رومی ایشون 14:13 - کتاب مقدس به زبان مازندرانی - گویش شرقی

¹³ پَس، بِئین بعد از این هَمدییه ره قِضاوِت نَکِنیم. بلکه، تَصمیم بَیرین که هیچ سَنگِ لغزش یا مانعی شه بِرارِ راهِ سَر نییِلین.

گیله ماز

¹³ پس، بیئیِن مین بَعد هَمدیگَرِ قضاوت نَکُنیم. بلکه تَصمیم هَگیرن که هیچ سَنگِ لَغزِش یا مانعی شیمی اَداشِ راهِ سَر نَنین.

کتاب مقدس به زبان مازندرانی - گویش غربی

¹³ پس، بیئیِن بعد از هین هَمدِیَرِ قضاوت نَکِنیم. بلگی تَصمیم بَیرین گه هیچ سَنگِ لَغزِش یا مانعی شی بِراری راهی سَر نِلین.

رومی ایشون 14:13 Iomraidhean Croise

اِنجیلِ مَتّی 16:23

عیسی بَردَگِردِسِه پطرسِ بااوته: «دور بَواش اِی شِیطان! تِ مِ راهِ دَمِ گِرنی، تِ فکر و خیال آدِمیِ جِم هَسه، نا خِدائه جِم.»

اِنجیلِ مَتّی 18:7

وای بَر این دِنیا که آدِمی ره به گِناه وَسوسِه کانده. چوون وَسوسِه هَمِش دَره، ولی وای به حالِ کِسی که وسوسهِ باعِث بونی بونه.

اِنجیلِ مَتّی 7:1

«کَس دییه ره قِضاوَت نَکِنین تا شِما ره قِضاوَت نَکِنِن.

لوقا 12:57

«چه شه اونچیِ خَوِری که دِرِسِ، داوِری نَکاندینی؟

لوقا 17:2

وه وِسه بِهتَر بییه، یِتا آسیوِ سَنگ وه گَردِن وَسِّنه و وه ره دریائه دِله دِم دانه تا اینکه باعث بَووه یِتا از این کِچیکون گِناه دَکِفه.

رومی ایشون 11:9

و داوود پادشاه گانه: «وِشونِ سِفره، وِشونِ وِسه دام و تَله بوئه سنگی که وِشونِ بِنه زَنده، وِشونِ وِسه مکافات بَووه.

رومی ایشون 14:10

پَس تِ چه شه بِرابرِ قِضاوِت کاندی؟ یا تِ چه شه بِرارِ کِچیک اِشمارِنی؟ چوون اِما همه خِدائه داوِریِ تَختِ پَلی اِیست کامبی.

رومی ایشون 14:3

اونی که همه چی خارنه، نَوِسه اونی که نَخارنه ره کِچیک بِشماره؛ و اونی که همه چی نَخارنه، نَوِسه اونی که همه چی خارنه ره قِضاوِت هاکانه. چوون خِدا وه ره قبول هاکارده.

رومی ایشون 14:4

تِ کی ئی که یه نَفِرِ دییهِ نوکِرِ قِضاوِت کاندی؟ چه، وه، شه ایمونِ سَر بَمونه یا دَکفه، وه اربابِ ربط دارنه. و وه هم شه لینگِ سَر موندِنه و خِداوند تونده وه ره سَر پا داره.

رومی ایشون 16:17

ای بِرارون، خوامبه شِمه جِم خواهش هاکانِم اونایی که سیواییِ باعِثِنهِ مِواظِب بوئین و شِمه راهِ سَر مانع اییِلنِنه و اون تعلیمی هِمراه که شِما بَییتِنی، مخالفت کاندِنه؛ وِشونِ جِم دوری هاکانین،

اوّلین نامِه قُرنتیانی سِه 10:32

هیچ کسِ نارِحَت نَکِنین، چه یَهودیون، چه یونانیون و چه خِدائه کلیسا ره،

اوّلین نامِه قُرنتیانی سِه 11:13

شه قِضاوِت هاکانین: زِنِ وِسه دِرِسِ که سَر لِخت خِدائه حِضور دِعا هاکانه؟

دوّمین نامه قرنتیانِ وَسین 5:14

چوون مَسیحِ مِحَبَّت اِما ره کنترل کانده، چوون بَفِهمِسیمی: که یه نَفِر همهِ وِسه بَمِرده، پَس همه بَمِردِنه.

دوّمین نامه قرنتیانِ وَسین 6:3

اِما هیچ کسِ راهِ دِله سَنگ دِم نَدِمبی تا اَمه خِدمِتِ دِله هیچ ایرادی دَنی بوئه،

فیلیپیان 1:10

تا بَتونین اونچی که بِهترینِ ره قبول هاکانین و مَسیحِ روزِ دِله، پاک و بی‌عیب بوئین

اول تیموتائوس 5:14

پَس مِ نَظِر اینِ که جوونترِ بیوه‌ زَن ها، شی هاکانِن، وَچه بیارِن و خانه داری هاکانِن و دِشمِنِ فرصت نَدِن که تِهمت بَزِنه.

یعقوبِ نامه 2:4

مگه شه شِما، شه میون فرق نییِشتینی و پلیدِ فِکرِ هِمراه قِضاوِت نَکاردینی؟

یعقوبِ نامه 4:11

ای برارون، هَمدییهِ بَدِ نارین. اونی که یِتا بِرارِ علیه بَد باره و یا شه بِرارِ داوِری هاکانه، شَریعتِ علیه بَد گانه و شَریعتِ داوِری کانده. ولی اگه تِ شَریعتِ داوِری کاندی، تِ شَریعَت داور بَئی نا اونی که وه ره به جا یارنه!

اوّل یوحنا 2:10

هر کی که شه بِرارِ دوس دارنه، نورِ دِله موندِنه و وه دِله هیچ دلیلی لغزشِ وِسه دَنیه.

یوحنایِ مکاشفه 2:14

«ولی مِن اَت کم شکایت تِ جِم دارمه: اونجه بعضیا ره دارنی که بَلعامِ تعلیمِ بَچِسبِسِنه؛ همونی که بالاقِ یاد هِدا که اِسرائیلِ قومِ جِلو سنگی بوئه که دَکِتِنِ باعث بونه، تا اون غِذایی که بِتها ره پیشکَش بونه ره بَخُرِن و بی عفتی هاکانِن.