رومی ایشون 11:25 - کتاب مقدس به زبان مازندرانی - گویش شرقی

²⁵ ای بِرارون، نِخوامبه این رازِ جِم بی خَوِر بوئین- نَکِنه شه ره حکیم بَدونین - که اِسرائیلِ یِتا قِسمِتِ سَنگ دلی بَییته، تا وِشونِ تعداد که قرارِ غیر یَهودیون میون، مَسیحِ ایمون بیارِن کامل بَووِن.

گیله ماز

²⁵ اِی اَداشان، نَخَنَم این رازِ جی بی خَبَر هَبین - نَکُنِه شِمِرِه حَکیم بِدانید - که اسرائیلِ ایتا تیکه رِه سنگدلی بِیته، تا اوشانِ تعداد که قرارِ غیرِ یهودیِانِ میَن مسیحِ ایمان بیارِن کامِل هَبو.

کتاب مقدس به زبان مازندرانی - گویش غربی

²⁵ اِی بِرارِن، نَخوایمِه هَین رازی جا بی خَور ووئین - نَکِنِه شِرِه حکیم دِنّین - گه اسرائیلی یَتِه گِلی رِه سنگدلی بَیتِه، تا وِشونی تعداد گه قرارِ غیریهودیِنی میِن مسیحِ ایمون بیارِن کامِل بَوون.

رومی ایشون 11:25 Iomraidhean Croise

اِنجیلِ مَتّی 13:11

عیسی جِواب هِدا: « آسِمونِ پادشاهیِ رازِ بِفَهمِسِن، شِما ره هِدا بَییه، ولی وِشونِ هِدا نَییه .

لوقا 21:24

وِشونِ شَمشیرِ هِمراه کُشِنِنه و اسیر کاندِنه و یِتا دییه مِلکِ دِله تبعید کاندِنه، اورشَلیم هم غیرِ یَهودیونِ دَس کَفِنه و لَگِدمال بونه تا مووقه ای که غیریهودیونِ دوره تِموم بَووه.

اِنجیلِ یوحنا 10:16

گُسفِنائه دییه هم دارمه که این گلهِ جِم نینه. اونا ره هم وِنه بیارِم و اونا هم مِ صدائه گوش دِنِنه. اون وَخت یِتا گلّه بونِنه، یِتا چپونِ هِمراه.

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 11:12

ولی اگه وِشونِ تقصیرات، دِنیا ره پولدار هاکارده و وِشونِ شکست غیر یَهودیونِ پولدار هاکارده، پَس وَختی که یَهودِ قوم کاملاً نِجات بَیرِن، چَنده ویشتر پولدار بَیِّنِ باعث بونه؟

رومی ایشون 11:24

چوون اگه تِ وحشیِ زیتونِ دارِ جِم بَوری بَئی و برخِلاف شه طبیعت، آزادِ زیتونِ دارِ کَش پیوند بَزو بَئی، پَس چَنده ویشتر اصلی چله ها توندِنه اون زیتونِ داری که وه جِم بَوری بَینه ره پیوند بَزه بَووِن.

رومی ایشون 12:16

هَمدییهِ هِمراه مدارا هاکانین! مَغرور نَبوئین، بلکه کِسایی هِمراه که ساده و ضعیفِنه، رفت و آمد هاکانین. هیچ وَخت شه ره حَکیم نَدونین.

رومی ایشون 16:25

اِسا وه جِلالِ که تونده طبقِ مِ انجیل و عیسی مَسیحِ موعظه، شِما ره تقویت هاکانه- یعنی طِبق یِتا رازِ کشف هاکاردِن که از اَوِّلِ دِنیا جا هِدا بییه،

رومی ایشون 9:18

پَس خِدا هر کی که بِخوائه ره رَحم کانده و هر کی که بِخوائه ره سَنگ دِل کانده.

اوّلین نامِه قُرنتیانی سِه 10:1

ای بِرارون، چوون نِخوامبه این جَریانِ جِم بی خَوِر بوئین که اَمه پییِرون همه اَبرِ بِن دَینه و همه دَریائه میونِ جِم رَد بَینه.

اوّلین نامِه قُرنتیانی سِه 12:1

اِسا اِی بِرارون نِخوامبه روحانی عطایائه خَوِری، بی خَوِر بوئین.

اوّلین نامِه قُرنتیانی سِه 2:7

بلکه اِما خِدائه حِکمتِ جِم که راز هَسه و جا هِدا، گَب زَمبی هَمون حِکمتی که خِدا اونِ قبل از اینکه دِنیا ره خَلق هاکانه اَمه جِلالِ وِسه معیِّن هاکارده.

اوّلین نامِه قُرنتیانی سِه 4:1

هر کی وِنه اِما ره مَسیحِ خادمون و مِواشِرونِ دید هارِشه که خِدائه رازها وِشونِ اَمانت بِسپارِسه بَییه.

اِفِسُسیان 1:9

وه شه ارادهِ رازِ اِما ره بِشناسِندیه. طِبق شه خواسه که مَسیحِ دِله ظاهر هاکارده

اِفِسُسیان 3:9

و همه ره سِراغ هادِم که خِدائه نخشه چی طی اِنجام بونه. خِدا که همه چی ره خَلق هاکارده، شه این رازِ از قدیم جا هِدا داشته.

اِفِسُسیان 4:18

وِشونِ عقل تاریک بَییه، و نادونی ای خاطِری که وِشونِ سَنگ دِلیِ نتیجه ئه، خِدائه زندگیِ جِم دور بَینه.

پطرسی دِوّمین نامِه 3:8

ولی ای عزیزون، این حَییقتِ ندید نَیرین که خِداوندِ پَلی یِتا روز هزار سالِ و هزار سال یِتا روزِ واریِ.

یوحنایِ مکاشفه 1:20

اون هفتا ستاره که مِ راسِ دَسِ دِله بَدیئی و اون هفتا طِلا لمپا پایهِ راز اینِ: اون هفتا ستاره، هفتا کلیسائه فرشته هانه، و اون هفتا لمپا، هفتا کلیسانه.

یوحنایِ مکاشفه 10:7

بلکه اون روزائه دِله که هَفتِمین فرشته شه شیپورِ صِدا ره بیرون بیاره، خِدائه راز کاملاً اِنجام بونه، هَمون طی که شه خادِمون، یعنی پِیغَمبِرونِ اِعلام هاکارده.»

یوحنایِ مکاشفه 11:15

بعد هَفتِمین فرشته شه شیپورِ دِله فوت هاکارده؛ و بِلندِ صِداهایی آسمونِ دِله دَپیته که گاتِنه: «دِنیائه پادشاهی، اَمه خِداوند و وه مَسیحِ شِنه. و وه تا اَبد و تا اَبد سلطِنت کانده.»

یوحنایِ مکاشفه 7:9

بعد که بَدیمه و هارِش، یِتا گَتِ جَمیَّت که هیچ کَس نَتونِسه اونِ بِشماره، هر ملّت و هر طایفه و هر قوم و زِوونِ جِم همه اون تخت و وَرهِ روب رو اِیست هاکارده بینه. اسبه قَوا شه تَن و نَخلِ چله ها ره شه ‌دَس داشتِنه.