رومی ایشون 12:19 - کتاب مقدس به زبان مازندرانی - گویش شرقی

¹⁹ ای عزیزون، هیچ وَخت شه، تَقاص نَیرین، بلکه اونِ خِدائه غَضِبِ دَس واگذار هاکانین. چوون توراتِ دِله بَنوِشته بَییه که «خِداوند گانه: ”تَقاص، مِ شِنه، مِنِمه که سِزا دِمبه»

گیله ماز

¹⁹ اِی عزیزان، هیچ وخت خودِتان، اِنتقام نَگیرین، بَلکه اونِه خُدایِ غضبِ دَس بِسپارین. چون توراتِ دِلِه بَنویشته هَبا که «خُداوند گونه: ”مَنم که انتقام گیرنَم؛ مَنم که سِزا دَنَم.»

کتاب مقدس به زبان مازندرانی - گویش غربی

¹⁹ اِی عزیزِن، هیچ وخت شِه، تقاص نَئیرین، بَلگی اونِه خِدایی غضبی دَس واگِذار هاکِنین. چون توراتی دِلِه بَنوِشت بَوِه گه «خِداوند گِنِه: ”تقاص مِنیِه؛ مِنمِه گه سِزا دِمِه.»

رومی ایشون 12:19 Iomraidhean Croise

اِنجیلِ مَتّی 5:39

ولی مِن شِما ره گامبه بَدِ آدِمِ روب رو اِیست نَکِنین و هر کی تِ راسِ دیمِ چَک بَزو، شه اون وَرِ دیمِ هَم وه سَمت بَردِگاردِن.

رومی ایشون 12:14

کِسایی که شِما ره آزار رَسِندِنهِ وِسه، بَرکَت بِخوائین؛ بَرکَت بِخوائین و نَفرین نَکِنین!

رومی ایشون 12:17

هیچ‌کسِ بَدیِ عَوِض، بَدی نَکِنین. بلکه کاری ره هاکانین که بَقیهِ نَظِر حِرمت دارنه.

رومی ایشون 13:4

چوون وه تِ خیرِ وِسه خِدائه نوکِرِ. ولی اگه کارِ خلاف هاکانی، بَتِرس، چوون وه بیخودی شه کَمِر شمشیر نَوِسه. وه خِدائه نوکِرِ و کسیِ که خِدائه وِسه انتقام گِرنه و خِدائه غَضِبِ، خِلافکارِ سَر یارنه.

اِفِسُسیان 4:27

و اِبلیسِ فرصت نَدین.

اوّل تِسالونیکیان 4:6

تا هیچ‌کس این جَریانِ دِله شه بِرارِ حَق، خِطا یا سوء استفاده نَکِنه. چوون خِداوند تِمومِ این چیائه وِسه تقاص گِرنه، هَمون طی که اِما قبلتر شِما ره بااوتیمی و جِدی هِشدار هِدامی.

دوم تیموتائوس 4:14

اِسکندر مسگر، مِ ره خَله بَدی هاکارده. خِداوند وه کارائه سزا ره دِنه.

نامِه مَسیحینی عبرانی نِژادی سِه 10:30

چوون اِما اون کِسی که اینِ بااوته ره اِشناسِمبی: «تقاص مِ وِسه هَسه؛ مِن سزا دِمبه،» و اَی هم بااوته: «خِداوند شه قومِ داوِری کانده.»