رومی ایشون 15:25 - کتاب مقدس به زبان مازندرانی - گویش شرقی

²⁵ ولی اِسا خوامبه اورشَلیمِ شَهر بُورِم تا اونجهِ مِقدّسینِ وِسه کُمِکِ مالی بَوِرِم،

گیله ماز

²⁵ ولی اَلآن خَنَم بوشوم اورشلیم تا اوجِه یه مُقَدَّسینِ وَسین کمک مالی بَبِرَم،

کتاب مقدس به زبان مازندرانی - گویش غربی

²⁵ ولی اَلَن خوایمِه اورشلیمی شهری سِه بورِم تا اوجِه مِقَدَّسینی سِه کِمکِ مالی بَوِرِم،

رومی ایشون 15:25 Iomraidhean Croise

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اعمال رَسولان 20:16

پولُس تَصمیم داشته دریائه راهِ جِم اَفِسُسِ وَرِ جِم بِگذره تا شه وَختِ آسیائه مَنطقهِ دِله هَدِر نَده، چوون که عَجِله داشته که اگه بووه، پِنتیکاستِ روز اورشَلیم دِله دَووه.

اعمال رَسولان 20:22

«و اِسا، خِدائه روحِ هدایتِ هِمراه اورشَلیم شومبه و ندومبه اونجه چی مِ سَر اِنه؛

اعمال رَسولان 24:17

«مِن بعد از چَن سال، اورشَلیمِ دِله بییَمومه تا شه قومِ وِسه صدقه بیارم و هدایا تَقدیم هاکانِم.

اعمال رَسولان 9:13

ولی حَنانیا جِواب هِدا: «خِداوندا، خَیلیائه جِم، این مَردیِ خَوِری بِشنُسِمه که تِ مِقدَّسِ آدِمونِ اورشَلیمِ دِله آزار اَذیّت بَرِسِندیه.

رومی ایشون 12:13

مِقدّسینِ احتیاجاتِ برطَرِف هاکاردِنِ دِله شَریک بَووین و مهمون‌نِواز بوئین.

اوّلین نامِه قُرنتیانی سِه 16:4

اگه این طی صِلاح بوئه که شه هم بورِم، اون مووقه وِشون مِ ره هِمراهی کاندِنه.

دوّمین نامه قرنتیانِ وَسین 8:4

خَله اصرارِ هِمراه اَمه جِم خواهش هاکاردِنه که این خِدمتِ دِله که مِقَدَّسینِ وِسه هَسه شَریک بوئِن.

دوّمین نامه قرنتیانِ وَسین 8:6

اینِ وِسه، تیتوسِ جِم بَخواسیمی هَمون‌ طی که قبلتر، شه، اَوِّلین قدمها ره بَییته بییه، اَلان هم شِمه میون اون کارِ خِیرِ کاملاً تِموم هاکانه.

غَلاطیان 2:10

وِشون فِقط اَمه جِم بَخواسِنه که فَقیرونِ ‌فکر بوئیم، هَمون کاری که مِن شه هم وه مِشتاق بیمه.

نامِه مَسیحینی عبرانی نِژادی سِه 6:10

چوون خِدا بی‌انصاف نییه که شِمه کار و مِحبَّتیِ که وه اسمِ خاطِری، مِقدّسینِ خِدمِتِ دِله سِراغ هِدانی ره یاد هاکانه، هَمون طی که هَمتی هم دَره کاندینی.