رومی ایشون 16:7 - کتاب مقدس به زبان مازندرانی - گویش شرقی

⁷ مِ فامیلون وِسه، آندْرونیکوس و یونیا که مِ هِمراه زِندونِ دِله دَیینه ره سِلام بَرِسونین. وِشون رَسولونِ میون، سَرشِناسِ آدِمونینه که مِ جِم قبلتر مَسیحِ ایمون داشتِنه.

گیله ماز

⁷ می فامیلانِ وَسین، آندْرونیکوس و یونیا که می هَمرَه زِندانِ دِلهِ دَبان رِه، سَلام بَرِسانین. اوشان رَسولان میَن، سَرشِناسِه آدَمِن که مَی جی پیشتَر مسیحِ ایمان داشتِن.

کتاب مقدس به زبان مازندرانی - گویش غربی

⁷ می فامیلِنی سِه، آندْرونیکوس و یونیا گه می هَمرا زیندونی دِلِه دَوِنِه رِه، سَلام بَرِسانین. وِشون رَسولِنی میِن، سَرشِناسِ آدَمِنِنِه گه میجا پِشتر مسیحِ ایمون داشتِنِه.

رومی ایشون 16:7 Iomraidhean Croise

اِنجیلِ یوحنا 14:20

اون روز فَهمِنِنی که مِن پییِرِ دِله دَرِمبه و شِما مِ دِله دَرِنی و مِن شِمه دِله دَرِمبه.

اِنجیلِ یوحنا 15:2

هر اَنگور رَزی که میوه نیاره، مِ پییِر اونِ وِرینه، و هر اَنگور رَزی که میوه بیاره، اونِ هَرَس کانده تا وِیشتر میوه بیاره.

اِنجیلِ یوحنا 6:56

کِسی که مِ تَنِ خارنه و مِ خونِ نوشِنه، مِ دِله موندِنه و مِن وه دِله موندِمبه.

رومی ایشون 16:10

آپِلیسِ که شه آزمودِ مَسیحِ دِله پَس هِدا ره سِلام بَرِسونین. آریستوبولُسِ خانواده ره سِلام بَرِسونین.

رومی ایشون 16:11

مِ فامیل هیرودیونِ وسه و هَم نارکیسوسِ خانواده که خِداوندِ دِله دَرِنه ره سِلام بَرِسونین.

رومی ایشون 16:21

مِ همکار تیموتائوس شِمه وِسه سِلام رِسِندِنه. مِ فامیلون لوکیوس، یاسون و سوسیپاتِر هم شِمه وِسه سِلام رِسِندِنِنه.

رومی ایشون 16:3

پْریسکیلا و آکیلائه وِسه، که مِ همکارون مَسیحْ عیسی دِله هَسِنه، سِلام بَرِسونین.

رومی ایشون 16:6

مَریِمِ که شِمه وِسه خَله زَحمِت بَکِشیه ره سِلام بَرِسونین.

رومی ایشون 16:8

مِ عزیزِ رَفِق آمپْلیاتوسِ که خِداوندِ دِله دَره ره، سِلام بَرِسونین.

رومی ایشون 16:9

اَمه همکار اوربانوسِ مَسیحِ دِله، و مِ عزیزِ رَفِق، اِستاخیسِ، سِلام بَرِسونین.

رومی ایشون 8:1

پَس اِسا اونایی وِسه که مَسیحْ عیسی دِله دَرِنه، دییه هیچ مَحکومیتی دَنیه،

رومی ایشون 8:11

اگه روحی که عیسی ره مِرده هائه جِم زِنده هاکارده شِمه دِله دَووه، وه که مَسیحْ عیسی ره مردِه هائه جِم زنده هاکارده، شه روحِ طریق که شِمه دِله دَره، شِمه تَن ها که مییِرنه ره هم زندگی دِنه.

رومی ایشون 9:3

چوون که کاشکی مِن شه بِرارونِ راهِ دِله، اونایی که مِ هم نِژادِنه، لَعنِت بَووِم و مَسیحِ جِم سیوا بَووِم.

