رومی ایشون 12:13 - کتاب مقدس به زبان مازندرانی - گویش شرقی

¹³ مِقدّسینِ احتیاجاتِ برطَرِف هاکاردِنِ دِله شَریک بَووین و مهمون‌نِواز بوئین.

گیله ماز

¹³ مُقدَّسین اِحتیاجاتِ برطَرف هَکُردَن دِلهِ شَریک هَبین و مِهمان‌نَواز هَبین.

کتاب مقدس به زبان مازندرانی - گویش غربی

¹³ مِقدَّسینی اِحتیاجاتی برطرف هاکِردَنی دِلِه شَریک بَووئین و مِهمون‌نِواز ووئین.

رومی ایشون 12:13 Iomraidhean Croise

اِنجیلِ مَتّی 25:35

چوون که وِشنا بیمه، مِ ره غِذا هِدانی، تِشنا بیمِه، مِ ره اوه هِدانی، غریب بیمِه، مِ ره جا هِدانی.

اعمال رَسولان 10:4

کُرنِلیوس تَرسِ هِمراه وه ره هارِشیه و بااوته: «چی خوانی باری آقا؟» فرشته بااوته: «تِ دعاها و صدقه‌ها، یِتا ذِکرِ هدیهِ واری خِدائه پَلی بَرِسیه.

اعمال رَسولان 4:35

رَسولونِ پلی اییِشته تا هر کَسِ احتیاج اِندا وِشونِ میون رَسِد بَووه.

رومی ایشون 12:8

اونی که تَشویق کانده، تَشویق هاکانه. اونی که کُمِک کانده، دَس دِلوازی هِمراه کُمِک هاکانه. اونی که رَهبِری کانده، این کارِ غیرتِ هِمراه هاکانه. و اونی که بَقیه ره رَحم و مِهروونی کانده، خِشالیِ هِمراه این کارِ هاکانه.

اوّلین نامِه قُرنتیانی سِه 16:15

دوندِنی که اِستِفاناسِ خانواده اَوِّلین کِسایی بینه که اَخائیهِ مَنطقهِ دِله ایمون بیاردِنه، و وِشون شه ره مِقدَّسینِ خِدمِتِ وِسه وَقف هاکاردِنه. ای بِرارون، شِمه جِم خواهش کامبه

دوّمین نامه قرنتیانِ وَسین 9:1

اِسا دییه احتیاج نییه این خدمِتِ خَوِری که مِقدّسینِ وِسه هَسه ره شِمه وِسه بَنویسِم،

دوّمین نامه قرنتیانِ وَسین 9:12

چوون این خِدمِت، نا فِقَط مِقدَّسینِ احتیاجاتِ برطَرِف کانده، بلکه باعث بونه خَیلیا خِدا ره بی حدّ و اندازه شِکر هاکانِن.

غَلاطیان 6:10

پَس تا فرصت دارمی، تِمومِ مَردِمِ خواری هاکانیم، مخصوصاً اونایی که مَسیحِ ایمون دارنِنه.

اول تیموتائوس 3:2

پَس، یِتا ناظِر وِنه هیچی وه زندگیِ دِله دَنی بوئه که اونِ خاطِری سَرکوفت بَخُره، یِتا زِنا داره، هوشیار بوئه شه دَمِ داره، با آبِرو بوئه، مِهمون‌ دوس بوئه و بَتونه تَعلیم هاده؛

اول تیموتائوس 5:10

و خوارِ کارائه اِنجام هِدائِنِ دِله معروف بوئه، یعنی شه وَچونِ گَت هاکارده بوئه، غریب‌نواز بوئه، مقدّسینِ لینگا ره بَشُسه بوئه، دَردمَندون جِم مِراقبت هاکارده بوئه، و شه ره هر جور خوارِ کارِ وِسه وَقف هاکارده بوئه.

تیتوس 1:8

بلکه مِهمون​نواز بوئه و خواری ره دوسدارِ و دِرِسکار و مِقَدَّس بوئه و نظم داره؛

تیتوس 3:14

بییِل اَمه مَردِم یاد بَیرِن اِحتیاجاتِ بَرطَرِف هاکاردِنِ وِسه، شه ره خوارِ کارائه وَقف هاکانِن و بی‌ثمر نَبوئِن.

فیلیمون 1:7

اِی بِرار، تِ مِحبّتِ جِم خَله خِشال بَیمه و تسلّی بَیتِمه، چوون مِقدَّسینِ دِل تِ خاطِری اَی هم جان بَییته.

نامِه مَسیحینی عبرانی نِژادی سِه 13:16

خواری هاکاردِنِ جِم و بَقیه ره شَریک هاکاردِن، اونچیِ دِله که دارنِنیِ جِم کِتاهی نَکِنین، چوون خِدا این طی قِروونی هائه جِم راضیِ.

نامِه مَسیحینی عبرانی نِژادی سِه 13:2

از این که نسبت به غریبه ها مهمون نِواز بوئین غافل نَبوئین، چوون این کارِ هِمراه، بَعضیا بی اینکه بَدونِن، فرشته هائه جِم پذیرایی هاکاردِنه.

نامِه مَسیحینی عبرانی نِژادی سِه 6:10

چوون خِدا بی‌انصاف نییه که شِمه کار و مِحبَّتیِ که وه اسمِ خاطِری، مِقدّسینِ خِدمِتِ دِله سِراغ هِدانی ره یاد هاکانه، هَمون طی که هَمتی هم دَره کاندینی.

اول پِطرُس 4:9

بدون این که غرغر هاکانین، هَمدییه ره مهمون هاکانین.

اوّل یوحنا 3:17

ولی اگه یه نَفِر دِنیائه مالِ داره و شه بِرارِ بَوینه که مِحتاجِ، با این وجود شه دِلِ دَرِ وه رو دَوِنده، خِدائه مِحَبَّت چی طی این طی آدِمِ دِله موندِنه؟

سوّم یوحنا 1:5

ای عزیز، تِ تِمومِ کارائه دِله بِرارونِ وِسه، شه اَمانتِ سِراغ دِنی، بخصوص اینکه تِ پَلی غریبِنه.