رومی ایشون 14:2 - کتاب مقدس به زبان مازندرانی - گویش شرقی

² یه نَفِرِ ایمون وه ره اِجازه دِنه هر غِذایی ره بَخُره، ولی یه نَفِرِ دییه که ضَعیفِ، فِقَط سبزیجات خارنه.

گیله ماز

² یِنَفَرِ ایمان اونه اِجازِه دَنه هر غَذایی رِه بُخارِه، وَلی یِنَفَر دیگه که اونه ایمان ضَعیفِ، فقط سَبزی خارنِه.

کتاب مقدس به زبان مازندرانی - گویش غربی

² یَنَفَری ایمون وِرِه اِجازِه دِنِه هر غَذایی رِه بَخارِه، ولی یَنَفَر دییَر گه ضَعیفِ، فقط سَبزی خارنِه.

رومی ایشون 14:2 Iomraidhean Croise

رومی ایشون 14:1

کسیِ که وه ایمون ضَعیفِ ره شه میون راه هادین، ولی نا اینکه وه عقیده هائه سَر وه هِمراه جرِّبحث هاکانین.

رومی ایشون 14:14

مِن خِداوند عیسیِ دِله دومبه و قانِعمه که هیچی خِد به خِد نَجس نییه. ولی اگه کِسی یه چی ره نَجس دوندِنه، وه وِسه نَجِسِ.

رومی ایشون 14:20

غذا بَخُردِنِ خاطِری، خِدائه کارِ خِراب نَکِن! راس راسی تِمومِ غِذاها پاکِنه، ولی هر غِذایی که یه نَفِر دییه لغزش باعث بَووه، کارِ دِرِسی نییه.

رومی ایشون 15:1

اِما که قَویمی، وِنه اونایی که ضَعیفِنه ره تِحَمُّل هاکانیم و شه خِشال هاکاردِنِ دمبال دَنی بوئیم.

اوّلین نامِه قُرنتیانی سِه 10:25

هر گوشتی که قصابی دِله روشِنِنه ره بدونِ اینکه شه وجدانِ خاطِری سِئالی بَپِرسین بَخُرین،

اوّلین نامِه قُرنتیانی سِه 8:9

ولی مِواظب بوئین شِمه این حَق، این باعث نَووه که ضَعیفِ آدِمون لغزش بَخُرِن.

اوّلین نامِه قُرنتیانی سِه 9:22

ضَعیفونِ هِمراه، ضَعیف بَیمه تا ضَعیفونِ مَسیحِ وِسه به دَس بیارِم. همه کسِ وِسه همه چی بَیمه تا هر جور بونه بَعضیا ره نِجات هادِم.

غَلاطیان 2:12

چوون قبل از اون که اونایی که یَعقوب، راهی هاکارده بییه، بِیِّن، غیریَهودیونِ هِمراه همسِفره بَییه بییه، ولی وَختی وِشون بییَمونه، یَهودیونِ تَرسِ جِم شه ره کنار بَکِشیه و سیوا هاکارده.

اول تیموتائوس 4:4

چوون هر چی که خِدا خَلق هاکارده، خوارِ و هیچی ره نَوِسه رَد هاکاردِن، اگه شِکر هاکاردِنِ هِمراه قبول بَووه،

تیتوس 1:15

پاکِ آدِمونِ وِسه همه چی پاکِ، ولی اونایی وِسه که نَجس و بی‌ایمونِنه، هیچی پاک نییه، بلکه هم وِشونِ فکر و هم وِشونِ وجدان نَجسِ.

نامِه مَسیحینی عبرانی نِژادی سِه 13:9

جورواجور و عَجیب غریب تَعلیم هائه هِمراه گمراه نَووین؛ چوون این خوارِ که آدِمیِ دِل، فیضِ هِمراه قِوَّت بَیره، نا اون خِراکهائه هِمراه که وِشونی که اونائه دِمبال شونِنه، وِشونِ وِسه منفعتی نِدارنه .

نامِه مَسیحینی عبرانی نِژادی سِه 9:10

بلکه اینا فِقَط خِراکی ها و نوشیدنی ها و جورواجورِ غِسل ها و قانونایی نه که تَنِ ربط دارنِنه و فِقَط تا مووقه ای اعتبار دارنِنه که خِدا تازه ترتیب هاده.