رومی ایشون 14:22 - کتاب مقدس به زبان مازندرانی - گویش شرقی

²² پَس شه ایمونِ این چیائه خَوِری، شه میون و خِدائه میون دار. خِش به حالِ کِسی که اونچیِ خاطِری که شه خَوِری تأیید کانده، شه ره قِضاوِت نَکِنه.

گیله ماز

²² پس تی ایمانِ این چیزانِ بارِه، تی میَن و خُدایِ میَن بِدار. خوش بِحالِ کسی که اونچه یه خاطِری که خُجیر دانه خودِش رِه محکوم نُکانِه

کتاب مقدس به زبان مازندرانی - گویش غربی

²² پس شی ایمونِ هَین چیایی خَوَری، شی میِن و خِدایی میِن دار. خِش بِحالِ کسی گه اونچی ای خاطری گه شی خَوَری تايید کِنِّه شِرِه قضاوت نَکِنِه.

رومی ایشون 14:22 Iomraidhean Croise

اعمال رَسولان 24:16

اینِ وِسه، خَله تَقِلّا کامبه تا خِدا و مَردِمِ پَلی پاکِ وجدانِ هِمراه زندگی هاکانِم.

رومی ایشون 14:14

مِن خِداوند عیسیِ دِله دومبه و قانِعمه که هیچی خِد به خِد نَجس نییه. ولی اگه کِسی یه چی ره نَجس دوندِنه، وه وِسه نَجِسِ.

رومی ایشون 14:2

یه نَفِرِ ایمون وه ره اِجازه دِنه هر غِذایی ره بَخُره، ولی یه نَفِرِ دییه که ضَعیفِ، فِقَط سبزیجات خارنه.

رومی ایشون 14:23

ولی کِسی که یِتا غِذائه بَخُردِنِ خَوِری شَک دارنه، اگه اونِ بَخُره مَحکوم بونه، چوون ایمونِ هِمراه نَخُرده و اونچی ایمونِ جِم نَبوئه، گِنائه.

رومی ایشون 14:5

یه نَفِر یِتا روزِ بَقیه روزائه جِم بهتر دونده؛ یه نَفِرِ دییه، تِمومِ روزها ره یه جور دونده. هر کی وِنه شه فِکرِ دِله شه عقایدِ سَر خاطِر جمع بوئه.

رومی ایشون 2:1

پَس تِ ای آدِمی که یه نَفِر دییه ره قِضاوت کاندی، هر کی که بوئی هیچ عذرِ بهونه ای نِدارنی. چوون وَختی که یه نَفِر دییه ره قِضاوِت کاندی، شه ره مَحکوم هاکاردی؛ چوون تِ، اِی که قِضاوِت کاندی، شه هَمون کارِ کاندی.

رومی ایشون 7:15

چوون که مِن نَدومبه دَره چی کامبه، چوون اونچی که خوامبه ره نَکامبه بلکه اونچی که اونِ جِم بیزارِمه ره دَره اِنجام دِمبه.

رومی ایشون 7:24

آی، چَنده مِن بَدبختِ آدِمِمه! کیِ که مِ ره این بَمِرده تَنِ جِم آزاد هاکانه؟

اوّلین نامِه قُرنتیانی سِه 8:7

هر چَن که همه این مَعرفتِ نِدارنِنه. ولی بَعضیا تا اَلان جوری بِتها ره عادت هاکاردِنه که همین اَلان هم اگه این طی خِراکهایی بَخُرِن، خیال کاندِنه اون خِراک راس راسی بِت ها ره پیشکَش بَییه؛ و از اونجه که وِشون ضَعیفِ وجدان دارنِنه، نَجس بونِنه.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

غَلاطیان 6:1

ای بِرارون، اگه یه نَفِر یِتا خِطا هاکانه، شِما که خِدائه روحِ دارنِنی وِنه مِلایمِ روحِ هِمراه وه ره راسِ راهِ سَمت بَردِگاردِنین. با این وجود، تِ حِواس شه ره بوئه که وَسوسهِ دِله نَکِفی.

یعقوبِ نامه 3:13

شِمه میون کی حکیم و عقل دارِ؟ بییِلین اونِ، شه دِرِس زندگی هاکاردِنِ هِمراه سراغ هاده، اون اعمالی که فروتنیِ هِمرائه و حِکمتِ جِم سَرچشمه گِرنه.

اوّل یوحنا 3:21

ای عزیزون، اگه اَمه دِل، اِما ره مَحکوم نَکِنه، خِدائه حِضور مِطمئِنیمی