رومی ایشون 12:11 - کتاب مقدس به زبان مازندرانی - گویش شرقی

¹¹ هیچ وَخت شِمه غیرت خِدائه وِسه کم نَووه؛ روحِ دِله تشِ واری اَلوک بَیرین و خِداوندِ خِدمِت هاکانین.

گیله ماز

¹¹ هیچ وَخت شِیمی غیرت خُدایِ وَسین کَم نَبوُ؛ روحِ دِلهِ تَشِ مِثان اَلو هَگیرین و خُداوَندِ خِدمَت هَکُنید.

کتاب مقدس به زبان مازندرانی - گویش غربی

¹¹ هیچ وَخت شِمِه غیرت خِدایی سِه کَم نَوو؛ روحی دِلِه هِتی تَشی تَرا اَلوک بَیرین و خِداوَندِ خِدمَت هاکِنین.

رومی ایشون 12:11 Iomraidhean Croise

اِنجیلِ مَتّی 24:12

شِرارَت اَنده زیاد بونه که خَیلیائه مِحَبَّت، نِسبَت به هَمدییه سَرد بونه.

اِنجیلِ مَتّی 25:26

ولی وه اَرباب بااوته: 'اِی تَمبِل و بَدِ نوکِر! پَس تِ که دونِسی، مِن اونجه ای كه نَکاشتِمه ره دِرو کامبه، و اونجه ای که نَپاشیمه ره جَمع کامبه؟

اعمال رَسولان 18:25

خِداوندِ راهِ دِله، آموزش بَییته بییه و روحِ حِرارتِ هِمراه گَب زوئه و ‌دِرِسیِ هِمراه عیسیِ خَوِری تَعلیم دائه، هر چَن فِقَط یحییِ تعمیدِ جِم خَوِر داشته.

اعمال رَسولان 20:19

چی طی تِمومِ فروتنی و اَسریِ هِمراه خِداوندِ خِدمِت کاردمه، سختیهایی که یَهودیونِ نخشهِ پِشتی مِ سَر بییَمو ره تِحَمُّل هاکاردِمه.

اوّلین نامِه قُرنتیانی سِه 7:22

چوون کِسی که خِداوندِ طَرِفِ جِم نوکِری وِسه دَعوِت بَییه، خِداوند وه ره آزاد هاکارده. هَمون طی اونی هم که آزادیِ دِله دَعوِت بَییه، مَسیحِ نوکِرِ.

اِفِسُسیان 4:28

دِز دییه دِزی نَکِنه، بلکه زَحمِت بَکِشه، و شه دَسائه هِمراه صداقتِ هِمراه کار هاکانه، تا بَتونه یه چی مِحتاجونِ هَم، هاده.

کولُسیان 4:1

ای اربابون، شه نوکِرونِ هِمراه عدل و اِنصافِ هِمراه رِفتار هاکانین، چوون دوندِنی شِما هم یِتا اَرباب، آسِمون دِله دارنِنی.

اول تیموتائوس 5:13

به علاوه، وِشون تَنبلی ره یاد گِرنِنه، این سِره اون سِره شونِنه؛ نا فِقَط تنبلی، بلکه تِتِک بتِک گر و فضولِ بونِنه، و اون چیایی که نَوِسه بارِنِ گانِنه.

نامِه مَسیحینی عبرانی نِژادی سِه 12:28

پَس بِئین اون پادشاهیِ به دَس بیاردِنِ خاطِری که نَوونه اونِ بَلِرزانین، شِکر هاکانیم و این طی یِتا قابلِ قبولِ پَرَسِش خِدائه وِسه پیشکش هاکانیم که اِحترام و تَرسِ هِمراه بوئه.

یعقوبِ نامه 5:16

اینِ وِسه هَمدییه پَلی شه گِناهونِ اِعتراف هاکانین و هَمدییه وِسه دِعا هاکانین تا شِفا بَیرین. صالحِ آدِمِ دعا، خَله قِوَّتِ هِمراه عَمِل کانده.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اول پِطرُس 4:8

همه جِم مهمتر، هَمدییه ره جان و دِلِ هِمراه دوس دارین، چوون دوس داشتِن یَته خَله گِناهونِ پوشِندِنه.

یوحنایِ مکاشفه 2:4

«ولی مِن این شکایتِ تِ جِم دارمه که اون مِحبَّتی که اَوِّل داشتی ره وِل هاکاردی.