رومی ایشون 13:14 - کتاب مقدس به زبان مازندرانی - گویش شرقی

¹⁴ پَس خِداوند عیسی مَسیحِ شخصیتِ یِتا لِواسِ واری دَپوشین، جِسمِ هِوا و هَوسِ وِسه تدارک نَوینین تا وه خواسه ها ره به جا بیارین.

گیله ماز

¹⁴ پس خُداوند عیسی مسیحِ شخصیتِ ایتا لِواسِ مِثان دَکُنین، و شیمی نفسِ هوسهایِ بِجا بیاردَنِ دُمّال دَنِبین

کتاب مقدس به زبان مازندرانی - گویش غربی

¹⁴ پس خِداوند عیسی مسیحی شخصیتِ یَتِه لیواسی تَرا دَکِنین، جِسمی هَوا و هوسی سِه تَدارِک نَوینین تا وی خواسِّه ها رِه بِجا بیارین.

رومی ایشون 13:14 Iomraidhean Croise

غَلاطیان 3:27

چوون که شِما همه که مَسیحِ دِله تَعمید بَییتینی، مَسیحِ شه تَن دَکاردینی.

غَلاطیان 5:24

اونایی که مَسیحْ عیسیِ وِسه هَسِنه، جِسمِ وه هِوا و هوسها و خواسه هائه هِمراه صَلیبِ سَر بَکِشینه.

اِفِسُسیان 4:24

و تازهِ آدِمِ شه تَن دَکُنین، که صالحی و حَییقی قدّوسیتِ دِله، خِدائه واری خَلق بَووه.

کولُسیان 2:23

هر چَن وَختی که شه این بِساته دینِ جِم و تَنِ ریاضت و تَنِ سَخت بَییتِنِ جِم گَب زَندِنه، حکیمانه به نَظِر اِنه، ولی اونا از این که هِوا و هَوسِ دَمِ بَیرِن، هیچ کاری وِشونِ دَسِ بَر نِننه.

اول پِطرُس 2:11

ای عزیزون، شِمه جِم که این دِنیائه دِله مسافر و غریبِنی، خواهش کامبه که جِسمِ هِوا و هوسِ جِم که شِمه روحِ علیه دَره جَنگ کاندِنه، دوری هاکانین.