اوّلین نامِه قُرنتیانی سِه 1:30

وه خاطِریِ که شِما عیسی مَسیحِ دِله دَرِنی. اون عیسی مَسیح که خِدائه طَرِفِ جِم اَمه وِسه حِکمَت بَییه، یعنی صالحی، قدّوسیت و آزادی.

دوّمین نامه قرنتیانِ وَسین 11:23

اونا مَسیحِ نوکرونِنه؟ مِن ویشتر هَسِمه! خِل هائه واری گَب زَمبه - همهِ جِم سخت‌تِر کار هاکاردِمه، خَله ویشتر زندون دِله دَکِتِمه، همهِ جِم ویشتر کُتِک بَخُردِمه، ویشترِ وختا نزدیک بییه بَمیرِم.

دوّمین نامه قرنتیانِ وَسین 12:2

مِن یه نَفِرِ مَسیحِ دِله اِشناسِمبه که چهارده سالِ قبل، سِوّمین آسِمون بَوِرده بَییه. نَدومبه تَنِ دِله یا تَنِ جِم بیرون، خِدا دونده-

دوّمین نامه قرنتیانِ وَسین 5:17

پَس اگه یه نَفِر مَسیحِ دِله دَووه، تازهِ خلقتِ. هر چی که کهنه بییه دییه تِموم بَییه؛ اِسا، همه چی تازه بَییه!

دوّمین نامه قرنتیانِ وَسین 5:21

خِدا کسیِ که گِناه ره نِشناسی بییه ره اَمه وِسه گِناه هاکارده، تا اِما وه دِله، خِدائه صالحی ره بَوینیم.

غَلاطیان 1:22

یَهودیهِ کلیساها که مَسیحِ دِله دَرِنه، هَمتی مِ قیافه ره نِشناسینه.

غَلاطیان 2:2

مِن یِتا مکاشِفهِ خاطری بییه که بوردِمه. و اِنجیلی که غیریَهودیونِ دِله موعظه کارده بیمه ره وِشونِ وِسه توضیح دامه؛ البته خلوتِ دِله، و فِقط وِشونی که مِ نَظِر با نفوذ بینه ره بااوتِمه، چوون نگرون بیمه که نَکِنه بی خودی دوو بَییته بوئِم.

غَلاطیان 2:6

ولی اونایی که به نَظِر با نفوذ اِنِنه- هر کی بوئه مِ وِسه فرقی نَکانده، چوون که خِدا بیخودی هیچ کسِ جِم طَرِفداری نَکانده- وِشون هیچی مِ ره اضافه نَکاردِنه

غَلاطیان 5:6

چوون مَسیحْ عیسیِ دِله نا خَتنه بَیّن مهمِّ نا ختنه‌ نَیِّن، بلکه مهم ایمونیِ که مِحبَّتِ طَریقِ جِم کار کانده.

غَلاطیان 6:15

چوون نا خَتنه بَیّن چیزیه و نا خَتنه ‌نَیِّن؛ اونچی مهمِ تازهِ خلقت هَسه.

اِفِسُسیان 2:10

چوون اِما خِدائه دَسِ کاریمی، و مَسیحْ عیسیِ دِله خَلق بَیمی تا خوارِ کارا هاکانیم، اون کارایی که خِدا قبلتر آماده هاکارده تا اونائه دِله قَدِم بییِلیم.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

فیلیمون 1:23

اِپافْراس، که مَسیحْ عیسیِ خاطِری، مِ هِمراه زِندونِ دِله دَره، تِ وِسه سِلام رِسِندِنه.

اوّل یوحنا 4:13

اینجه جِم دومبی که وه دِله موندِمبی و وه اَمه دِله، چوون وه شه روحِ جِم اِما ره هِدا.

اوّل یوحنا 5:20

همین طی هم دومبی که خِدائه ریکا بَییَمو و اِما ره فَهم هِدا تا وه که حَییقَتِ ره بِشناسیم، و اِما وه دِله که حَییقَتِ دَرِمبی، یعنی وه ریکا، عیسی مَسیحِ دِله. وه خِدائه حَییقی و اَبدی زندگیِ.

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.