم خَوِر دارِمه. اینِ وِسه سرشناسی که زنده ای، ولی بَمِردی

یوحنایِ مکاشفه 3:9

هارِش، مِن اونایی که شیطانِ عِبادَتگاهِ جِم هَسِنه و شه ره یهودی دوندِنه ولی نینه، بلکه دِراغ زَندِنه، هارِش مِن وِشونِ مجبور کامبه تا بِیّن و تِ لینگ دَکِفِن تا بَدونِن که مِن تِ ره دوس داشتِمه.