رومی ایشون 10:2 - کتاب مقدس به زبان مازندرانی - گویش شرقی

² چوون مِن تومبه وِشونِ خَوِری شِهادِت هادِم که خِدائه وِسه غیرت دارنِنه، ولی نا معرفتِ سَر.

گیله ماز

² چون مَن تانَم اوشانِه بارِه شَهادت هَدَم که خُدایِ وَسین غیرت دارِن، وَلی نه معرفتِ سَر.

کتاب مقدس به زبان مازندرانی - گویش غربی

² چون مِن بَتِمِّه وِشونی خَوَری شَهادت هادِم گه خِدایی سِه غیرت دارِنِه، ولی نا معرفتی سَر.

رومی ایشون 10:2 Iomraidhean Croise

اِنجیلِ یوحنا 16:2

شِما ره عبادتگاه هائه جِم بیرون کاندِنه و حَتَّی مووقه ای رِسِنه که هر کی شِما ره بَکوشه، خیال کانده خِدا ره خِدمِتِ هاکارده.

اعمال رَسولان 21:20

وِشون وَختی بِشنُسِنه، خِدا ره حمد و ثناء بااوتِنه. بعد پولُسِ بااوتِنه: «ای بِرار، هَمون طی که ویندی هزارون یَهودی ایمون بیاردِنه و همه شَریعتِ وِسه غیرت دارنِنه.

اعمال رَسولان 21:28

شونگ کَشینه: «ای یَهودیون، کُمِک هاکانین؛ این هَمونِ که تِمومِ مَردِمِ همه جا اَمه قوم و اَمه شَریعتِ علیه و این مَکانِ علیه تَعلیم دِنه. قبل از این، یونانیونِ مَعبِدِ دِله بیارده و این مقدّسِ جا ره نَجس هاکارده.»

اعمال رَسولان 22:22

مَردِم تا اینجه پولُسِ گَبِ گوش دانه، ولی وَختی اینِ بااوته، شه صِدا ره بِلِند هاکاردِنه، داد بَکِشینه: «زِمینِ، این طی آدِمِ جِم پاک هاکانین نَوِسه اِجازه هِدا این طی آدِم زِنده بَمونه!»

اعمال رَسولان 22:3

«مِن یَهو‌دی مَردیمه، کیلیکیهِ تارسوسِ شَهرِ دِله دِنیا بییَمومه ولی اورشَلیمِ شَهرِ دِله گَت بَیمه. شه اَجدادِ شَریعتِ کاملاً، گامالائیلِ دَسِ بِن یاد بَییتِمه و خِدائه وِسه غیرت داشتِمه، هَمون طی که شِما همه اَمروز دارنِنی.

رومی ایشون 10:1

ای بِرارون، اِسرائیلِ قومِ وِسه، مِ دلِ آرزو و مِ دعا، خِدائه پَلی، اینِ که نِجات بَیرِن.

رومی ایشون 10:3

چوون اون صالحیِ نَدونِسِنِ خاطِری که خِدائه جِم هَسه و اینِ وِسه که شه صالحیِ ثابت هاکاردِنِ دِمبال دَیینه، اون صالحیِ روب رو که خِدائه جِم هَسه، شه سَرِ جِر نیاردِنه.

دوّمین نامه قرنتیانِ وَسین 4:4

این دِنیائه خِدا، بی ایمونونِ فکرها ره کور هاکارده تا مَسیحِ جِلالِ انجیلِ نورِ، که خِدائه دیمِ ره نَوینِن.

دوّمین نامه قرنتیانِ وَسین 4:6

چوون هَمون خِدا که بااوته: «نور، تاریکیِ جِم بَتابه،» شه نورِ اَمه دلهائه دِله بَتابِندیه تا خِدائه جِلالِ بِشناسیِن، مَسیحِ دیمِ دِله، اِما ره نورانی هاکانه.

دوّمین نامه قرنتیانِ وَسین 8:3

چوون که مِن شاهِدِمه که وِشون شه تَوانِ اِندا، حَتَّی ویشتر از اون، پیشقَدِم بَینه،

غَلاطیان 1:14

و یهودیگریِ دِله، خَله شه سَر و هَمسَرونِ جِم پیش دَکِتِمه، شه قومِ دِله و اَمه اَجدادِ رَسم و رسوم هائه خاطِری خَله غیرت داشتِمه.

غَلاطیان 4:15

پَس شِمه ذوق و شوق چی بَییه؟ چوون تومبه شِهادِت هادِم که اگه تونِسینی، حَتّی شه چِشا ره هم بیرون یاردینی و مِ ره دانی.

فیلیپیان 1:9

مِ دعا اینِ که شِمه مِحَبَّت ویشتر و ویشتر بَووه و معرفت و فَهمِ کاملِ هِمراه بوئه،

فیلیپیان 3:6

طبقِ غیرت، کلیسائه آزاردهنده؛ طبقِ صالح بییَن که شَریعتِ جِم اِنه، بی‌عیب.

کولُسیان 4:13

مِن شاهدِمه که وه شِمه وِسه و اونایی که لائودیکیه و هیراپولیس دِله دَرِنهِ وِسه، سَخت زحمت بَکِشیه.