رومی ایشون 11:13 - کتاب مقدس به زبان مازندرانی - گویش شرقی

¹³ اِسا، شِما غیر یَهودیونِ هِمراه گَب زَمبه. از اونجه که مِن غیر یَهودیونِ رَسولِمه، شه خِدمِت سَر خَله اِفتخار کامبه،

گیله ماز

¹³ اَسِه مَن شُما غیرِ یهودیِانِ هَمرَه گَب زَنَم. اوجه یه جی که مَن غیرِ یَهودِیان رَسولم، می خِدمَت سَر خِیلی فَخر کانَم،

کتاب مقدس به زبان مازندرانی - گویش غربی

¹³ اِسا، شِما غیرِیهودیِنی هَمرا گَب زَمِّه. از اوجِه گه مِن غیرِیَهودِینی رَسولمِه، شی خِدمَتی سَر خِیلی افتخار کِمّه،

رومی ایشون 11:13 Iomraidhean Croise

اعمال رَسولان 13:2

مووقه ای که وِشون روزه بینه و دَینه خِداوندِ پرسِش کاردِنه، روح القدُس بااوته: «بَرنابا و شائولِ کاریِ که مِن وِشونِ اونِ وِسه دَعوت هاکاردِمه، سیوا هاکانین.»

اعمال رَسولان 22:21

خِداوند مِ ره بااوته: ”بور؛ چوون مِن تِ ره دورِ دورِ جاها، غیرِ یَهودیونِ پَلی فِرِسِندِمبه»

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

غَلاطیان 1:16

که شه ریکا ره مِ دِله ظاهر هاکانه تا اونِ غیریهودیونِ میون اِعلام هاکانِم، اون مووقه، جِسم و خونِ هِمراه مَشورت نَکاردِمه،

غَلاطیان 2:2

مِن یِتا مکاشِفهِ خاطری بییه که بوردِمه. و اِنجیلی که غیریَهودیونِ دِله موعظه کارده بیمه ره وِشونِ وِسه توضیح دامه؛ البته خلوتِ دِله، و فِقط وِشونی که مِ نَظِر با نفوذ بینه ره بااوتِمه، چوون نگرون بیمه که نَکِنه بی خودی دوو بَییته بوئِم.

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.