رومی ایشون 14:14 - کتاب مقدس به زبان مازندرانی - گویش شرقی

¹⁴ مِن خِداوند عیسیِ دِله دومبه و قانِعمه که هیچی خِد به خِد نَجس نییه. ولی اگه کِسی یه چی ره نَجس دوندِنه، وه وِسه نَجِسِ.

گیله ماز

¹⁴ مَن خُداوند عیسی دِلِه دانَم و مطمعنَم که هیچی خُد به خُد نَجِس نیِه. وَلی اَگه کَسی یِچّی رِه نَجِس دانه، اونه رَه نَجِسِ.

کتاب مقدس به زبان مازندرانی - گویش غربی

¹⁴ مِن خِداوند عیسایی دِلِه دِمِّه و قانعمِ گه هیچی خِد به خِد نَجِس نیِه. ولی اگه کَسی یَچی رِه نَجِس دِنِّه، ویسِه نَجِسِ.

رومی ایشون 14:14 Iomraidhean Croise

مَرقُس 7:2

وِشون بَدینه که عیسیِ بَعضی از شاگِردون نَجسِ دَسِ هِمراه، یعنی نَشسه دَسِ هِمراه، غِذا خوارنِنه.

اعمال رَسولان 10:28

پِطرُس وِشونِ بااوته: «شِما شه دوندِنی که یَهودیونِ وِسه جایز نییه که یِتا دییه قومِ هِمراه معاشرت هاکانِن یا وِشونِ سِره بورِن. ولی خِدا مِ ره سِراغ هِدا که نَوِسه هیچ کسِ نَجس یا ناپاک بارِم.

رومی ایشون 14:2

یه نَفِرِ ایمون وه ره اِجازه دِنه هر غِذایی ره بَخُره، ولی یه نَفِرِ دییه که ضَعیفِ، فِقَط سبزیجات خارنه.

رومی ایشون 14:20

غذا بَخُردِنِ خاطِری، خِدائه کارِ خِراب نَکِن! راس راسی تِمومِ غِذاها پاکِنه، ولی هر غِذایی که یه نَفِر دییه لغزش باعث بَووه، کارِ دِرِسی نییه.

رومی ایشون 14:23

ولی کِسی که یِتا غِذائه بَخُردِنِ خَوِری شَک دارنه، اگه اونِ بَخُره مَحکوم بونه، چوون ایمونِ هِمراه نَخُرده و اونچی ایمونِ جِم نَبوئه، گِنائه.

اوّلین نامِه قُرنتیانی سِه 10:25

هر گوشتی که قصابی دِله روشِنِنه ره بدونِ اینکه شه وجدانِ خاطِری سِئالی بَپِرسین بَخُرین،

اوّلین نامِه قُرنتیانی سِه 8:10

چوون اگه کِسی که یِتا ضَعیفِ وجدان دارنه، تِ ره که اینِ خَوِری مَعرفت دارنی، بِتخانهِ دِله غِذائه سَر بَوینه، مگه وه هم وَسوسه نَوونه بِتهائه پیشکشِ بَییه خِراکِ بَخُره؟

اوّلین نامِه قُرنتیانی سِه 8:7

هر چَن که همه این مَعرفتِ نِدارنِنه. ولی بَعضیا تا اَلان جوری بِتها ره عادت هاکاردِنه که همین اَلان هم اگه این طی خِراکهایی بَخُرِن، خیال کاندِنه اون خِراک راس راسی بِت ها ره پیشکَش بَییه؛ و از اونجه که وِشون ضَعیفِ وجدان دارنِنه، نَجس بونِنه.

اول تیموتائوس 4:4

چوون هر چی که خِدا خَلق هاکارده، خوارِ و هیچی ره نَوِسه رَد هاکاردِن، اگه شِکر هاکاردِنِ هِمراه قبول بَووه،

تیتوس 1:15

پاکِ آدِمونِ وِسه همه چی پاکِ، ولی اونایی وِسه که نَجس و بی‌ایمونِنه، هیچی پاک نییه، بلکه هم وِشونِ فکر و هم وِشونِ وجدان نَجسِ.