رومی ایشون 1:21 - کتاب مقدس به زبان مازندرانی - گویش شرقی

²¹ چوون هر چَن خِدا ره بِشناسینه، ولی وه ره خِدائه واری حِرمَت نییِشتِنه و شِکر نَکاردِنه، بلکه شه فِکرِ دِله، هیچ و پوچِ گرفتار بَینه و وِشونِ نِفَهمِ دلها ره تاریکی بَییته.

گیله ماز

²¹ چون هرچَن خُدا رِه بِشناختِن، ولی اونه ایتا خُدای مِثان حُرمَت نُذاشتِن و شُکر نَکُردِن، بلکه خودِشانِ فِکرِ دِلِه هیچ و پوچِ گرفتار هَبان و اوشانِ نادانِ دِلِشان رِه تاریکی بِیتِه

کتاب مقدس به زبان مازندرانی - گویش غربی

²¹ چون هر چَن خِدارِه بِشناسینِه، ولی وِرِه هِتی خِدایی تَرا حِرمَت نِشتِنِه و شِکر نَکِردِنِه، بَلگی شی فِکری دِلِه هیچ و پوچی گرفتار بَوِنِه و وِشونی نِفهمِه دِلیشونِه تاریکی بَیتِه.

رومی ایشون 1:21 Iomraidhean Croise

اِنجیلِ یوحنا 3:19

و مَحکومیت اینِ که نور دِنیائه دِله بییَمو، ولی مَردِم تاریکی ره نُورِ جِم ویشتر دوس داشتِنه، چوون وِشونِ اَعمال بَد بییه.

اعمال رَسولان 26:18

تا وِشونِ چِشا ره واز هاکانی جوری که تاریکیِ جِم نورِ سَمت، و شیطانِ قِدرَتِ جِم، خِدائه سَمت بَردَگِردِن، تا وِشونِ گِناهون بیامِرزی بَووه و ایمونِ خاطری،که مِ ره دارنِنه، مِقدَّسینِ برکات دِله سهمی دارِن.“

رومی ایشون 1:19

چوون اونچی خِدائه جِم بونه بِشناسییَن وِشونِ وِسه دیارِ، چوون خِدا اونِ وِشونِ وِسه دیار هاکارده.

رومی ایشون 1:28

از اونجه که خِدائه بِشناسییَن، وِشونِ وِسه ارزشی نِداشته، خِدا هم وِشونِ، بَد بَدِ فکرهائه دِله وِل هاکارده تا اون کاری که نَووِسه هاکانِنِ انجام هادِن.

رومی ایشون 11:10

وِشونِ چِشا تار بَووه تا نَتونِن بَوینِن وِشونِ کَمِر هَمِش دِلّا بوئه.»

رومی ایشون 15:9

و تا غیرِ یَهودیون، خِدا ره وه رَحمِتِ خاطِری جِلال هادِن. هَمون طی که مِقدَّسِ نوشته هائه دِله بَنوِشته بَییه: « پَس مِن تِ ره غیرِ یَهودیون دِله حمد و ثِناء کامبه، و تِ اسمِ هِمراه آواز خوندِمبه.»

دوم تیموتائوس 3:2

چوون مَردِم خود شیفته، پولدوس، مَغرور، متکبّر، ناسزاگو، شه پییِر مارِ جِم اِطاعت نَکاندِنه، ناشِکر، ناپاک،

اول پِطرُس 1:18

چوون دوندِنی شِمه آزادی اون بیخودی راه هائه دِله که شه پییِرونِ جِم اِرث بَوِرده بینی، اون چیائه هِمراه که از بین شونه، طِلا و نِقره واری، بَخری نَییه

اول پِطرُس 2:9

ولی شِما اِنتخاب بَییه نَسل و کاهنونی هَسینی که شاهانه کاهنی کاندینی، شِما مِقدَّسِ مِلّت و مَردِمی هَسینی که خِدائه مِلکِنی، تا وه عالی صفت ها ره اِعلام هاکانین که شِما ره تاریکیِ جِم، شه عجیبِ نورِ وِسه دَعوِت هاکارده.

یوحنایِ مکاشفه 14:7

و وه یِتا بِلِندِ صِدائه هِمراه بااوته: «خِدائه جِم بَتِرسین و وه ره جِلال هادین، چوون که وه داوِریِ ساعت بَرِسیه. وه ره پرسِش هاکانین. وه که آسِمون و زِمین و دریا و چشمه‌هائه اوه ره خَلق هاکارده.»

یوحنایِ مکاشفه 15:4

ای خِداوند،کیِ که تِ جِم نَتِرسه و تِ اسمِ، جِلال نَده؟ چوون فِقَط تِ قدّوسی. تِمومِ مِلّت ها اِنِنه و تِ ره پرسِش کاندِنه چوون که تِ عادلانه کارا دیار بَییه.»