رومی ایشون 11:29 - کتاب مقدس به زبان مازندرانی - گویش شرقی

²⁹ چوون خِدا اَصلاً شه هَدیه ها و دَعوِتِ پَس نَینه.

گیله ماز

²⁹ چون خُدا اصلاً خودِشه عَطایا و دَعوتِ پَس نَگیرنِه.

کتاب مقدس به زبان مازندرانی - گویش غربی

²⁹ چون خِدا اصلاً شی هدیه ها و دعوتِ پَس نَئیرنِه.

رومی ایشون 11:29 Iomraidhean Croise

رومی ایشون 11:30

دِرِس همون‌طی که شِما یه وَختی نسبت به خِدا نافرمون بینی، ولی اَلان یَهودیونِ نافرمونیِ خاطِری، خِدائه رَحمت شِمه وِسه بییَمو،

رومی ایشون 8:28

دومبی اونایی حَق، که خِدا ره دوس دارنِنه و طبقِ وه اِراده دَعوِت بَینه، همه چی با هم وِشونِ خیریتِ وِسه دَره کار کانده.

رومی ایشون 8:30

و اونایی ره که قبلتر تعیین هاکارده ره هم دَعوِت هاکارده؛ و اونایی که دعوت هاکارده ره هم، صالح بِشمارِسه؛ و اونایی که صالح بِشمارِسه ره هم، جِلال هِدا.

اوّلین نامِه قُرنتیانی سِه 1:26

ای بِرارون، شه وَضعِ شه یاد بیارین: اون مووقه که خِدا شِما ره دَعوِت هاکارده. ویشتِر شِما دِنیائه ارزش هائه هِمراه، حَکیم بِشمارِسه نَوونِسِنی؛ و ویشتِر شِما قِددارون یا نجیب‌زاده هائه جِم نَبینی.

اِفِسُسیان 1:18

تا شِمه دِلِ چش رووشن بَووه، تا اون امیدی که خِدا شِما ره اونِ وِسه دَعوِت هاکارده، بِشناسین و خِدائه اون بی حدّ و حِساب و پِرجلالِ میراثِ، مِقدّسینِ دِله بِفَهمین،

اِفِسُسیان 4:1

پَس مِن که خِداوندِ خاطِری زِندونِ دِله دَرِمبه، خواهش کامبه که شِمه رِفتار، اون دعوتی که شِمه جِم بَییه ئه، لایق بوئه.

اِفِسُسیان 4:4

هَمون طی که یِتا تَن و یِتا روح دَره، خِدا هم اون مووقه که شِما ره دعوِت هاکارده یِتا امید شِما ره هِدا؛

فیلیپیان 3:14

هدفِ بَرِسییِنِ وِسه تقلّا کامبه، تا جایزه ای‌ ره که خِدا اونِ مَسیحْ عیسیِ دِله مِ ره به بالا دَعوت هاکارده ره به دَس بیارِم.

دوّم تِسالونیکیان 1:11

اینِ وِسه، اِما هَمِش دَره شِمه وِسه دِعا کامبی تا اَمه خِدا شِما ره شه دعوِتِ لایق بَدونه و شه قِوَّتِ هِمراه هر خوارِ نِیِّت و هر کاریِ که ایمونِ جِم سَرچشمه گِرنه ره اِنجام هاده،

دوم تیموتائوس 1:9

خِدایی که اِما ره نِجات هِدا و اِما ره مِقدَّسِ زندگیِ وِسه دَعوِت هاکارده. اینِ نا اَمه کارائه خاطِری، بلکه شه هدف و فیضِ وِسه، که مَسیحْ عیسیِ دِله از اَزل اِما ره هِدا،

نامِه مَسیحینی عبرانی نِژادی سِه 3:1

پَس ای مِقَدَّسِ بِرارون، اِی شِما که آسِمونی دَعوِتِ دِله شریکِنی، شِمه چِش عیسی ره بوئه، که وهِ رَسول و کاهِن اَعظِم، که وه ره ایمون دارمی و وه ره اِعتراف کامبی.

نامِه مَسیحینی عبرانی نِژادی سِه 7:21

ولی این یِتا کاهِن بَییه، قَسِمی هِمراه، که وه طریق وه ره بااوته: «خِداوند قَسِم بَخُرده و وه نَظِر عَوِض نَوونه: ”تِ تا اَبد کاهِن هسی“.»

پطرسی دِوّمین نامِه 1:10

پَس اِی بِرارون، ویشتر تَقِلّا هاکانین تا شه دعوِت و انتخاب بَیِّنِ ثابت هاکانین، چوون اگه این صفاتِ کار بَیرین هیچ وَخت نَکِفِنِنی.