رومی ایشون 15:18 - کتاب مقدس به زبان مازندرانی - گویش شرقی

¹⁸ چوون جِرأت نَکامبه هیچیِ جِم گَب بَزِنِم، اِلّا اونچی که مَسیح مِ طریق اِنجام هِدا تا غیرِ یَهودیونِ، ایمونِ مطیع هاکانِم، شه گَب ها و کارهائه طَریقِ جِم

گیله ماز

¹⁸ چون جُرأت نُکانَم هیچی یه جی گَب بَزِنَم، اِلّا اونچه که مَسیح می طریقِ جی انجام هَدَه، تا غیر یَهودیانِ می گَب و کارهایِ طریقِ جی ایمانِ مُطیع هَکُنَم،.

کتاب مقدس به زبان مازندرانی - گویش غربی

¹⁸ چون جِرأت نَکِمِّه هیچی ای جا گَب بَزِنِم، اِلّا اونچی گه مَسیح می طریق اَنجام هادا، تا غیرِیَهودیِنِ ایمونی مِطیع هاکِنَم، شی گَب و کارایی طریقی جا.

رومی ایشون 15:18 Iomraidhean Croise

اِنجیلِ مَتّی 25:16

اون مَردی که شه صَد سالِ دَسمِزِ اِندا بَییته بییه، دَرجا بُورده و اونِ هِمراه تجارت هاکارده و شه اَربابِ پولِ دِ بِرابر هاکارده.

مَرقُس 16:20

شاگِردون هم بیرون بُوردِنه و همه جا تَعلیم دانه، خِداوند وِشونِ هِمراه کار کارده و شه کِلامِ اون نشونه و معجِزاتِ هِمراه که شاگِردون اِنجام دانه، ثابت کارده.

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اعمال رَسولان 15:12

بعد تِمومِ اونایی که اونجه جَمع بینه ساکت بَینه و بَرنابا و پولُسِ گَبِ گوش هِدانه. وِشون، نشونه ها و معجزاتی ره که خِدا‌ وِشونِ دَسِ هِمراه غیرِ یَهودیونِ میون هاکارده بییه ره گاتِنه.

اعمال رَسولان 15:4

وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

اعمال رَسولان 21:19

پولُس وِشونِ سِلام هاکارده و اون چی که خِدا وه خِدمِتِ هِمراه، غیریَهودیونِ دِله هاکارده بییه ره یِتا یِتا توضیح هِدا.

اعمال رَسولان 26:20

بلکه اَوِّل دَمشقیونِ میون، بعد اورشَلیم و تِمومِ یَهودیهِ مَنطقه دِله، و غیرِیهودیونِ میون هم، این پِیغومِ اِعلام هاکاردِمه که وِنه توبه هاکانِن و خِدائه سَمت بَردَگِردِن و شه عَملِ هِمراه نِشون هادِن که واقعاً توبه هاکاردِنه.

رومی ایشون 1:5

خِدا مَسیحِ طریق، اِما ره فِیض هِدا تا وه رسولون بوئیم و تِموم قوم ها ره راهنِمایی هاکانیم که مَسیحِ اسمِ ایمون بیارِن و وه جِم اِطاعت هاکانِن.

رومی ایشون 16:26

ولی اَلان طبقِ پِیغَمبِرونِ بَنوِشته و اَبدی خِدائه حِکمِ هِمراه، تِمومِ مَردِمِ وِسه دیار بَییه تا وِشون ایمون بیارِن و اطاعتِ هاکانِن -

رومی ایشون 6:17

ولی خِدا ره شِکر، شِما که یه وَختی گِناهِ نوکِرون بینی، اِسا تِمومِ شه دلِ هِمراه، اون تَعلیمِ جِم اِطاعت کاندینی که خِدا شِما ره هِدا.

دوّمین نامه قرنتیانِ وَسین 11:31

خِداوند عیسیِ پییِر، خِدا که وه ره تا اَبد شِکر گامبه، دونده که دِراغ نَزِمبه.

دوّمین نامه قرنتیانِ وَسین 12:6

هر چَن اگه بِخوائِم اِفتخار هاکانِم، نادون نیمه، چوون حَییقَتِ گامبه. ولی این کارِ جِم دوری کامبه تا نَکِنه یه نَفِر خیال هاکانه که مِن، اون چی که مِ دِله وینده و مِ جِم اِشنُنه، گَت تِرِمه.

دوّمین نامه قرنتیانِ وَسین 3:5

نا اون که شه لایقت داریم که اِدعا هاکانیم یه چی اَمه دَس بَر اِنه، بلکه اَمه لیاقت خِدائه جِم هَسه.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

غَلاطیان 2:8

چوون وه که پِطرُسِ طَریق کار هاکارده که غیر یَهودیونِ رَسول بوئه، مِ دِله هم کار هاکارده که غیرِ یَهودیونِ رسول بوئِم.

کولُسیان 3:17

و هر کاری که کاندینی، چه بااوتِنِ دِله و چه رفتارِ دِله، همه ره خِداوندْ عیسیِ اسمِ هِمراه هاکانین، و وه طریق خِدائه پییِرِ شکر‌ هاکانین.

دوّم تِسالونیکیان 2:17

شِمه دِل ها ره تسلّی هاده و هر خوارِ کار و گفتارِ دِله پابرجا هاکانه.

نامِه مَسیحینی عبرانی نِژادی سِه 11:8

ایمونِ هِمراه بییه که اِبراهیم اون مووقه که دَعوِت بَییه، اِطاعت هاکارده و راهی بَییه اون جایی بورده که بعد وه اِرث بونِسه؛ و بدون اینکه بَدونه کِجه شونه، راهی بَییه.

نامِه مَسیحینی عبرانی نِژادی سِه 5:9

و اون مووقه که کامل بَییه، تِمومِ اونایی که وه جِم اِطاعت کاندِنهِ وِسه، اَبدی نِجاتِ سرچِشمه بَییه.

یعقوبِ نامه 1:22

ولی خِدائه کِلامِ به جا بیارین، نا فِقَط اونِ بِشنُئین؛ شه ره گول نَزِنین!

اوّل یوحنا 3:18

ای کِچیکِ وَچون، بِئین مِحَبَّت هاکانیم، نا زِوونی و گَب بَزوئِنِ دِله، بلکه عَمِل و حَییقَتِ دِله!

یهودائه نامه 1:9

ولی وَختی میکائیل، اون گَتِ فرشته، اون مووقه که اِبلیسِ هِمراه بحث کارده و موسیِ جِنازهِ خَوِری دَعوا کارده، شه ره اِجازه نِدا که وه محکومیتِ اِعلام هاکاردِنه مووقه وه ره توهین هاکانه، بلکه فِقَط بااوته: «خِداوند، تِ ره توبیخ هاکانه!»