رومی ایشون 14:15 - کتاب مقدس به زبان مازندرانی - گویش شرقی

¹⁵ اگه شه بِرارِ اون غذائه هِمراه که خارنی، اذیّت هاکانی، دییه مِحبَّتِ هِمراه رِفتار نَکاندی. شه غذائه هِمراه، شه بِرارِ که مَسیح وه خاطِری بَمِرده ره هِلاک نَکِن.

گیله ماز

¹⁵ اَگه تی اَداش رِه اون غذایِ همره که خارنی اَذیت هَکُنی، دِ مُحبتِ همره رفتار نُکانی. تی غذای هَمره، تی اَداشِ که مَسیح اونه خاطری بَمِردِه رِه، هَلاک نَکُن.

کتاب مقدس به زبان مازندرانی - گویش غربی

¹⁵ اگه شی بِرارِ هون غذایی هَمرا گه خارنی اَذیت هاکِنی، دِ مِحبتی هَمرا رفتار نَکِنّی. شی غذایی هَمرا، شی بِرار گه مَسیح وی خاطری بَمِردِه رِه، هَلاک نَکِن.

رومی ایشون 14:15 Iomraidhean Croise

رومی ایشون 13:10

مِحَبَّت، شه هَمساده ره بَدی نَکانده؛ پَس مِحَبَّت شَریعتِ تِموم و کِمال به اِنجام رِسِندِنه.

رومی ایشون 14:20

غذا بَخُردِنِ خاطِری، خِدائه کارِ خِراب نَکِن! راس راسی تِمومِ غِذاها پاکِنه، ولی هر غِذایی که یه نَفِر دییه لغزش باعث بَووه، کارِ دِرِسی نییه.

رومی ایشون 15:2

هر کِدوم از اِما وِنه هر خوارِ چی ای که شه هَمسادهِ دِله وینده، همونِ خَوِری وه ره خِشال هاکانه، تا وه ایمونِ تَقویتِ باعث بَووه.

اوّلین نامِه قُرنتیانی سِه 13:1

اگه آدِمون و فرشته هائه زِوون ها گَب بَزِنِم، ولی مِحَبَّت نِدارِم، یِتا سِنج که خَله سَر صِدا کانده و یِتا توخالی طَبلِ واریمه.

اوّلین نامِه قُرنتیانی سِه 8:1

و اِسا بِت هائه پیشکَش بَییه خِراکِ خَوِری: دومبی که «اِما همه مَعرفتِ دارمی.» همین مَعرفت، غرورِ باعث بونه ولی مِحَبَّت، آدِمِ بنا کانده.

غَلاطیان 5:13

چوون که اِی بِرارون، شِما آزادیِ وِسه دَعوِت بَینی، فِقَط شه آزادی ره یِتا فرصتِ واری جِسمِ وِسه استفاده نَکِنین، بلکه مِحبّتِ هِمراه، هَمدییه ره خِدمِت هاکانین.

اِفِسُسیان 5:2

و مِحَبَّتِ هِمراه رِفتار هاکانین، هَمون طی که مَسیح هم اِما ره مِحَبِّت هاکارده و شه جانِ اَمه وِسه، قِروونی و خِش عطرِ هدیهِ واری خِدا ره پیشکش هاکارده.

پطرسی دِوّمین نامِه 2:1

ولی یَهودِ قومِ میون، دِراغیِ پِیغَمبِرون هم دَیینه، هَمون‌ طی که شِمه میون هم دِراغی مَلِّمون اِنِنه که یواشکی غلطِ تعالیم یارنِنه که تونده بَکوشه و اون اربابی که وِشونِ بَخریه ره حاشا کاندِنه و این طی، یهویی بِلا ره شه سَر یارنِنه.

اوّل یوحنا 2:2

عیسی اَمه گِناهونِ کَفّارِئه، و نا فِقَط اَمه گِناهون، بلکه تِمومِ عالِمِ گِناهون.