رومی ایشون 12:6 - کتاب مقدس به زبان مازندرانی - گویش شرقی

⁶ طبقِ فیضی که اِما ره هِدا بَییه، جورواجورِ عطایا دارمی. بِئین اونا ره به کار بَیریم اگه نَبِوّتِ، اونِ شه ایمونِ اِندا به‌کار بَیریم.

گیله ماز

⁶ طبق فیضِی که اَمَرِه هَدَه هَبا، جورواجورِ عَطایا داریم، بییَئن اوشانه بِکار هَگیریم، اَگِه نَبوَّتِ، اونِه اَمی ایمانِ قَدَر بِکار هَگیریم.

کتاب مقدس به زبان مازندرانی - گویش غربی

⁶ طبقِ فیضی گه اَمارِه هادا بَوِه، جورواجورِ عَطایا دارمی، بیئین اونانِه بکار بَیریم، اگه نَبِوّتِ اونِه شی ایمونی اَنّا بِکار بَیریم.

رومی ایشون 12:6 Iomraidhean Croise

اِنجیلِ مَتّی 23:34

چوون که مِن پِیغَمبِرون و حَکیمون و مَلِّمونِ شِمه وِسه فِرِسِندِمبه، ولی شِما بَعضیا ره کُشِنِنی و مَصلوب کاندینی، بَعضیا ره هم شه عبادتگاه هائه دِله شِلّاق زَندِنی و شَهر به شَهر شونِنی و وِشونِ عِذاب دِنِنی.

اِنجیلِ مَتّی 25:22

اون نوکِری که شه چِهل سالِ دَسمِزِ اِندا بَییته بییه جلو بییَمو و بااوته: اَرباب، تِ مِ ره مِ چِهل سالِ دَسمِزِ اِندا هِدا بیئی، بَفِرمی وه هِمراه شه چِهل سالِ دَسمِزِ اِندا سود هاکاردِمه.

لوقا 11:49

اینِ وِسه خِدائه حِکمت گانه ”مِن وِشونِ وسه پِیغَمبِرون و رسولونِ فِرِسِندِمبه. ولی وِشون بعضیا ره کُشِنِنه و بعضیا ره شکنجه دِنِنه.“

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 15:32

یَهودا و سیلاس هم که پِیغَمبِر بینه، یَته خله گَب هائه هِمراه، بِرارونِ تَشویق هاکاردِنه و قِوَّت هِدانه.

اعمال رَسولان 2:17

«‌”خدا گانه: آخِرین روزائه دِله، شه روحِ، تِمومِ مَردِمِ وِسه شَندِمبه. شِمه ریکائون و کیجائون نَبِوّت کاندنه، شِمه جِوونون رؤیا و شِمه پیرون خو ویندِنه.

اعمال رَسولان 21:9

فیلیپُس چهار تا اَذِبِ کیجا داشته که نَبِوّت کاردِنه.

رومی ایشون 1:11

چوون شِمه بَدیئِنِ وِسه ذوق دارمه تا روحانی عطایا، شِمه ایمونِ تقویتِ وِسه شِما ره هادِم-

رومی ایشون 12:3

چوون اون فیضِ طَریقِ جِم که مِ ره هِدا بَییه، شِما هر کِدومِ گامبه که شه ره اونچی که هسینیِ جِم ویشتر، نَدونین، بلکه هر کِدوم اون ایمونِ اِندا که خِدا شِما ره هِدا، دِرِس قِضاوِت هاکانین.

اوّلین نامِه قُرنتیانی سِه 12:18

ولی این طی خِدا اَعضا ره اون طی که شه خواسه، یِتا یِتا تَنِ دِله بییِشته.

اوّلین نامِه قُرنتیانی سِه 13:2

اگه نَبِوّت هاکاردِنِ قِدرَتِ دارِم و بَتونِم تِمومِ رازها و مَعرفتِ بِفَهمِم، و اگه اون طی ایمونی دارِم که کامل بوئه، جوری که بَتونِم کوهها ره جا‌به‌جا هاکانِم، ولی مِحَبَّت نِدارِم، هیچِمه.

اوّلین نامِه قُرنتیانی سِه 14:1

مِحبَّتِ دِمبال دَووین و غیرتِ هِمراه، روحانی عطایا ره بِخوائین، بخصوص اینکه نَبِوَّت هاکانین.

اوّلین نامِه قُرنتیانی سِه 14:24

ولی اگه همه نَبِوِّت هاکانِن و اونایی که هیچیِ جِم خَوِر نِدارنِنه و یا اونایی که ایمون نِدارنِنه مجلسِ دِله بِیّن، همه باعث بونِنه که اون آدِم قانع بَووه که گِناهکارِ و وه همه پَلی قِضاوت بونه،

اوّلین نامِه قُرنتیانی سِه 14:29

بییِلین وِشونِ جِم دِ یا سه نَفِر که نَبِوَّت کاندِنه، گَب بَزِنِن و بَقیه، وِشونِ گَب ها ره سَبِک سَنگین هاکانِن.

اوّلین نامِه قُرنتیانی سِه 3:5

مگه آپولُس کیِ؟ پولُس کیِ؟ وِشون فِقَط خادمونینه که خِدا هر کِدومِ یِتا وظیفه‌ هِدا تا وِشونِ طریق شِما ایمون بیارین.

اوّلین نامِه قُرنتیانی سِه 7:7

کاش همه مِ واری بینه، ولی هر کی شه عطیه ره خِدائه جِم بَییته؛ یِتا یه جور عطیه دارنه و اون یِتا یه جور دییه.

دوّمین نامه قرنتیانِ وَسین 8:12

چوون اگه ذوق و شوق دَووه، اون آدِمِ هَدیه طبقِ اونچی که دارنه قبول بونه، نا طبقِ اونچی که نِدارنه.

اِفِسُسیان 3:5

اون رازی که قدیمِ نسلهائه دِله، آدِمونِ ریکائونِ وِسه دیار نَییه بییه، اون طی که اَلان روحِ القدُسِ طریق، وه مِقدَّسِ رَسولون و پِیغَمبِرونِ وِسه دیار بَییه.

اِفِسُسیان 4:11

و وه بییه که رَسولون هِدا، پِیغَمبِرون، مِواشِرون، چَپونون و مَلِّمون هِدا،

فیلیپیان 3:15

اونایی که اَمه میون بالِغِنه، وِنه این طی فکر هاکانِن؛ و اگه هر چیِ دِله، یه جور دییه فکر کاندینی، خِدا شِمه وِسه اینِ هم دیار کانده.

اوّل تِسالونیکیان 5:20

نبوّتها ره کِچیک نِشمارین.

پطرسی دِوّمین نامِه 1:20

قبل از هر چی، شه یاد دارین که مِقدَّسِ کتابِ نَبِوّت هائه جِم هیچکِدوم، خودِ پِیغَمبِرِ تفسیر نییه.